ඡන්ද කාලයේ දී උතුරු නැගෙනහිර ජනතාවට බොරු පොරොන්දු දී රවට්ටා පලක් නැති බවත් උතුරු නැගෙනහිර ඒකාබද්ධ කිරීමත් පළාත් සභාවලට ඉඩම් පොලිස් බලතල ලබාදීමත් තමන් කිසිසේත් නොකරන බවත් ශ්‍රී ලංකා පොදු ජන පෙරමුණේ ජනාධිපති ධුර අපේක්ෂක නාමල් රාජපක්ෂ මහතා ඊයේ (21දා) පැවසීය.

ඉන්දියාව සහ ශ්‍රී ලංකාව අතර පාලමක් තැනීමෙන් මෙරට ආරක්ෂාවට තර්ජනයක් විය හැකි බව ශ්‍යාමෝපාලි මහා නිකායේ මල්වතු පාර්ශ්වයේ මහනායක අතිපූජ්‍ය තිබ්බොටුවාවේ ශ්‍රී සිද්ධාර්ථ සුමංගලාභිධාන මහනායක ස්වාමීන් වහන්සේ පැවසූහ.

ඇමෙරිකාව, බ්‍රිතාන්‍යය, කැනඩාව, ජර්මනිය, ඕස්ට්‍රේලියාව, සෞදි අරාබිය,චීනය,ඉන්දියාව, රුසියාව, දකුණු කොරියාව සහ ජපානය ඇතුළු රටවල් 35ක පුරවැසියන්ට වීසා ලබා ගැනීමකින් තොරව ශ්‍රී ලංකාවේ සංචාරය කිරීම සඳහා කැබිනට් අනුමැතිය ලබා දී තිබේ.

ජනාධිපති ධුර අපේක්ෂකයින් විසින් ලබාදී ඇති ඔවුන්ගේ වත්කම් හා බැරකම් ප්‍රකාශවල පිටපත් ජනතා ප්‍රවේශය සඳහා මුදා හැර ඇති බව වාර්තා වේ.

සජිත් ප්‍රේමදාස, අනුර දිසානායක මහත්වරුන් හෙරු අල්ලන බව මන්තරයක් මෙන් මැතිරුවද මෙවර ජනපතිවරණයේ දී හොරකම නැවැත්වීමට ප්‍රායෝගික යෝජනාවක් ගෙනැවිත් තිබෙන්නේ සර්වජන අපේක්ෂක දිලිත් ජයවීර මහතා පමණක් බව පිවිතුරු හෙළ උරුමය නායක නීතිඥ උදය ගම්මන්පිල මහතා පවසයි.

විද්‍යාපීඨ ප්‍රධාන කොමසාරිස් තනතුර සදහා අවශ්‍ය සුදුසුකම් සපුරා නොමැති වත්මන් වැඩ බලන ප්‍රධාන කොමසාරිස්වරිය විවිධ බොරු කියමින් බලධාරීන් මුලා කරමින් තමන්ගේ අඩු සුදුසුකම්වලට ගැලපෙන ආකාරයට ගැසට් පත්‍රය පවා පළ කරගෙන ඇති බවත්, ඇය මේ වන විට ගුරු අධ්‍යාපන‍ය වලපල්ලට යෑමට හේතුවන අකටයුතුකම් කිහිපයක්ම සිදු කර ඇති බවත් විද්‍යා පීඨ කථිකාචාර්ය සංගමය පවසයි.

සමගි ජන බලවේගයේ රත්නපුර දිස්ත්‍රික් පාර්ලිමේන්තු මන්ත්‍රිනි තලතා අතුකෝරල මහත්මිය සිය ධුරයෙන් ඉවත්වීමට තීරණය කළ බව අද (21) පාර්ලිමේන්තුවේ දී ප්‍රකාශ කළාය.

පාර්ලිමේන්තු මන්ත්‍රීවරුන් වන වඩිවෙල් සුරේෂ් මහතා ට සහ අලි සාහීර් මව්ලානා මහතාට අමාත්‍ය ධුර පිරිනමා තිබේ.

උතුරු නැගෙනහිර පළාත් වල පදිංචි සිංහල බෞද්ධයන් ගේ උරුමයන් සහ අයිතිවාසිකම් ආරක්ෂා කිරීම උදෙසා වන ඔවුන්ගේ යෝජනා ඇතුලත් යෝජනාවන් මෙවර 2024 ජනාධිපතිවරණය සඳහා ඉදිරිපත් වන අපේක්ෂකයන් වෙනුවෙන් "උතුරේ ජනදුක" නමින් යෝජනාවලියක් බාරදීමට කටයුතු සංවිධානය කර ඇති බව වාර්තා වේ.