“සිංහල, දෙමළ, මුස්ලිම් අපි සියලුදෙනාම එක්ව මේ රට හදමු!” යන මතයෙහි සිටින ජාතිවාත්සල්‍යයෙන් සහ දෑඅනුරාගයෙන් පිරුණු බලවේගවල “සැබෑ දේශපාලන නායකත්වය” ඊළඟ ජනාධිපතිවරණයේදී කරළියට රැගෙන ආ යුතු බවත් එසේම මහා සංඝරත්නය ප්‍රමුඛ එම දෑහිතකාමී බලවේග ඒ අවස්ථාව ජාතිවාත්සල්‍යයෙන් තොර කිසිදු අපේක්ෂකයෙකුට කොල්ලකෑමට ඉඩ නොදිය යුතු බවත් උත්තර ලංකා සභාගයේ සභාපති, ජාතික නිදහස් පෙරමුණේ නායක, පාර්ලිමේන්තු මන්ත්‍රී විමල් වීරවංශ මහතා පෙන්වා දෙයි.

රජයේ පාසල්වල හා රජයේ අනුමත පෞද්ගලික පාසල්වල 2023 වර්ෂයේ තෙවන පාසල් වාරයේ පළමු අදියර අදින් අවසන් වන බව අධ්‍යාපන අමාත්‍යංශය පවසයි.

2023 නොවැම්බර් 24 දින නිකුත් කරන ලද 2022(2023)උසස් පෙළ විභාගයේ නැවත සමීක්ෂණ ප්‍රතිඵල අනුව 2022(2023) අධ්‍යන වර්ෂය සඳහා විශ්ව විද්‍යාල ප්‍රවේශයට සුදුසුකම් ලද නව අයදුම්කරුවන්ගෙන් අද (22) සිට 29 දක්වා අන්තර් ජාලය ඔස්සේ අයදුම්පත් කැඳවා ඇතැයි විශ්ව විද්‍යාල ප්‍රතිපාදන කොමිෂන් සභාව පවසයි.

‘මගෙන් රටට’ සංවිධානයේ සභාපති සංජය මහවත්ත පවසන්නේ ටෙලිකොම් ආයතනය විකුණා දැමීම සඳහා ලයිකා මොබයිල් ජාලයේ අධිපති අලිරජා සුබාෂ්කරන්ගේ ප්‍රමුඛත්වයෙන් මේ වනවිටත් ගනුදෙනු පිළිබඳ සාකච්ඡා පැවැත්වෙන බවය.

ජාතික පාරිභෝගික මිල දර්ශකයට අනුව ඔක්තෝබර් මස සියයට 1 ක් වූ උද්ධමනය නොවැම්බර් මසදී සියයට 2.8 දක්වා වැඩි වී ඇති බව ජන හා සංඛ්‍යා ලේඛන දෙපාර්තමේන්තුව ප්‍රකාශ කරයි.

වැඩ බලන පොලිස්පතිවරයාට එරෙහිව කාදිනල්වරයා සහ නීතිඥ සංගමය විසින් දක්වන විරෝධතා 'යුක්තිය' මෙහෙයුම දියත්වීමත් සමග උත්සන්න වීම පිළිබඳව ලංකා ලීඩර් විසින් ජාතික සංවිධානවල මතය විමසන ලදී.

ජනාධිපති රනිල් වික්‍රමසිංහ මහතා ගැන තමා තුළ පැහැදීමක් නැති බවත්, ජනාධිපතිගේ ධුර කාලය සඳහා ඔහුට තමා ඇතුළු පොදුජන පෙරමුණේ සහාය ලබා දෙන බවත් උදයංග වීරතුංග මහතා සඳහන් කරයි.

සමස්ත සෞඛ්‍ය ක්ෂේත්‍රය තුළ පංචවිධ අභියෝගයන් මතුවී ඇති බවත්, එහි ප්‍රධානම අභියෝගයක් බවට පත්ව ඇත්තේ මානව සම්පත නිසිලෙස කළමනාකරණය කිරීමට නොහැකි වීම හරහා මතුවී ඇති අර්බුදය බවත් රජයේ වෛද්‍ය නිලධාරීන්ගේ සංගමයේ ලේකම් වෛද්‍ය හරිත අලුත්ගේ මහතා පවසයි.

පොල්ගහවෙල ආසනයේ සමගි ජන බලවේගයේ සංවිධායක වන අමිත බණ්ඩාර නමැත්තා ඊයේ කෑගල්ල රඹුක්කනදී පොලිස් අත් අඩංගුවට පත්ව ඇති බව වාර්තා වේ.