ආණ්ඩුව විසින් රාජ්‍ය බැංකු පද්ධතිය විකුණා දැමීමට සැලසුම් කර ඇති බව ආර්ථික විශ්ලේෂක ගයන්ත දෙහිවත්ත මහතා සඳහන් කරයි.

ජාතික යුක්තිය සාමූහිකය එක්සත් ජාතීන්ගේ මානව හිමිකම් කවුන්සිලයේ දී 60/21 යෝජනාව ප්‍රතික්ෂේප කරන ලෙස රජයෙන් ඉල්ලා සිටී.

රේගු පරීක්ෂාවකින් තොරව එළියට ගිය කන්ටේනර් සම්බන්ධයෙන් මේ වන තෙක් කරුණු හෙළිදරව් කර ගැනීමට ආණ්ඩුව අපොහොසත් වී ඇති බවත්, එසේ තිබිය දී මිද්දෙනියෙන් හමුවූ මත්ද්‍රව්‍ය සම්බන්ධ කන්ටේනර් දෙකද වරායෙන් එළියට ගිය කන්ටේනර් බවත්, පොලිස් මාධ්‍ය ප්‍රකාශකවරයා මෙම කන්ටේනර් දෙක රේගු පරීක්ෂාවකින් තොරව නිදහස් කළ කන්ටේනර් 323ට අයත් නොමැති බව සොයාගෙන ප්‍රකාශයක් නිකුත් කර ඇතත් කන්ටේනර් 323 ක තිබුනේ මොනවා දැයි සොයා ගැනීමට අපොහොසත් වී ඇති බවත් පාර්ලිමේන්තු මන්ත්‍රී මුජිබුර් රහුමාන් මහතා පවසයි.

එක්සත් ජාතීන්ගේ මහාමණ්ඩල සැසිවාරයට සහභාගීවීම සඳහා ජනාධිපති අනුර කුමාර දිසානායක සැප්තැම්බර් 22 වැනි දින ඇමරිකා එක්සත් ජනපදයට යෑමට නියමිත බව වාර්තා වේ.

ජාතික සංවිධාන එකමුතුව විසින් සංවිධානය පසුගිය 10 වෙනිදා "රණවිරු දඩයම,ඛෙදුම්වාදී මාර්ග සිතියම, ආර්ථිකය බිඳ වැට්ටවීම, QUAD වටලෑම අබියස චීන රුසියානු භූමිකාව කුමක් ද? චීන විරෝධයේ යටිපෙළ කුමක් ද?" විද්වත් කතිකාවක් ශ්‍රී ලංකාවේ කොමියුනිස්ට් පක්ෂ මූලස්ථානයේදී පැවැත්විය.

විදුලිබල මණ්ඩලය මේ වනවිට ගෙන යන අකුරට වැඩ කිරීමේ වෘත්තීය ක්‍රියාමාර්ගය දීපව්‍යාප්ත වැඩ වර්ජනයක් දක්වා ගෙන යන බවට විදුලි වෘත්තීය සමිති අනතුරු අඟවයි.

බෞද්ධ රටවල ගැටුම් ඇති කර වැනසීමේ කුමන්ත්‍රණයක් පවතින බව අස්ගිරි පාර්ශ්වයේ අනුනායක, පොලොන්නරුව සොළොස්මස්ථානාධිපති පූජ්‍ය වේඬරුවේ උපාලි නාහිමියෝ පවසති.

ලංකාවේ මෙතෙක් පැවති ආණ්ඩුවලින් අපරිනතම ආණ්ඩුව වර්තමාන ජාතික ජන බලවේග ආණ්ඩුව බව කොළඹ විශ්ව විද්‍යාලයේ මහාචාර්ය නිර්මාල් රංජිත් දේවසිරි මහතා සඳහන් කරයි.

යුරෝපය (වර්ණ විප්ලව), අරාබි ලෝකය (අරාබි වසන්තය) සහ ආසියාවේ සමහර කොටස් ("ආසියානු වසන්තය") පුරා, ස්වයංසිද්ධ තරුණ නැගිටීම් ලෙස පෙනී සිටි ව්‍යාපාර බොහෝ විට බාහිර මැදිහත්වීම් සහ දේශීය අවස්ථාවාදයේ මුද්‍රාවන් තබා තිබේ.