දිට්වා හදිසි ආපදා තත්වයන්ට මුහුණ දුන් පවුල් සදහා නිවාස ලබාදීමේ වැඩසටහන යටතේ ප්‍රමුඛතාවය ලබාදෙමින් යුද සමයේ සෙන්චෝලේ ඛේදවාචකයට මුහුණ දුන් පුද්ගලයින් 18 දෙනෙකුට සහ අතුරුදහන් වු පවුල් 3 ක් වෙනුවෙන් නිවාස ඉදි කර ගැනීමට රුපියල් ලක්ෂ 50 ක මුදලක් සහ අක්කර භාගයක ඉඩමක් ලබාදීමට රජය කටයුතු කර තිබේ.

ත්‍රස්තවාදය වැළැක්වීමේ පනත කැබිනට් මණ්ඩලය අහෝසි කර වෙනත් පනතක් ගෙන එනවා නම්, සුරේෂ් සලේගේ මෙම මස 28 වැනිදා අවසන් වන දින 180 රැඳවුම් නියෝගය තවදුරටත් ත්‍රස්තවාදය වැළැක්වීමේ පනත යටතේ රඳවාගැනීම සුදුසු නැති බව හිටපු අමාත්‍ය සරත් වීරසේකර මහතා අද (25) පැවසීය.

පාස්කු ඉරු දින ත්‍රස්ත ප්‍රහාර සිද්ධිය සම්බන්ධයෙන් සිදුකරන විමර්ශනවලට අදාළව තමන්ව ත්‍රස්තවාදය වැළැක්වීමේ පනත යටතේ අත්අඩංගුවට ගෙන රඳවාගැනීම අභියෝගයට ලක් කරමින් රාජ්‍ය බුද්ධි සේවයේ හිටපු අධ්‍යක්ෂ සුරේෂ් සලේ මහතා විසින් ඉදිරිපත් කළ පෙත්සමට අදාළව ගොනුකර තිබෙන අතරමැදි පෙත්සම් විභාග කිරීම සඳහා නොතිසි නිකුත් කරනවාද නැද්ද ගැන නියෝගය ඔක්තෝම්බර් මස 7 වනදා ප්‍රකාශයට පත් කරන බව අභියාචනාදීකරණය නිවේදනය කළේය.

රැදවුම් නියෝග මත රඳවාගෙන සිටි මත්ද්‍රව්‍ය ජාවාරම්කරුවෙකු බව කියන කෙහෙල්බද්දර පද්මේ නමැත්තා අපරාධ පරීක්ෂණ දෙපාර්තමේන්තුව විසින් අද කොළඹ මහේස්ත්‍රාත් අධිකරණයට ඉදිරිපත් කළේය.

2027 වර්ෂය සඳහා සිංහල සහ හින්දු අලුත් අවුරුදු නැකත් සීට්ටුව ප්‍රකාශයට පත් කර තිබේ.

රාජ්‍ය බුද්ධි සේවයේ හිටපු අධ්‍යක්ෂ සුරේෂ් සලේ මහතා තවත් දින 90ක කාලයක් රඳවා ප්‍රශ්න කිරීමට නියෝග කර තිබේ.

කැලණි ගඟට පෞද්ගලික කර්මාන්ත ශාලාවකින් විෂ රසායන ද්‍රව්‍ය මුදාහැරීම හේතුවෙන් තාවකාලිකව අත්හිටුවා තිබූ කොළඹ සහ ගම්පහ දිස්ත්‍රික්කවල ප්‍රදේශ කිහිපයක ජල සැපයුම මේ වන විට යථා තත්ත්වයට පත් කර ඇති බව ජාතික ජලසම්පාදන හා ජලාපවහන මණ්ඩලය පවසයි.

ජනාධිපති වැය ශීර්ෂය යටතේ තනතුරු දෙකක් සඳහා වන වැටුප් මුදල් ලබා ගැනීමේ සිද්ධියක් සම්බන්ධයෙන් රක්ෂිත බන්ධනාගාර ගත කර සිටි නව ජනතා පෙරමුණේ නායක සුගීෂ්වර බණ්ඩාරගේ ඇප ඉල්ලීම ප්‍රතික්ෂේප කළ කොළඹ කොටුව මහේස්ත්‍රාත් පසන් අමරසේන සැකකරු ලබන 09 වැනිදා තෙක් තවදුරටත් රක්ෂිත බන්ධනාගාර ගත කර කිරීමට අද (25) නියෝග කර තිබේ.

ඔස්ට්‍රේලියානු කොමියුනිස්ට් පක්ෂය, බ්‍රිතාන්‍ය කොමියුනිස්ට් පක්ෂය සහ ඇමරිකා එක්සත් ජනපද කොමියුනිස්ට් පක්ෂය යන පක්ෂ තුන, 2026 අගෝස්තු 7 සිට 8 දක්වා කියුබාවේ හවානා නුවර පැවැත්වුණු 24 වැනි කොමියුනිස්ට් සහ කම්කරු පක්ෂවල ජාත්‍යන්තර හමුව අතරතුර ත්‍රෛපාර්ශ්වික සාකච්ඡාවක් පවත්වන ලදී. ඔස්ට්‍රේලියාව, එක්සත් රාජධානිය සහ ඇමරිකා එක්සත් ජනපද රාජ්‍යයන් අතර ඇති කරගත්, ඔස්ට්‍රේලියානු කඳවුරු පදනම් කරගනිමින් න්‍යෂ්ටික සබ්මැරීන සහ නවීන ආයුධ යෙදවීම සඳහා වන AUKUS ගිවිසුම පිළිබඳව සාකච්ඡා කිරීමට මෙම පක්ෂ තුන එක්වූ දෙවැනි අවස්ථාව මෙයයි.