වර්තමාන ආණ්ඩුව බලයට පත් වූවේ සෑමේ ප්‍රශ්නයකටම විද්‍යාත්මක විසදුම් ලබාදෙන බවට පොරොන්දු වී නමුත්, මේ වන විට ගොවියාගේ අස්වැන්න සදහා සහතික මිලක් වති නියම කර ගැනීමට නොහැකිව සිටින බව ජාතික ගොවි ව්‍යාපාරයේ කැඳවුම්කරු කරුණාතිලක හේරත් මහතා පවසයි.

වර්තමානයේ මෙරට සිටින ආණ්ඩුකාරවරයෙක් විශාල වශයෙන් පොල් මිලට ගෙන අපනයනය කරමින් සිටින බවට ජාතික පාරිභෝගික පෙරමුණේ සභාපති අසේල සම්පත් චෝදනා කරයි.

ශ්‍රී ලංකා පොදුජන පෙරමුණේ පළාත් පාලන ආයතන මැතිවරණයට අදාළ ප්‍රචාරක කටයුතු හෙට (25) අනුරාධපුරයෙන් ආරම්භ කිරීමට නියමිතව ඇත.

වාහන ආනයනය සඳහා නිකුත් කර ඇති බලපත්‍ර අවලංගු කිරීමට රජය තීරණය කර ඇති බවට පසුගියදා පළවූ වාර්තා ප්‍රතික්ෂේප කරන බව ආර්ථික සංවර්ධන නියෝජ්‍ය අමාත්‍ය අනිල් ජයන්ත ප්‍රනාන්දු පවසයි.

හිටපු ජනාධිපති මහින්ද රාජපක්ෂ විජේරාම නිල නිවසින් ඉවත් කිරීමට නම් 1986 අංක 4 දරන ජනාධිපති හිමිකම් පනත සංශෝධනය කළ යුතු බවත්, ආණ්ඩුව ඒ සඳහා උත්සාහයක් දරන්නේ නම්, ශ්‍රේෂ්ඨාධිකරණය හමුවේ ඊට අභියෝග කිරීමේ හැකියාව පවතින බවත් ශ්‍රී ලංකා පොදුජන පෙරමුණ නීතිඥ සංවිධානයේ ලේකම් නීතිඥ අතුල ද සිල්වා ඊයේ (23දා) එම පක්‍ෂ මූලස්ථානයේ පැවැති මාධ්‍ය හමුවකදී පැවැසීය.

යුක්රේන ගැටුම අවසන් කිරීම සඳහා සාකච්ඡා කිරීම සඳහා හැකි ඉක්මනින් රුසියානු ජනාධිපති ව්ලැඩිමීර් පුටින් හමුවීමට සූදානම් බව ඇමරිකානු ජනාධිපති ඩොනල්ඩ් ට්‍රම්ප් පවසා ඇතැයි විදෙස් මාධ්‍ය පවසයි.

ඊයේ උදෑසන බේරේ වැවේ මතුපිට පාවෙමින් තිබූ තාරාවන් සහ අළු පැස්තුඩුවන් රැසකගේ මළ සිරුරු දුසිම් ගණනක් හේතුවෙන් සැකයක් නිර්මාණය වී ඇත.

රට තුළ පවතින උග්‍ර පොල් හිඟයට පිළියම් යෙදීම සඳහා, පොල් සංවර්ධන මණ්ඩලය නව ප්‍රතිපත්තියක් ප්‍රකාශයට පත් කර ඇති අතර, ඒ අනුව පොල් ගස් කැපීමට පෙර අදාළ පුද්ගලයන් ප්‍රාදේශීය ලේකම්වරයාගෙන් සහ මණ්ඩලයෙන්ම අවසර ලබාගත යුතුය.

හම්බන්තොට තෙල් පිරිපහදුවක් සඳහා චීනයේ සිනොපෙක් සමඟ ගිවිසුමක් අත්සන් කිරීමට සූදානම්ව සිටින රජය, ඉන්දියාවේ සහාය ඇතිව ත්‍රිකුණාමලයේ ද එවැනිම මධ්‍යස්ථානයක් ස්ථාපනය කිරීමට සැලසුම් කරන බව විදේශ කටයුතු අමාත්‍ය විජිත හේරත් පවසයි.