ආසියානු තරගාවලියට ලංකාවෙන් ජපානයට ලොකු පිරිසක්.. නිලධාරින් විතරක් 82ක් යනවලු..
ජපානයේ නගෝයා නුවරදී පැවැත්වීමට නියමිත 20 වැනි ආසියානු ක්රීඩා උළෙල නියෝජනය කිරීම සඳහා ශ්රී ලංකාවෙන් 238 දෙනෙකුගෙන් යුත් දැවැන්ත කණ්ඩායමක් සහභාගී කරවීමට පියවර ගෙන ඇත.
ලබන 13 වැනිදා සිට දිවයිනෙන් පිටත්ව යාමට නියමිත මෙම පිරිස ශ්රී ලංකා ආසියානු ක්රීඩා ඉතිහාසයේ සහභාගි කරවන දෙවැනි විශාලතම කණ්ඩායම ලෙසද තොරතුරු වාර්තා වේ.
ඔක්තෝබර් 04 වැනිදා දක්වා පැවැත්වෙන මෙම ක්රීඩා උළෙල සඳහා ආසියානු කලාපයේ රටවල් 46 කින් ක්රීඩක ක්රීඩිකාවන් 11,000 කට අධික පිරිසක් එක්වීමට නියමිතය.
මෙවර තරගාවලියේදී ශ්රී ලංකාව තරග ඉසව් 25 ක් නියෝජනය කිරීමට සූදානම් වන අතර, ඒ සඳහා පිරිමි ක්රීඩකයින් 100 ක් සහ කාන්තා ක්රීඩිකාවන් 56 ක් ඇතුළුව ක්රීඩකයින් 156 දෙනෙකු එක්වෙති.
කෙසේ වෙතත්, ක්රීඩකයින් සංඛ්යාවට සාපේක්ෂව නිලධාරීන් 82 දෙනෙකු වැනි අතිවිශාල පිරිසක් මෙම සංචාරයට ඇතුළත් කර තිබීම පිළිබඳව ක්රීඩා ක්ෂේත්රය තුළ දැඩි කතාබහක් නිර්මාණය වී ඇත. ජාතික ඔලිම්පික් කමිටුවේ සභාපති, ලේකම්, භාණ්ඩාගාරික ඇතුළු ඉහළ පෙළේ නිලධාරීන් හත් දෙනෙකුට මෙන්ම වත්මන් පාලනාධිකාරියට සහාය පළ කළ ජාතික ක්රීඩා සංගම් ප්රධානීන් රැසකටද මෙහි විවිධ තනතුරු පිරිනමා ඇති බව වාර්තා වේ.
සංචිතයේ ප්රධානී ධුරය ශ්රී ලංකා ස්කොෂ් සම්මේලනයේ සභාපතිවරයා වෙත පවරා ඇති අතර, උප ප්රධානී සහ ප්රධාන වෛද්ය නිලධාරී ධුර ද ක්රීඩා සංගම් ප්රධානීන් අතර බෙදී ගොස් තිබේ. ක්රීඩා අමාත්යාංශයේ මූලික අනුග්රහය හිමිවන මෙම සංචාරයේ සමස්ත කණ්ඩායමේ ගුවන් ප්රවේශපත්ර සඳහා පමණක් රුපියල් කෝටි 8 කට ආසන්න මුදලක් වැය වන බව පැවසෙයි.
1951 සිට ආසියානු ක්රීඩා උළෙල නියෝජනය කරන ශ්රී ලංකාව මේ දක්වා රන් 12 ක්, රිදී 12 ක් සහ ලෝකඩ 49 ක් ලෙස සමස්ත පදක්කම් 73 ක් දිනාගෙන ඇත. අවසන් වරට 2022 වසරේ පැවැති තරගාවලියේදී ශ්රී ලංකාව රන් පදක්කමක්, රිදී පදක්කම් දෙකක් සහ ලෝකඩ පදක්කම් දෙකක් ලබාගත් අතර, එහිදී කාන්තා මීටර් 800 ඉසව්වෙන් එකම රන් පදක්කම දිනාගනු ලැබුවේ තරුෂි කරුණාරත්න විසිනි.
