සංචාරක වීසා යටතේ මෙරටට පැමිණ, වීසා කල් ඉකුත් වූ පසුත්, නීති විරෝධී ලෙස කිරුලපන ප්‍රදේශයේ නිවෙසක රැදී සිටිමින් අන්තර්ජාලය ඔස්සේ සූදු ඔට්ටු ඇල්ලීමේ ජාවාරමක නිරත වී සිටි ඉන්දීය ජාතිකයන් 21 දෙනෙකු ආගමන විගමන දෙපාර්තමේන්තු විමර්ශන අංශයේ නිලධාරීන් පිරිසක් විසින් අද (18) පස්වරුවේ අත්අඩංගුවට ගෙන තිබේ

ඉරානයට එරෙහිව ඊශ්‍රායලය ආරම්භ කළ යුද්ධය වොෂින්ටනයේ මැදිහත්වීමෙන් පසු නතර වී මාසයකටත් අඩු කාලයකට පසු පසුගිය 16 වනදා අධිකරණ නිලධාරීන් සමඟ පැවති රැස්වීමකදී එක්සත් ජනපදය සහ ඊශ්‍රායලය නැවත වරක් ඉස්ලාමීය ජනරජය සමඟ යුද්ධයක යෙදීමට තීරණය කළහොත් සුදුසු රාජ්‍ය තාන්ත්‍රික හා හමුදාමය පියවර ගැනීමට ඉරානය සම්පූර්ණයෙන්ම සූදානම් බව එරට උත්තරිය නායක අයතුලා අලි කමෙය්නි ප්‍රකාශය කළේය. එක්සත් ජනපදය ද දින 12 ක් තිස්සේ පැවැති යුද්ධයේදී එක් අවස්ථාවක ඉරානය සමඟ සෘජුවම යුද්ධයට සම්බන්ධ වූ අතර ඉරාන න්‍යෂ්ටික මධ්‍යස්ථානවලට පහර දුන්නේය.කෙසේ වුවද ඉරානය කලාපයේ වැදගත් ඇමරිකානු හමුදා කඳවුරක් වන කටාර්හි අල් උඩයිඩ් ගුවන් කඳවුරට පහර දීමෙන් ප්‍රතිචාර දැක්වීය.

ජනාධිපති අනුර කුමාර දිසානයක මුදල්, ක්‍රමසම්පාදන සහ ආර්ථික සංවර්ධන අමාත්‍යවරයා ලෙස කොළඹ වරාය නගරය හෙවත් පෝර්ට් සිටියේ සමාගම් 4ක් සඳහා දේශීය ආදායම් පනත යටතේ වසර 35ක කාලයකට බදු සහන ලබාදී තිබේ.

අල්ලස් කොමිසම විසින් තමන්ව අත්අඩංගුවට ගැනීමට පෙර අපේක්ෂිත ඇපයක් මත මුදාහරින ලෙස ඉල්ලා හිටපු අමාත්‍ය රාජිත සේනාරත්න විසින් ඉදිරිපත් කළ අපේක්ෂිත ඇප අයදුම්පත ප්‍රතික්ෂේප කිරීමට කොළඹ මහේස්ත්‍රාත් අධිකරණය නියම කළේය.

මාධ්‍යවේදී ප්‍රගිත් එක්නැලිගොඩ අතුරුදන් වීමේ සිද්ධිය සම්බන්ධයෙන් යුධ හමුදා බුද්ධි අංශ සාමාජිකයින් නව දෙනෙකුට එරෙහිව ගොනු කර තිබෙන නඩුව අද යළි විභාගයට ගැනිණි.

දෙහිවල දුම්රිය ස්ථානය අසලදී මීට සුළු මොහොතකට පෙර පුද්ගලයෙකු ඉලක්ක කර වෙඩිතැබීමක් සිදුකර තිබේ.

කොකා-කෝලා සමාගම තම බීම වල ඉහළ ෆෲක්ටෝස් අගයක් සහිත බඩ ඉරිඟු සිරප් වෙනුවට උක් සීනි භාවිතා කිරීමට එකඟ වී ඇති බව එක්සත් ජනපද ජනාධිපති ඩොනල්ඩ් ට්‍රම්ප් ප්‍රකාශ කර ඇතැයි වාර්තා වේ.

පාර්ලිමේන්තු මන්ත්‍රී දයාසිරි ජයසේකර මහතා අද (18) පෙරවරුවේ අපරාධ පරීක්ෂණ දෙපාර්තමේන්තුව වෙත පැමිණ තිබේ.

පළාත් පාලන සහ පළාත් සභා අමාත්‍ය, ආචාර්ය චන්දන අබේරත්න මහතා ප්‍රකාශ කළේ සභාපතිවරයෙකු සහ උප සභාපතිවරයෙකු පත් කර ගැනීමට නොහැකි වූ පළාත් පාලන ආයතන ඉදිරියේදී කොමසාරිස් පාලනයට යටත් කරනු ඇති බවයි.