බදුල්ල කොට්ඨාශයේ සහකාර පොලිස් අධිකාරී ජී.ඩබ්ලිව්.බී.එස්. පලිපාන පවසා ඇත්තේ, වයස අවුරුදු 15 ක දරුවකුට HIV ආසාදනය වී ඇති බවත් එය බරපතල කනස්සල්ලට කරුණක් බවත්ය.

ඓතිහාසිකව මේ සමාජයේ පැවැත්මට විශාල දායකත්වයක් ලබාදුන් ආයතන පද්ධතියක් බිඳ වැට්ටවීමේ ක්‍රියාන්විතයක් අධ්‍යාපන ඇමැතිවරිය ලෙස අගමැතිවරියගේ නායකත්වයෙන් ක්‍රියාත්මක වෙමින් පවතින බවත්, 1979 පිරිවෙන් පනත මගින් ක්‍රියාත්මක වන පිරිවෙන් පද්ධතියේ කෘත්‍යාධිකාරි හිමියන් සතු බලය මධ්‍යගතව අතට ගෙන මධ්‍යගතව ගුරුවරුන් පත් කිරීමට තීන්දුවක් ගෙන ඇති බවත් දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පවසයි.

ඉන්ධන බෙදා හැරීමේ කටයුතු වෙනත් පාර්ශවයක් වෙත අත්තනෝමතික ලෙස ලබා දීමට පියවර ගනිමින් සිටින් බව එක්සත් ලංකා ඉන්ධන ප්‍රවාහන බවුසර් රථ හිමිකරුවන්ගේ සංගමය පවසයි.

ජාත්‍යන්තර සමුද්‍ර ගමනාගමනයේ යෙදෙන වෙළෙඳ නෞකාවන්ට රතු මුහුදේදී සහ ඒන් බොක්ක ඇතුළු සෝමාලියානු සාගර කලාපයේ දී මුහුණ දීමට සිදු වී ඇති මුහුදු කොල්ලකරුවන්ගේ ක්‍රියාකාරකම් හේතුවෙන් ජාත්‍යන්තර සමුද්‍රීය සංවිධානය විසින් එම සාගර කලාපය අධි අවදානම් කලාපයක් ලෙස 2010 ර්වර්ෂයේ දී ප‍්‍රකාශයට පත් කර ඇත.

වෛද්‍ය විශේෂඥයින් විසින් සිදු කරනු ලබන සංකීර්ණ ශල්‍යකර්ම/වෛද්‍ය ක්‍රියා පටිපාටිවල යෝග්‍යතාවය සහ ඒවායේ ප්‍රතිඵල සම්බන්ධයෙන් තාක්ෂණික නොවන පුද්ගලයින් විසින් විවිධ සංසදවල සිදු කරනු ලබන අහිතකර අදහස් හේතුවෙන් වෛද්‍ය ක්ෂේත්‍රය තුළ දැඩි කනස්සල්ලක් මතුව තිබේ.

රුපියල් ලක්ෂ තුන්සිය පනහකට අධික මුදලක් අයථා ලෙස අත්පත් කර ගැනීමේ සිද්ධියක් සම්බන්ධයෙන් අල්ලස් කොමිසම මගින් අත්අඩංගුවට ගෙන රක්ෂිත බන්ධනාගාර ගත කර සිටි සෞඛ්‍ය අමාත්‍යාංශයේ හිටපු ලේකම් ජනක චන්ද්‍රගුප්ත මහතා ඇප මත මුදා හරින ලෙස කොළඹ මහේස්ත්‍රාත් අධිකරණය නියම කළේය.

ව්‍යවසායකත්වය වර්ධනය කිරීම ආර්ථිකය ගොඩනැගීමේ ප්‍රධානතම උපාය මාර්ගික ප්‍රවේශය වුවත්, මූලධර්මික වැරදි හදාගැනීමකින් තොරව ගොඩ යන්නට නොහැකි බව වසර ගණනාවක් තිස්සේ මෙරට ආර්ථිකය ගොඩනගා ගැනීමට නොහැකි වීම තුළින් වටහා ගැනීමට හැකි බව දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පවසයි.

පසුගිය දිනෙක සමස්ත ලංකා බෞද්ධ මහා සම්මේලනය ඉදිරිපිට මහා මාර්ගයේ කිහිපදෙනෙකු විසින් බෞද්ධ සම්මේලනයට එරෙහිව ඊනියා උද්ඝෝෂණයක් පවත්වන ලද අතර, මෙම උද්ඝෝෂණයට පැමිණි ස්වල්ප දෙනා පිළිබඳව අවධානය යොමු කිරීමේදී ඔවුන් සමස්ත ලංකා බෞද්ධ මහා සම්මේලනයට කිසිදු ආකාරයක හෝ සම්බන්ධයක් නොමැති, අවම වශයෙන් සම්මේලනයේ සාමාජිකත්වය හෝ බෞද්ධ මහා සම්මේලනය පිළිබඳ කිසිදු අවබෝධයක් නොමැති, හුදු වෙනත් පාර්ශවයක පෙළඹවීම සහ කිසියම් වු වරදානයක් මතපමණක්ම පැමිණි පිරිසක් බව තහවුරු වන බව සමස්ත ලංකා බෞද්ධ මහා සම්මේලනය සඳහන් කරයි.

“සුපර්මෑන්"ලා "ස්පයිඩර් මෑන්"ලා වෙනුවට මේ මව්බිමේ උපන් සුජාත වීරයන් ගැන අපේ දරුවන්ට කියා දෙමු.