සම්බන්ධිත පුවත් | Related News
ප්රධාන පුවත්
ආසියානු තරගාවලියට ලංකාවෙන් ජපානයට ලොකු පිරිසක්.. නිලධාරින් විතරක් 82ක් යනවලු..
එක්සත් ජාතීන්ගේ 63 වන මානව හිමිකම් වාර්තාව ශ්රී ලංකාවේ ස්වෛරීභාවයට එල්ල වූ තර්ජනයක්.. – ගෝලීය ශ්රී ලාංකික සංසදයෙන් නිවේදනයක්..
ඉරානය සම්බන්ධයෙන් ඇමරිකාව ඉදිරිපත් කළ ජාත්යන්තර පරමාණුක බලශක්ති ඒජන්සියේ යෝජනාවට චීනය විරෝධය පළ කරයි.. – යළි සංවාදයට පැමිණෙන ලෙස ඉල්ලයි
ඥානසාර හිමිට පිරිනැමූ ජනාධිපති සමාව නීතියට පටහැනි බවට ශ්රේෂ්ඨාධිකරණ තීන්දුවක්..
නාමල් අත්අඩංගුවට ගැනීම පිටුපස ඇති දේශපාලන ගණිතය කුමක්ද?
ආනයන මුළුමනින්ම තහනම් කරන දැඩි වෙළෙඳ යුද්ධයකට ට්රම්ප් සැරසෙයි..
ජර්මනියේ AFD ජයග්රහණය යුරෝපයම වෙනස් කරයිද?.. - ආචාර්ය ජගත් චන්ද්රවංශගෙන් අනාවරණයක්
සරල ගිවිසුම් අත්සන් කරන්න ඉන්දීය ආරක්ෂක ඇමැති එන්නේ නෑ.. සැබෑ ගිවිසුම් වහා රටට හෙළිකරනු! - පුබුදු ජයගොඩ
"ඉන්දියාවේ ආරක්ෂක අභිමතයන්ට විරුද්ධ කිසිදු ක්රියාකාරකමකට ශ්රී ලංකා භූමිය කිසිවිටෙකත් භාවිතා කිරීමට ඉඩක් නෑ" - ජනපති අනුර ඉන්දීය ආරක්ෂක ඇමති හමුවේ පැවසු බවට එරට ආරක්ෂක අමාත්යංශයෙන් නිවේදනයක්..
ඉන්දු - ශ්රී ලංකා ගිවිසුම් තුනකට අත්සන් තබයි..
පර්සියානු බොක්කේ නෞකා රැසකට ඉරානයෙන් ප්රහාර..
අධිකරණයට බලපෑම්.. දේශපාලන පළිගැනීම් සහ තෝරාගත් පුද්ගලයන් ඉලක්ක කර ගනිමින් නීතිය ක්රියාත්මක කිරීම්.. ශ්රී ලංකාවට වහා මැදිහත් වන්න..- මිලින්ද රාජපක්ෂ ජිනීවා අමතමින් කියයි
උතුරු කොරියාව සහ රුසියාව යාකරමින් කිලෝමීටරයක් දිග පාලමක්..
ආණ්ඩුවේ නායකයින් ගනුදෙනුකරුවන් සතුටු කිරීම සඳහා ඕනෑම දෙයක් කරන අසරණ වෛශ්යාවන් ලෙස කටයුතු කරනවා.. - ජාතික සංවිධානවලින් චෝදනා..
ලොවක් සුවපත් කරන කියුබාවේ වෛද්ය ජාත්යන්තරවාදය, අනතුරේ!
කළුතර ප්රා. සභාවේ පන්සිල්, ජාතික ගීය සහ රණවිරු සැමරුම් තහනම්.. - නියෝගය කොමසාරිස්ගෙන්..