තිස් අවුරුදු යුද්ධය අවසන් කිරීමට ශ්‍රී ලංකා රජය සහ රණවිරුවන් සිදුකළේ මානුෂික මෙහෙයුමක් බවත්, මානුෂික මෙහෙයුමක් යනු ත්‍රස්තවාදී උවදුරකින් රටේ සියලු ජනයා මුදවාගැනීම බවත් හිටපු නාවික හමුදා මාධ්‍ය ප්‍රකාශක රියර් අද්මිරාල් DKP දසනායක මහතා පවසයි.

මහා පරිමාණ වී මෝල් හිමියන් රට තුළ කීරි සම්බා සහල් හිඟයක් කෘත්‍රිමව නිර්මාණය කර මේ වන විට පාලන මිලද ඉක්මවා කීරි සම්බා අලෙවි කිරීමේ ජාවාරමක නිරතවන බව වෙළෙඳපොළ තොරතුරු සඳහන් කරයි.

ඊශ්‍රායලය සහ පලස්තීනය අතර ද්වි-රාජ්‍ය විසඳුමක් සඳහා ‘ප්‍රත්‍යක්ෂ, කාලානුරූපී සහ ආපසු හැරවිය නොහැකි පියවර’ ඉල්ලා සිටින ප්‍රකාශයක් අනුමත කිරීමට එක්සත් ජාතීන්ගේ මහා මණ්ඩලයේ දී අති බහුතරයක් ඊයේ ඡන්දය ප්‍රකාශ කළහ.

ශ්‍රී ලංකාවේ සිදු කළ පරීක්ෂණ සාර්ථකව අවසන් කර ඇති බැවින්, එක්සත් ජනපදයෙන් බොරතෙල් මිලදී ගැනීමට ලංකා ඛනිජ තෙල් නීතිගත සංස්ථාව සූදානම් වේ.

මෙරට සිදුවන ඇතැම් අත්අඩංගුවට ගැනීම් සහ රිමාන්ඩ් ගත කිරීම් ජාත්‍යන්තරයේ දී විහිළුවක් බවට පත්වන බවත්, වරප්‍රසාද කප්පාදු කිරීමට වඩා ජනතාව මෙම ආණ්ඩුවෙන් බලාපොරොත්තු වූයේ රට සංවර්ධනය කිරීම බවත් ජ්‍යෙෂ්ඨ නීතිඥ කණිෂ්ක විතාරණ මහතා පවසයි.

නේපාලයේ හිටපු අගවිනිසුරුවරිය වන සුශිලා කාර්කි මහත්මිය මේ වන විට අන්තර්කාලීන අගමැතිනිය ලෙස පත් කර ඇත. Gen Z නම් කණ්ඩායම විසින් දියත් කළ ප්‍රචණ්ඩකාරී විරෝධතා හේතුවෙන් අවම වශයෙන් පුද්ගලයින් 51 දෙනෙකු මිය ගොස්, 1,300 කට වැඩි පිරිසක් තුවාල ලබා, දහස් ගණනක් සිරකරුවන්ට පලා යාමට ඉඩ සැලසීමෙන් පසුව සුශිලා කාර්කි එරට අන්තර්කාලීන අගමැතිවරිය ලෙස පත්ව තිබේ.

පසුගිය කාල සීමාව තුළ හියුමන් ඉමියුනිග්ලොබින් ඖෂධය මිලදී ගැනීම සම්බන්ධයෙන් රජයට දැඩි ආර්ථික පාඩුවක් සිදුවන බව වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්තීය සමිති සන්ධානයේ සභාපති, විශේෂඥ වෛද්‍ය චමල් සංජීව මහතා පවසයි.

නේපාලයේ අන්තර්කාලීන අගමැති ලෙස අභිනවයෙන් දිවුරුම් දුන් සුෂිලා කාර්කි එරට පාර්ලිමේන්තුව විසුරුවා හැර තිබේ.

අධිරාජ්‍යවාදීන් ලෝකයේ පාලනය තමන් යටතේ තබා ගැනීම සඳහා කෙමනවල් හතරක් නිර්මාණය කර ඇති බවත්, ලෝක බැංකුව, ආසියානු සංවර්ධන බැංකුව ඉන් එක් කෙමනක් බවත්, ජාත්‍යන්තර මූල්‍ය අරමුදල, එක්සත් ජාතීන්ගේ මානව හිමිකම් කවුන්සිලය හා සමාජමාධ්‍ය අනෙක් කෙමනවල් බවත් ජ්‍යෙෂ්ඨ නීතිඥ කල්‍යානන්ද තිරාණගම මහතා පවසයි.