පාස්කු ප්‍රහාරය පිළිබඳව සැකකරුවන් අත්අඩංගුවට ගෙන විමර්ශන අවසන් කර ඇති බවට එවකට ශානි අබේසේකර ද මාධ්‍ය හමුවේ ප්‍රකාශකර තිබූ බවත්, නමුත් මේ ආණ්ඩුව පත්වන විට පාස්කු ප්‍රහාරයේ විමර්ශන තවමත් අවසන් නැති බවත්, එහි මහ මොළකරුවකු සිටින බවත් ප්‍රකාශ කළ බවත් සර්වජන නීතිඥ සංගමයේ නීතිඥ මහේෂ් කොටුවැල්ල මහතා පවසයි.

කිරිබත්ගොඩ පොලිස් වසමේ අලුත්පාර ප්‍රදේශයේදී T56 ගිනිඅවියක් සමග අත්අඩංගුවට ගත් සැකකරු සම්බන්ධයෙන් සිදුකළ විමර්ශනවලදී තොරතුරු රැසක් හෙළිවී තිබේ.

‘ආණ්ඩුවට මාස 10යි. පොරොන්දු 1,329න් එකක්වත් ඉටු කරලා නෑ. එකක් කළ බවට වෙරිටේ රිසර්ච් කියන්නේ බොරුවක්’ යයි පිවිතුරු හෙළ උරුමය මාධ්‍ය හමුවේ දී පක්ෂ නායක නීතිඥ උදය ගම්මන්පිල මහතා පැවසීය.

දූෂණ විරෝධී යැයි බලයට පැමිණි ආණ්ඩුව 2025 මැයි 16 වැනි දින නිකුත්කර ඇති ශ්‍රී ලංකා විදුලිබල සංශෝධන පනත් කෙටුම්පත පිළිබඳව ඇත්ත මේ රටේ ජනතාව දැනගත යුතු බවත්, මෙම පනත් කෙටුම්පත සංශෝධන අවසානයේ දී සේවය කරන්නේ ඉන්දියාවට බවත් ශ්‍රී ලංකා හරිත සංවිධානයේ සභාපති සංඛ චන්දිම අභයවර්ධන මහතා පවසයි.

බලයට පත්වීමට පෙර කියපු බොරු බලයට පත්වූ පසුවත් ආණ්ඩුව එලෙසින්ම කියන බවත්, රාජ්‍ය සේවක වැටුප වැඩිකර අසීමිත ලෙසින් බදු අයකරමින් නැවත ආණ්ඩුවට එම වැටුප ලබා ගන්නා බවත් පාර්ලිමේන්තු මන්ත්‍රී නාමල් රාජපක්ෂ මහතා පවසයි.

ලෙඩට තිබෙන බෙහෙත කෙතරම් නීරස වුවත් එය නියමාකාරයෙන් රෝගියාට ලබාදිය යුතු බවත්, ඉතිහාසය හා සෞන්දර්ය යන විෂයන් විවිධ හේතු මත ඔත්පලව සිටින ශ්‍රී ලාංකීය ජන සමාජය ඉන් මුදවා ගැනීම සඳහා ලබාදිය යුතු හොඳම ඖෂධයක් බවත් ජාතික ගුරු ව්‍යාපාරයේ ලේකම් අරුණ දේශප්‍රිය මහතා පවසයි.

‘කාදිනල්තුමා සොයන මහ මොලකරු ජූඩ් ප්‍රනාන්දු පියතුමා ද කියන සාධාරණ සැකය අපට ඇති වෙනවා’ යයි පිවිතුරු හෙළ උරුමය මාධ්‍ය හමුවේ දී පක්ෂ නායක නීතිඥ උදය ගම්මන්පිල මහතා පැවසීය.

ජනාධිපතිවරයන්ගේ හිමිකම් (ඉවත් කිරීමේ) පනත් කෙටුම්පත් පාර්ලිමේන්තුවේ අනුමැතිය සඳහා ඉදිරිපත් කිරීමට කැබිනට් අනුමැතිය ලැබී ඇත.

2014 දී කැරම් බෝඩ් සහ දාම් ලෑලි ආනයනය කිරීම සම්බන්ධයෙන් නීතිපතිවරයා විසින් තමාට එරෙහිව අධිචෝදනා ගොනු කිරීමට ගත් තීරණය අභියෝගයට ලක් කරමින් ශ්‍රී ලංකා යුද හමුදාවේ හිටපු මාණ්ඩලික ප්‍රධානී විශ්‍රාමිකමේජර් ජෙනරාල් නන්ද මල්ලවාරච්චි අභියාචනාධිකරණය හමුවේ රිට් පෙත්සමක් ගොනු කර තිබේ.