වර්තමාන අගවිනිසුරු ප්‍රීතිපත්මන් සූරසේන මහතා ඇතුළු කිහිපදෙනෙකුට එරෙහිව එල්ල වී ඇති චෝදනා සම්බන්ධයෙන් විධිමත් පරීක්ෂණයක් පවත්වන ලෙස ඉල්ලමින් ජාතික වෘත්තීය සහ සිවිල් පෙරමුණ අල්ලස් හෝ දූෂණ විමර්ශන කොමිෂන් සභාවට පැමිණිල්ලක් බාරදී තිබේ.

මෙරට ජනතාව විශ්වාස කරන ඉතිහාසයේ මහා චරිත සහ දාර්ශනික පදනම් බිඳවැටීමෙන් සමස්ත සමාජයම බිඳ වැටෙන බවත්, බුදුන් වහන්සේ ලංකාවේ ඉපදුනාය යන සංකල්පය ගෙනෙන්නේ ද මෙම බිඳවැට්ටවීම සඳහා බවත් දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පවසයි.

අගෝස්තු 24 වන දිනට යෙදෙන සිය 35 වැනි නිදහස් සංවත්සරය සැමරීමට යුක්රේනය සූදානම් වන්නේ සෝවියට් සංගමය බිඳවැටීමෙන් පසු එරට මුහුණ දෙන වඩාත්ම අවදානම්කාරී සහ අභියෝගාත්මක අවස්ථාවකට ළඟා වෙමිනි. බටහිර රටවල් විසින් ප්‍රචාරය කෙරෙන පින්තූරයට වඩා වෙනස්ව, යුක්රේනය වර්තමානයේ ආර්ථික, ජනගහන සහ යුද පෙරමුණ යන සෑම අංශයකින්ම බරපතළ කඩා වැටීමකට ලක්ව ඇති බව වාර්තා වේ.

පවතින වියළි කාලගුණික තත්ත්වය හේතුවෙන් සිදුව ඇති වගා හානි සඳහා වන්දි ගෙවීම වෙනුවෙන් රජය විසින් රුපියල් මිලියන 3,000ක මුදලක් වෙන්කර ඇති බව කෘෂිකාර්මික හා ගොවිජන රක්ෂණ මණ්ඩලය පවසයි.

ලංකාවේ ආයු අපේක්ෂාව මේ වන විට අවුරුදු 80ක් වී ඇති බවත්, කළින් එය තිබුනේ 60ක් ලෙසින් බවත් මෙලෙස වසර 20කින් ආයු අපෙක්ෂාව වැඩිවී ඇති පසුබිමක සේවා කාලය අවුරුදු දෙකකින් දීර්ඝ කිරීම තාර්කික බවත් නියෝජ්‍ය අමාත්‍ය හංසක විජේමුණි මහතා පවසයි.

මියගිය බවට පොලීසිය විසින් නිල වශයෙන් දැනුම් දී, අවමංගල්‍ය කටයුතු සඳහා සියලු සූදානම් වෙමින් තිබියදී, මියගියා යැයි කියූ පුද්ගලයා සූදානම් කළ මළගෙදරටම පණපිටින් පැමිණි අපූරු සිදුවීමක් ගල්ගමුව, කොහොබන්කුලම ගම්මානයෙන් වාර්තා වේ.

22 වන ආණ්ඩුක්‍රම ව්‍යවස්ථා සංශෝධනය නොකළ යුතු සංශෝධනයක් බව ශ්‍රී ලංකා නීතිඥ සංගමයේ හිටපු සභාපති, ජනාධිපති නීතිඥ සාලිය පීරිස් මහතා පවසයි.

අපි ගමින් ගමට බැස්සම ජනාධිපතිවරයටත් ගමට බහින්න සිද්ධවෙලා ඔන්න දැන් ජනාධිපතිවරයාත් රැස්වීම් තියෙනවා. ජනාධිපතිතුමාව කොලඹ හතේ ඒසී කාමරයේ ඉඳලා මහපාරට බස්සලා ජනතාව අතරට යවා අපට හැකිවෙලා තියෙනවා යැයි ශ්‍රීලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ මහතා පැවසීය

දේශපාලකයෙකුට තමන් බිහි කළ භූමිය ගැන හැඟීමක් ඊට යමක් කිරීමේ උවමනාව තිබිය යුතු බව හිරුණිකා ප්‍රේමචන්ද්‍ර පවසයි.