මහාචාර්ය Jiang Xueqin විසින් ඉදිරිපත් කළ “The Nations That Will Collapse First: A Country-by-Country Economic Countdown” නම් YouTube සාකච්ඡාවේ දී ඒ මහතා විසින් ලෝක ආර්ථිකය දැන් භයානක නව අදියරකට පිවිසෙමින් ඇති බවත් අඩු මිලේ ශක්තිය (energy) අහිමි වෙමින් පවතින අතර, වෙළඳ මාර්ග බිඳ වැටෙමින් ඇති බවත් හෙළිදරව් කරයි.

ලංකා ගල් අඟුරු සමාගමේ සභාපතිවරයාගේ ඉල්ලා අස්වීමේ ලිපිය සම්බන්ධයෙන් අදහස් දක්වමින් පාර්ලිමේන්තු මන්ත්‍රී ඩී.වී. චානක මහතා පවසන්නේ මුලින් ඉදිරිපත් කළ ඉල්ලා අස්වීමේ ලිපියේ දක්වා තිබුනේ තමන් දූෂණය නැති කිරීමට පැමිණියද ඉන් අසමත් හෙයින් මෙම ඉල්ලා අස්වීම සිදුකරන බව සහ ඉදිරියට එන ටෙන්ඩරය සම්බන්ධයෙන් තමන් හෝ අධ්‍යක්ෂක මණ්ඩලයේ කිසිවකු වගකීම භාර නොගන්නා බව යැයිද වන බවත් පසුව ඉදිරිපත් කළ ඉල්ලා අස්වීමේ ලිපියේ සඳහන් වන්නේ කොන්දේ අමාරුවක් නිසා ඉල්ලා අස්වන බව යැයිද සඳහන් කරයි.

පාකිස්ථානයේදී ඉරාන සහ අමෙරිකානු සාකච්ඡාකරුවන් අතර හමුවක් පැවැත්වීමට කිසිදු සැලසුමක් නොමැති බව ඉරාන විදේශ අමාත්‍යාංශ ප්‍රකාශක ඉස්මයිල් බගායි (Esmaeil Baghaei) X පණිවිඩයක් නිකුත් කරමින් ප්‍රකාශ කර තිබේ.

ලංකාවේ බලශක්තිය නිෂ්පාදනයට අදාලව උපරිම දාරිතාව ලබාදිය හැකි ගල් අඟුරු ලංකාවට පැමිණ නැති බව මේ වන විට අනාවරණය වී ඇති බවත්, එනිසා ගල් අඟුරු හරහා විදුලිය නිෂ්පාදනය කිරීමේදී බලශක්ති ක්ෂේත්‍රයේ දැවැන්ත පසුබෑමක් ඇතිවී තිබෙන බවත් දෙවන පරපුර පක්ෂයේ නායක උවිඳු විජේවීර මහතා පවසයි.

ජනාධිපති මාධ්‍ය උපදේශක චන්දන සූරියබණ්ඩාර ලේක්හවුස් සමාගමට අයත් සන්ඩේ ඔබ්සර්වර් ජනමාධ්‍යවේදී මාධ්‍යවේදී බුවනෙක එස්. පෙරේරාට ශාරීරිකව පහරදීමේ සහ බියවද්දා පළවාහැරීමේ සිදුවීමක් සම්බන්ධයෙන් මහනුවර පොලීසියට පැමිණිල්ලක් ඉදිරිපත් කර තිබේ.

මහා භාණ්ඩාගාරයේ මුදල් හඳුනා නොගත් පාර්ශ්වයක් අතට පත්වීමේ සිද්ධිය හැකර්වරුන්ගේ ක්‍රියාවක් යැයි විශ්වාස කළ නොහැකි බව සර්වජන බලයේ නායක පාර්ලිමේන්තු මන්ත්‍රී දිලිත් ජයවීර මහතා පවසයි.

අනුරුද්ධ ලොකුහපුආරච්චි නම් ජනාධිපති මාධ්‍ය අංශයේ ප්‍රධානියෙකු විසින් සාම පාගමන අතරතුර බෞද්ධ උපාසිකාවක් භික්ෂූන් වහන්සේලාට වන්දනා මාන කරන ආකාරය දැක්වෙන ඡායාරූපයක් සමාජ මාධ්‍යයේ යොදා එයට වැරදි ආකාරයේ අර්ථ නිරූපනයක් ලබාදී ඇති බවත්, එහි ආලෝකා නමැති සුනඛයාට එම වන්දනාමාන සිදුකළ බවට අදහසක් පළ කෙරෙන අයුරින් එම සටහන පළ කර ඇති බවත් සර්වජන බලය මාධ්‍ය ප්‍රකාශක වෛද්‍ය ප්‍රියංකර මහගමමුල්ලගේ මහතා පවසයි.

මහා බැංකුවේ සිදුව ඇතැයි කියන මූල්‍ය අක්‍රමිකතා සම්බන්ධයෙන් වත්මන් මුදල් හා භාණ්ඩාගාර ලේකම් හර්ෂණ සූරියප්පෙරුම මහතා වහාම අත්අඩංගුවට ගෙන අධිකරණයට ඉදිරිපත් කළ යුතු බව නීතීඥ මෛත‍්‍රී ගුණරත්න මහතා අවධාරණය කරයි.

ඕස්ට්‍රේලියානු රජයේ ආයතනයකට ගෙවිය යුතු ඩොලර් මිලියන 2.5ක මුදලක් මහා භාණ්ඩාගාරයෙන් අස්ථානගත වීම සම්බන්ධයෙන් ජනාධිපති නීතිඥ මෛත්‍රී ගුණරත්න සහ රජිත කීර්ති තෙන්නකෝන් යන මහත්වරුන් "Truth with Chamuditha" නාලිකාව සමඟ පැවැත්වූ සංවාදයකදී කරුණු රැසක් අනාවරණය කර තිබේ.