ඊළාම්වාදීන්ගේ නවතම කුමන්ත්‍රණය හා බුදුන් වහන්සේ ලංකාවේ ඉපදුනු බවට සංවිධානාත්මක පිරිසක් විසින් ප්‍රචාරය කරන මතවාදය ඊළාම්වාදී ඩයම්පෝරාවේ කොන්ත්‍රත්තුවක් බවට හෙළිකෙරෙන වීඩියෝවක් අන්තර්ජාලයේ නිකුත්ව තිබේ.

පාතාලය හා මත්ද්‍රව්‍ය ජාවාරම් සම්බන්ධයෙන් අත්අඩංගුවට ගෙන ප්‍රශ්න කරමින් සිටින හරක් කටා සහ කුඩු සලිඳු ගේ මිත්‍රයන් 43ක් ගැන පසුගිය දා තොරතුරු අනාවරණය වූ බව මාධ්‍ය විසින් පළ කර තිබූ අතර, එම මිත්‍රයන් බොහෝමයක් පොලිසියේ ඉහළ සිට පහළට තනතුරු දරන නිලධාරීන් බව අනාවරණය විය.

ක්‍රිප්ටො රජු ලෙස සැළකෙන සෑම් බෑන්ක්මන් ෆ්‍රයිඩ් හට වසර 25ක සිරදඬුවමක් නියම කර ඇති බව විදෙස් මාධ්‍ය පවසයි.

ආදායම සාධාරණ ලෙස බෙදීයන දිළිඳුකමින් තොර ආසියාවක් ගොඩනැඟීමට කැපවන ලෙස අග්‍රාමාත්‍ය දිනේෂ් ගුණවර්ධන මහතා ආසියානු රටවලින් ඉල්ලා සිටියේ ය.

ජේසුස් ක්‍රිස්තුස් වහන්සේ කුරුසිය මත ඇණ ගසා මරණයට පත්කිරීමේ ඛේදජනක සිද්ධිය ලෝකවාසී කතෝලික හා කිතුනු ජනතාව මහත් ගෞරවයෙන් සිහිපත් කරන මහ සිකුරාදා දිනය අදට (29 දිනට) යෙදී ඇත.

හිටපු එල්.ටී.ටී.ඊ. සාමාජිකයන් සියලු ම දෙනා එක කුඩයක් යටට ඒකරාශි කරන්නැයි එක්සත් දෙමළ නිදහස් පෙරමුණේ නායක කරුණා අම්මාන් හෙවත් විනයාගමුර්ති මුරලිදරන් තමන්ට නියෝග කර ඇතැයි එම පක්ෂයේ නියෝජ්‍ය නායක ජෙයා සරවනාන් සඳහන් කළේ ය.

කිතුල් ගස ලෝක උරුම ශාකයක් බවට පත්කිරීමට කිතුල් සංවර්ධන මණ්ඩලය මූලික කටයුතු ආරම්භ කර ඇතැයි වාර්තා වේ.

8 වැනි විධායක ජනාධිපති ධුරයේ උපරිම ආයු කාලය තව දින 193ක් යැයි ‘නිදහස’ ජනතා සභාවේ නායක පාර්ලිමේන්තු මන්ත්‍රී ඩලස් අලහප්පෙරුම මහතා පවසයි.

පාස්කු දින ප්‍රහාරයට අදාළව අපරාධ පරීක්ෂණ දෙපාර්තමේන්තුවට ලබාදුන් ප්‍රකාශය සම්බන්ධයෙන් අප්‍රේල් මස 4 වැනිදා ප්‍රකාශයක් ලබාදෙන ලෙස මාලිගාකන්ද මහෙස්ත්‍රාත් අධිකරණය හිටපු ජනාධිපති මෛත්‍රීපාල සිරිසේන මහතාට ඊයේ නියෝග කර තිබේ.