එක්සත් ජාතීන්ගේ මානව හිමිකම් පිළිබඳ මහ කොමසාරිස් වෝකර් ටර්ක් මහතා විසින් ශ්‍රී ලංකාව ජාත්‍යන්තර අපරාධ අධිකරණයේ (ICC) සාමාජිකත්වය ගත යුතු බවට නිර්දේශ කර ඇත.

තැපැල් සේවකයින් ආරම්භ කළ අඛණ්ඩ වෘත්තීය ක්‍රියාමාර්ගය තෙවන අදිනටත් අද (20) දිනයේ ක්‍රියාත්මක කරන බව තැපැල් හා විදුලි සංදේශ නිලධාරීන්ගේ සංගමය පවසයි.

විදුලිබල හා බලශක්ති අමාත්‍ය කුමාර ජයකොඩි මහතා සම්බන්ධයෙන් අල්ලස් හෝ දූෂණ කොමිෂන් සභාව විසින් පරීක්ෂණයක් ආරම්භ කළ බව පවසා නැතැයි ඇමති නලින් ද ජයතිස්ස මහතා සඳහන් කරයි.

විපක්ෂයේ මන්ත්‍රීවරුන් ලෙස සිටියදී සූදු ක්‍රීඩාව දෙස බැලුවේ සාරධර්ම සහ රටේ ජනතාවගේ යහපැවැත්ම පිළිබඳ දෘෂ්ටිකෝණයෙන් වන නමුත් ජාතික ජනබලවේගය රටේ පාලනය භාර ගත් නිසා සූදු ක්‍රීඩා පවතින වත්මන් යථාර්ථයට මුහුණ දීමට සිදුවන බව ජාතික ජන බලවේගයේ (NPP) මහ ලේකම්, පාර්ලිමේන්තු මන්ත්‍රී නිහාල් අබේසිංහ මහතා, සූදු නියාමන අධිකාරි පනත් කෙටුම්පත පිළිබඳ පාර්ලිමේන්තු විවාදයේදී අදහස් දක්වමින් පැවසීය.

ශ්‍රී ලංකාවේ වියට්නාම් තානාපති කාර්යාලය 2025 අගෝස්තු 19 වන අඟහරුවාදා කොළඹ හිල්ටන් හෝටලයේදී වියට්නාම් ඉතිහාසයේ වැදගත් සන්ධිස්ථාන දෙකක් වන වියට්නාමයේ නිදහස් දිනයේ 80 වන සංවත්සරය සහ වියට්නාම- ශ්‍රී ලංකා රාජ්‍ය තාන්ත්‍රික සබඳතාවල 55 වන සංවත්සරය සමරනු පිණිස අනුස්මරණ උත්සවයක් පැවැත්වීය

වර්ජනයෙහි නිරත තැපැල් වෘත්තීය සමිති ඉදිරිපත් කළ ඉල්ලීම් 19ක් අතරින් ඉල්ලීම් 17ක් ඉටුකර ඇතැයි අමාත්‍ය නලින්ද ජයතිස්ස පවසයි.

ජනාධිපති ලේකම් කාර්යාලයේ පැවැති සාකච්ඡාව සාර්ථක වුවත් වර්ජනය අඛණ්ඩව ක්‍රියාත්මක බව තැපැල් වෘත්තීය සමිති අද (19) පස්වරුවේ පැවසීය.

වරෙන්තු නිකුත් කිරීමෙන් අනතුරුව අත්අඩංගුවට ගෙන අධිකරණයට ඉදිරිපත් කෙරුණු ජාතික ලොතරැයි මණ්ඩලයේ හිටපු අධ්‍යක්ෂවරයකු වන තුසිත හල්ලොලුව මහතා ලබන 28 වනදා දක්වා රක්ෂිත බන්ධනාගාරගත කරන ලෙස කොළඹ මහේස්ත්‍රාත් අධිකරණය අද (19) නියම කළේය.

අල්ලස් කොමිසම මගින් අත්අඩංගුවට ගෙන රක්ෂිත බන්ධනාගාරගත කර සිටි හිටපු අමාත්‍ය ශෂීන්ද්‍ර රාජපක්ෂ මහතා තවදුරටත් ලබන 26 වනදා දක්වා රක්ෂිත බන්ධනාගාරගත කරන ලෙස කොළඹ මහෙස්ත්‍රාත් අධිකරණය නියම කළේය.