ශ්‍රේෂ්ඨාධිකරණය සහ අභියාචනාධිකරණය සඳහා විනිසුරුවන් පත්කිරීම විධායකය විසින් ප්‍රමාද කිරීමට අදාළව ජනාධිපතිවරයා පාර්ලිමේන්තුවේදී සිදුකළ ප්‍රකාශය, රටේ පවතින නීතියේ ආධිපත්‍යට පටහැනි බව 'සත්‍ය ගවේශකයෝ' සංවිධානය පෙන්වා දෙයි.

ඊශ්‍රායල ගුවන් ප්‍රහාරයකින් ජීවිතක්ෂයට පත් වූ ඉරානයේ හිටපු උත්තරීතර ආධ්‍යාත්මික නායක අයතුල්ලා අලි කමේනිගේ අවමංගල්‍ය උත්සවය අද (4) අලුයම ටෙහෙරාන් නුවරදී නිල වශයෙන් ආරම්භ විය.

වර්තමානයේ වී කිලෝවක් සඳහා ලැබෙන රුපියල් 95ත් 100ත් අතර මිල අසාධාරණ බවත්, එය රුපියල් 120 දක්වා වැඩි කළ යුතු බවත් නිවාස, ඉදිකිරීම් සහ ජල සම්පාදන නියෝජ්‍ය අමාත්‍ය ටී.බී. සරත් මහතා පවසයි.

පාතාල කල්ලි සහ මත්ද්‍රව්‍ය ජාවාරම්කරුවන්ගෙන් මාසිකව වැටුප් ලබාගන්නා බවට තොරතුරු අනාවරණය වී ඇති පොලිස් නිලධාරීන් 200කට ආසන්න පිරිසක් සම්බන්ධයෙන් රජයේ බුද්ධි අංශ පුළුල් විමර්ශනයක් ආරම්භ කර තිබේ.

වෙනිසියුලාවේ සිදු වූ භූ කම්පන ද්විත්වයෙන් ගොඩනැගිලි 885කට හානි සිදුවී ඇති අතර, 189ක් සම්පූර්ණයෙන්ම කඩා වැටී ඇති බව වාර්තා වේ.

ශ්‍රී ලංකාවේ උතුරු නැගෙනහිර පළාත් නියෝජනය කරන දෙමළ දේශපාලනඥයින් පිරිසක් සහ තමිල්නාඩු මහඇමති ජෝසප් විජෙයි අතර හමුවක් ඊයේ (03) පවත්වා තිබේ.

ඇමෙරිකානු සහ ඊශ්‍රායල ප්‍රහාර හමුවේ ඝාතනයට ලක්වී මාස හතරකට වැඩි කාලයකට පසු, ඉරානයේ හිටපු උත්තරීතර නායක අයතුල්ලා අලි කමේනි වෙනුවෙන් දින කිහිපයක රාජ්‍ය ශෝක කාලයක් සහ අවමංගල්‍ය පෙරහැර මාලාවක් ඉරාන බලධාරීන් විසින් ආරම්භ කර තිබේ.

චීනයේ සිනොපෙක් (Sinopec) සමාගම විසින් හම්බන්තොට ප්‍රදේශයේ ඉදිකිරීමට යෝජිත, ඇමරිකානු ඩොලර් බිලියන 3.7ක් වටිනා දැවැන්ත තෙල් පිරිපහදු ව්‍යාපෘතිය එහි කොන්දේසි සම්බන්ධයෙන් පවතින මතභේද හේතුවෙන් තවදුරටත් ප්‍රමාද වෙමින් පවතින බව ඩේලි මිරර් පුවත්පත වාර්තා කරයි.

ලෝක වෙළෙඳපොළේ එල්.පී. ගෑස් මිලෙහි සිදුවූ අඩුවීමේ වාසිය පාරිභෝගිකයන් වෙත ලබාදීම සඳහා ලිට්රෝ ගෑස් මිල ගණන් අඩු කිරීමට එම සමාගම තීරණය කර ඇත.