ශ්‍රී ලංකාව සහ ඉන්දියාව යා කරමින් යෝජිත ගොඩබිම් පාලම් ව්‍යාපෘතිය ආරම්භ කිරීම සඳහා ශ්‍රී ලංකා රජයේ අනුමැතිය ලැබුණු සැනින් ඊට අදාළ පියවර ගැනීමට ඉන්දියාව සූදානමින් සිටින බව මෙම විෂය පිළිබඳව සමීපව කටයුතු කරන ඉහළ පෙළේ ආරංචි මාර්ගයක් අනාවරණය කරයි.

පාස්කු ඉරිදා මරාගෙන මැරෙන ප්‍රහාරය සම්බන්ධයෙන් වසර දෙකකට ආසන්න කාලයක් රිමාන්ඩ් බන්ධනාගාරගතව සිටි සැකකරුවෙකු වන මොහොමඩ් ෆසල්, එම ප්‍රහාරය පිළිබඳව මෙතෙක් අනාවරණය නොවූ ආන්දෝලනාත්මක තොරතුරු රැසක් මාධ්‍යවේදී චමුදිත සමරවික්‍රම මහතා සමඟ පැවැත්වූ විශේෂ සාකච්ඡාවකදී හෙළිදරව් කර තිබේ.

හදිසි පාර්ලිමේන්තු විවාදයක් ඉල්ලමින් විපක්ෂයේ මන්ත්‍රීවරුන් විසින් අත්සන් කරන ලද ලිපියක් අද (23) පාර්ලිමේන්තුවේදී කථානායකවරයා වෙත භාරදෙනු ලැබීය.

ඉස්ලාම් දහමට අපහාසාත්මක වන ආකාරයේ ප්‍රකාශයක් සිදු කිරීම තුළින් ජාතීන් අතර සංහිඳියාව බිඳ හෙළීමට ක්‍රියා කළේ යැයි චෝදනා ලබා වරදකරු කළ බොදු බල සේනා සංවිධානයේ ලේකම් පූජ්‍ය ගලගොඩඅත්තේ ඥානසාර හිමියන්ට කොළඹ මහේස්ත්‍රාත් අධිකරණය විසින් නියම කරනු ලැබූ මාස 09ක සිරදඬුවම සහ රුපියල් 1500ක දඩය කොළඹ මහාධිකරණය විසින් අද (23) තහවුරු කර තිබේ.

2019 පාස්කු ඉරිදා ත්‍රස්ත ප්‍රහාරය සම්බන්ධයෙන් බ්‍රිතාන්‍යයේ "චැනල් 4" (Channel 4) නාලිකාව විකාශය කළ වාර්තා වැඩසටහනේදී ආසාත් මවුලානා විසින් ඉදිරිපත් කරන ලද චෝදනා සම්පූර්ණයෙන්ම සාවද්‍ය සහ ගොතන ලද ඒවා බව පවසමින් ස්විට්සර්ලන්තයේ ස්ථිර පදිංචි ලාංකිකයෙකු වන අලි උතුමා ලෙබ්බේ මොහොමදු හැරිස් නමැත්තෙකු විසින් දිවුරුම් ප්‍රකාශයක් ලබා දී ඇති බවට සමාජ මාධ්‍ය හරහා තොරුතුරු වාර්තා වේ.

භාණ්ඩාගාරය සතු අමෙරිකානු ඩොලර් මිලියන 2.5ක මුදලක් අස්ථාන ගතවීම සම්බන්ධයෙන් සොයාබැලීම සදහා රජයේ මුදල් පිළිබද කාරක සභාව අද (23) යළි රැස්වීමට නියමිතව තිබේ.

පාස්කු ඉරිදා ත්‍රස්ත ප්‍රහාරය සම්බන්ධ විමර්ශනවලට අදාළව රාජ්‍ය බුද්ධි සේවයේ හිටපු ප්‍රධානී මේජර් ජෙනරාල් සුරේෂ් සලේ මහතා අත්අඩංගුවට ගැනීම සම්බන්ධයෙන් අදහස් දක්වමින් හිටපු අමාත්‍ය විජයදාස රාජපක්ෂ මහතා පවසන්නේ ඇතැම් කතෝලික පියතුමන්ලාට වඩා සුරේෂ් සලේ මහතා මෙරට ජාතික ආරක්ෂාව වෙනුවෙන් සහ රට වෙනුවෙන් විශාල සේවයක් ඉටුකළ නිලධාරියකු බවය.

රජය විසින් කෙසෙල් ගස්වල පට්ටාවලින් රෙදි නිෂ්පාදනය කිරීමට අවධානය යොමු කිරීමට ප්‍රථම, වත්මන් ආර්ථික අර්බුදය හමුවේ දැඩි අවදානමකට ලක්ව ඇති මෙරට පවතින ඇඟලුම් කර්මාන්තශාලා සුරක්ෂිත කිරීමට ප්‍රමුඛතාව ලබා දිය යුතු බව විපක්ෂ නායක සජිත් ප්‍රේමදාස මහතා ප්‍රකාශ කළේය.

2019 වසරේ සිදුවූ පාස්කු ඉරිදා ත්‍රස්ත ප්‍රහාරය සම්බන්ධයෙන් හිටපු නීතිපති දප්පුල ද ලිවේරා මහතා විශ්‍රාම යාමට ආසන්න දිනකදී සිදුකළ "පාස්කු ප්‍රහාරය පිටුපස මහා කුමන්ත්‍රණයක් පවතිනවා" යන ප්‍රකාශය පිළිබඳව හිටපු අධිකරණ අමාත්‍ය විජයදාස රාජපක්ෂ මහතා 'අද දෙරණ' විශේෂ වැඩසටහනකට එක්වෙමින් අදහස් දක්වා තිබේ.