රැකියා කෝටා ප්‍රතිසංස්කරණ ව්‍යාපාරය අතරතුර, මෑතකදී තම ආණ්ඩුව පළවා හැරීමට සිය රටේ ඇති වූ විරෝධතා “ශ්‍රී ලංකාවේ වැනි තත්වයක්” නිර්මාණය කිරීම අරමුණු කරගත් තත්ත්වයක් බව බංග්ලාදේශ අගමැතිනි ෂීක් හසීනා ඩකා හි ඉන්දීය මහ කොමසාරිස් ප්‍රනායි වර්මාට පවසා ඇති බව වාර්තා වේ.

වෙනිසියුලානු ජනයා විසින් 2024 වෙනිසියුලානු ජනාධිපතිවරණයෙන් නිකොලස් මදුරෝ තුන්වෙනි වරටත් වෙනිසියුලානු ජනාධිපතිවරයා ලෙස පත් කරන්නේ ඔහු ජනතා විශ්වාසය උපරිමයෙන් රැක ගෙන සිටින හෙයින් බවත්, වෙනිසියුලාවේ පශ්චාත් මැතිවරණ කැරැල්ල මැඩ පැවැත්වීමට පෙරට ආ අධිරාජ්‍යය විරෝධී ජනයාට තම ආචාරය පුදකර සිටින බවත් ශ්‍රී ලංකාවේ බොලිවේරියානු සහයෝගිතාවය පවසයි.

හුණුපිටිය ගංගාරාමාධිපති පූජ්‍ය ගලබොඩ ඥාණිස්සර හිමි අපවත් වී තිබේ.

අත්‍යවශ්‍ය කටයුත්තකට හැරෙන්නට ඉදිරි දින කිහිපය තුළ ලෙබනනයේ සංචාරය නොකරන ලෙස ශ්‍රී ලාංකිකයින්ට උපදෙස් නිකුත් කර තිබේ.

ජනාධිපතිවරණය ප්‍රකාශයට පත්කිරීම හේතුවෙන් ඉන්දීය අගමැති නරේන්ද්‍ර මෝදිගේ ශ්‍රී ලංකා සංචාරය සිදුනොවනු ඇති බව ආරංචි මාර්ග සඳහන් කරයි.

මෙරට ජනගහනයෙන් සියයට 67කට ආසන්න ප්‍රමාණයකට ආරක්ෂිත පානීය ජල පහසුකම් නොමැති බවට අනාවරණය වී තිබේ.

ශ්‍රී ලංකා පොදුජන පෙරමුණේ ලේකම් ධුරයෙන් නීතිඥ සාගර කාරියවසම් ඉවත් කර, ඒ වෙනුවට සෞඛ්‍ය ඇමැති රමේෂ් පතිරණ පත්කිරීමට කංචන විජේසේකර ඇමැතිවරයාගේ මූලිකත්වයෙන් යෝජනාවක් සම්මත වී තිබේ.

රටතුළ ආර්ථිකමය වශයෙන් සක්‍රීය පුද්ගලයන්ට වඩා අක්‍රීය පිරිස වැඩි බව පේරාදෙණිය විශ්ව විද්‍යාලයේ ආර්ථික විද්‍යා හා සංඛ්‍යාන අධ්‍යයන අංශයේ මහාචාර්ය වසන්ත අතුකෝරල මහතා පවසයි.

පොලිස්පතිවරයකු නොමැතිව ජනාධිපතිවරණයට අදාළ රාජකාරි ක්‍රියාත්මක කරන ආකාරය මෙන්ම පොලිස් දෙපාර්තමේන්තුවේ ඉදිරි කටයුතු පිළිබඳව සාකච්ඡා කිරීම සඳහා සියලුම ජ්‍යෙෂ්ඨ නියෝජ්‍ය පොලිස්පතිවරුන් අද (02දා) කොළඹට කැඳවීමට මහජන ආරක්ෂක ඇමැති ටිරාන් අලස් මහතා කටයුතු කර ඇත.