අන්තර්ජාලය ඔස්සේ ආගමික සමගියට බාධා කිරීම සහ වෛරය වැපිරවීම යන චෝදනා එල්ලවූ නතාෂා එදිරිසූරිය සහ බෲනෝ දිවාකරට එරෙහිව ගොනු කර තිබූ නඩුවෙන් ඔවුන්ව නිදහස් කර තිබේ.

ජාත්‍යන්තර මූල්‍ය අරමුදල පෙන්වා දුන් ‘වැල් පාලමේ‘ යන, 13 වැනි ආණ්ඩුක්‍රම ව්‍යවස්ථා සංශෝධනය පූර්ණ වශයෙන් බලාත්මක කිරීමට සූදානම් ත්‍රෛවිද හොරු රැලකට නොරැවටී උතුර - දකුණ එකම මිටකට එකතු කර 'එකම දැයක් - එකම රටක්' නිර්මාණය කිරීමට සූදානම් 'සර්වජන බලය දේශපාලන එකමුතුව' හා එක්වන ලෙස මෙරට සියලු වාමවාදී, ප්‍රගතිශීලී, ජාතිකවාදී ජනතාවට ඇරයුම් කරන බව ජාතික නිදහස් පෙරමුණේ නායක, සර්වජන බලය විධායක සභික, පාර්ලිමේන්තු මන්ත්‍රී විමල් වීරවංශ මහතා පවසයි.

ඉදිරියේදී පිහිටුවන ජාතික ජන බලවේග රජයක් යටතේ කැබිනට් මණ්ඩලය අමාත්‍යවරුන් විසි පස්දෙනෙකුට සීමා වන බව එම පක්ෂයේ ජාතික විධායක සභික හා හිටපු පාර්ලිමේන්තු මන්ත්‍රී නලින්ද ජයතිස්ස මහතා සඳහන් කර ඇත.

නිල සංචාරයක් සඳහා ඉන්දීය විදේශ අමාත්‍ය ආචාර්ය එස්. ජයශංකර් මහතා හෙට (20) දිවයිනට පැමිණීමට නියමිතව ඇති බව වාර්තා වේ.

අතුරු ආබාධ ඇතිවිමේ අවදානම දැන දැනත්, ඒ බව වසං කරමින්, ‘ෆයිසර්’ ඖෂධ නිෂ්පාදන සමාගම, ඔවුන්ගේ එන්නත් ජනතාවට ලබා දුන්නේ යැයි චෝදනා කරමින්, ඇමෙරිකාවේ කැන්සාස් ජනපදය, ෆයිසර් සමාගමට නඩු පවරා ඇත.

නව රෝහල් අධ්‍යක්ෂකවරුන් පත් කිරීමේ දී රාජ්‍ය සේවා කොමිෂන් සභාව මගින් පවත්වන ලද සම්මුඛ පරීක්ෂණයේදී ලද කුසලතා පදනම මත රෝහල අධ්‍යක්ෂක තනතුරු ලබාදීමේ ප්‍රතිපත්තිය වෙනස් කරමින් අභ්‍යන්තර විමර්ශන පවත්වන රෝහල් අධ්‍යක්ෂකවරුන් සඳහා පත්වීම් ලබාදීම අත්හිටුවීමේ ක්‍රමය අනුගමනය කිරීම නිසා විශේෂඥ වෛද්‍ය ජී.ජී චමල් සංජීව සහ ජයරුවන් බණ්ඩාර යන මහත්වරුන්ට රෝහල් අධ්‍යක්ෂක තනතුරු ලබාදීම මේ වන විට සෞඛ්‍ය අමාත්‍යාංශය ට සම්පූර්ණ කිරීමට නොහැකි වී ඇති බව වාර්තා වේ.

ඉදිරි ජනාධිපතිවරණය 2024 නව ඡන්ද හිමි නාමලේඛනය යටතේ පැවැත්වීමට මැතිවරණ කොමිසම තීරණය කර ඇති අතර, ඒ අනුව නව ඡන්ද නාමලේඛනය සකස් කිරීමේ කටයුතු මේ වනවිට අවසන් අදියරේ පවතින බවත් වාර්තා වේ.

ජන අරගලයට එක්වූ පාර්ශ්ව ගණනාවක් සහ වාමාංශික දේශපාලන පක්ෂ එක්ව ගොඩනඟන නව සන්ධානය අද (19දා) එළිදැක්වීමට නියමිත බව වාර්තා වේ.

මෙරට ප්‍රමුඛ පෙළේ ව්‍යාපාරිකයන්ට පසුගිය වසරේදී (2023) කෝටි ලක්ෂයකට අධික බදු සහන ලබා දී තිබෙන බව විපක්ෂ නායක සජිත් ප්‍රේමදාස මහතා පාර්ලිමේන්තුවේදී ඊයේ (18 දා) පැවසීය.