හිටපු ජනපති මෛත්‍රීපාල සිරිසේන මහතා අල්ලස් හෝ දුෂණ චෝදනා විමර්ශන කොමිෂන් සභාවට පැමිණ තිබේ.

භික්ෂුවකට විදෙස් සංචාරයක් සඳහා මහ නා හිමිවරුන්ගෙන් ලිඛිත අවසරය ලබා ගැනීම අනිවාර්ය කරතිබූ නීතිය ඉවත් කිරීමට රජය ගත් තීරණය වහාම යළි වෙනස් කරන්නැයි භික්ෂූන්වහන්සේලා ඉල්ලා සිටිති.

මෙරට මහා භාණ්ඩාගාරය විදෙස් ණය වාරිකයක් ලෙස ගෙවූ අමෙරිකානු ඩොලර් මිලියන 2.5ක මුදලක් වෙනත් පාර්ශ්වයක් අතට පත්වීමේ සිද්ධිය සම්බන්ධයෙන් එක්දින විවාදයක් සඳහා විපක්ෂය කළ ඉල්ලීම ආණ්ඩුව ප්‍රතික්ෂේප කළ බව සමගි ජන බලවේග පාර්ලිමේන්තු මන්ත්‍රී ගයන්ත කරුණාතිලක මහතා පවසයි.

මැයි 01 දාට යෙදී තිබූ වෙසක් පොහොය මැයි 30 දාට කල් දැමීමට ආණ්ඩුව ක්‍රියාකර ඇති බවත් මැයි 01 දා මැයි පෙළපාලි සැමරීමට පිණිස බෞද්ධයන්ට වටිනා වෙසක් දිනය කල්දමා ඇති බවත් කෝට්ටේ ශ්‍රී කල්‍යාණි සාමග්‍රී ධර්ම මහා සංඝ සභාවේ අනුනායක මහාචාර්ය පූජ්‍ය කොටපිටියේ රාහුල හිමි චෝදනා කරති.

මාර්ග සංවර්ධන අධිකාරියේ ගිණුම්වලින් කොන්ත්‍රාත්කරුවන්ට දෙවරක් මුදල් ගෙවා නැතැයි මහා මර්ග නියෝජ්‍ය ඇමති ප්‍රසන්න ගුණසේන ප්‍රකාශ කළද අදාළ කොන්ත්‍රාත්කරුවන්ට දෙවරක් මුදල් ගෙවා ඇති බව සජබ පාර්ලිමේන්තු මන්ත්‍රී නලීන් බණ්ඩාර පවසයි.

ලංකා බැංකුවේ මධ්‍යම මෙහෙයුම් අංශයේ පද්ධති දෝෂයක් හේතුවෙන් රුපියල් කෝටි 26කට අධික මුදලක් අදාළ නොවන පාර්ශවයන් වෙත වැරදීමකින් ප්‍රේරණය වී ඇති බව වාර්තා වේ.

මාර්ග සංවර්ධන අධිකාරියේ ප්‍රධාන ගිණුමෙන් හෝ වෙනත් කිසිදු ගිණුමකින් කොන්ත්‍රාත්කරුවන් වෙත සතයක හෝ මුදලක් දෙවරක් ගෙවා නොමැති බවත්, පාර්ලිමේන්තු මන්ත්‍රී නලින් බණ්ඩාර මහතා විසින් එල්ල කරන ලද රුපියල් මිලියන 380ක ද්විත්ව ගෙවීම් චෝදනාව සම්පූර්ණයෙන්ම සාවද්‍ය බවත් නියෝජ්‍ය ඇමති ප‍්‍රසන්න ගුණසේන මහතා ප්‍රකාශ කළේය.

මහාභාණ්ඩාගාරයේ මුදල් කොල්ලය සම්බන්ධයෙන් අදහස් දක්වමින් දෙවන පරපුර දේශපාලන පක්ෂයේ නායක උවිඳු විජේවීර මහතා පවසන්නේ මේ හරහා ලංකාවේ මූල්‍ය ක්ෂේත්‍රය සම්බන්ධයෙන්, ඩිජිටල් තාක්ෂණය සම්බන්ධයෙන් මෙන්ම ආණ්ඩුව සම්බන්ධයෙන් ද දැවැන්ත ප්‍රශ්නාර්ථ තුනක් ඇති වී තිබෙන බවයි.

මෙරට මහා භාණ්ඩාගාරය විදෙස් ණය වාරිකයක් ලෙස ගෙවූ අමෙරිකානු ඩොලර් මිලියන 2.5ක මුදලක් වෙනත් පාර්ශ්වයක් අතට පත්වීමේ සිද්ධියට විරෝධය පළ කරමින් 'සර්වජන බලය' අද (27) විරෝධතාවයක් සංවිධානය කර තිබුණි.