පුවතක් ගැන ප්‍රශ්න කර මාලිමා සංවිධායක ලංකාදීප මාධ්‍යවේදියෙකුට පහර දීලා
ලංකාදීප මාධ්‍යවේදී යසන්ත ආරියසේන මහතාට පහර දීම දැඩිව හෙළා දකින බව නිදහස් මාධ්‍ය ව්‍යාපාරය සදහන් කරයි.
මේ බව සදහන් කරමින් එම සංවිධානය විසින් නිකුත් කර ඇති මාධ්‍ය නිවේදනය මෙසේය.
ලංකාදීප මාධ්‍යවේදී යසන්ත ආරියසේන මහතාට පහර දීම දැඩිව හෙළා දකිනවා – නිදහස් මාධ්‍ය ව්‍යාපාරය
ජාතික ජනබලවේගයේ තරුණ සංවිධාන හමුවක මාධ්‍ය ආවරණය සඳහා ඇරයුම් ලැබ එහි ගිය ලංකාදීප පුවත්පතේ හක්මන ප්‍රාදේශීය මාධ්‍යවේදී යසන්ත ආරියසේන මහතාට පහරදීම පිළිකුල් සහගත ක්‍රියාවක් ලෙස සළකා දැඩිව හෙළා දකින බව නිදහස් මාධ්‍ය ව්‍යාපාරය පවසයි.
ඔක්තොම්බර් 20 වැනි දින පහරදීමට ගොදුරු වූ මාධ්‍යවේදී යසන්ත ආරියසේන ගංගොඩගම ප්‍රාදේශීය රෝහලට ඇතුළත් වීමෙන් පසු වැඩිදුර පරීක්ෂාව සඳහා අද 21 දින තංගල්ල මූලික රෝහලට ඇතුළත් කර ඇත.
සිදුවීම සම්බන්ධයෙන් හක්මන පොලීසියට පැමිණිලි කර ඇති මාධ්‍යවේදී යසන්ත ආරියසේන මහතා පවසන්නේ, රැස්වීම අවසන් වූ පසුව ජාතික ජන බලවේගයේ තරුණ සංවිධාන නියෝජිතයෙකු යැයි හඳුන්වා දුන් පුද්ගලයෙකු ලංකාදීප පුවත්පතෙහි පළ වූ පුවතක් සම්බන්ධයෙන් විමසා තමන්ට පහර දුන් බවයි.
මාධ්‍යවේදීන්ට සිදුව ඇති අපරාධ සම්බන්ධයෙන් යුක්තිය ඉටු වී නොමැති පසුබිමක මාධ්‍ය සංවිධාන හා මාධ්‍ය ප්‍රජාව අනුර කුමාර දිසානායක ජනාධිපතිවරයාගෙන් අපේක්ෂා කරනුයේ යුක්තියයි.
එවැනි අවස්ථාවක සිදු ව ඇති මේ පහරදීම ජනමාධ්‍ය සමාජය අපේක්ෂා කරනු ලබන සැබෑ යුක්තිය ඉටු වීමේ ක්‍රියාවලියක විශ්වාසනීය බවට තර්ජනයකැයි නිදහස් මාධ්‍ය ව්‍යාපාරය පෙන්වා දෙයි.
කිසියම් මාධ්‍ය වාර්තාකරණයක් සම්බන්ධයෙන් ප්‍රශ්න සහගත තත්ත්වයක් උද්ගත වී නම් ගත යුතු නිසි පියවර තිබියදී මාධ්‍යවේදීන්ට පහර දෙන්නේ නම් භාෂණයේ සහ ප්‍රකාශනයේ නිදහස මෙන්ම ප්‍රජාතන්ත්‍රවාදය පිළිබඳවද බරපතල සැක සංකා මතු වේ.
එවිට, සුපිළිපන් හා විනයගරුක දේශපාලන සංස්කෘතියක් අපේක්ෂා කරමින් නව රජය පිහිටුවන්නට කටයුතු කළ පුරවැසි සිහින බිඳ වැටෙයි.
එබැවින් වහාම මැදිහත් වී මාධ්‍යවේදී යසන්ත ආරියසේන මහතාට යුක්තිය ඉටු කරමින් සිදුවීමට වගකිව යුතු සිය දේශපාලන නියෝජිතයා සම්බන්ධයෙන් නිසි පියවර ගන්නා ලෙස නිදහස් මාධ්‍ය ව්‍යාපාරය ජාතික ජනබලවේගයෙන් ඉල්ලා සිටියි.
– නිදහස් මාධ්‍ය ව්‍යාපාරය
සම්බන්ධිත පුවත් | Related News
ප්‍රධාන පුවත්
උතුර සහ නැගෙනහිර වෙනම රටක්... මම සහාය දෙන්නේ අනුරට - අර්චුනා රාමනාදන් කියයි (වීඩියෝ)
පාර්ලිමේන්තු මන්ත්‍රී අර්චුනා රාමනාදන්ට එරෙහිව පැමිණිල්ලක්... හඬපටයකුත් ලීක් වෙයි
ජාතිවාදයන්ගේත් - ආගමික අන්තවාදයන්ගේත් 'විසකුරු ප්‍රකාශනයක්' වන 'බෙදුම්වාදයට' ද කිසිදු ඉඩකඩක් නොතබන ලෙස ජනපතිගෙන් ඉල්ලා සිටිනවා! - ජානිපෙ ජාතික සංවිධායක ජයන්ත සමරවීර
IMF එකෙන් අහලම විදුලි බිල සංශෝධනය කරන යෝජනාව හදනවලු
යුක්රේනයේ යුද උන්මාදයට එරෙහි මොස්කව් ප්‍රතිචාරය පුටින් ගෙනහැර දක්වයි (සම්පූර්ණ කථාව).
නියෝජ්‍ය ඇමැතිවරු 29ක් දිවුරුම් දෙති
අපි සම්ප්‍රදාය වෙනස් කළා යැයි කියමින් යාපනෙන් ආපු අලුත් මන්ත්‍රී විපක්ෂ නායක පුටුවේ වාඩිවෙලා... අයින් වෙන්න බෑ කියයි (වීඩියෝ)
නාඩු මෙට්‍රික් ටොන් ලක්ෂ 22ක් මෝල්හිමියෝ හංගලා... මෝල්හිමියන්ගේ කූඨ උපායට නව රජයත් හසුවෙලා - ජාතික ගොවිජන එකමුතුවේ සභපාති අනුරාධ තෙන්නකෝන්
රටට එරෙහි බලවේගවල කුමන්ත්‍රණ පිළිබඳ නිරන්තරයෙන් අවධානය යොමුකළ යුතුයි... සතුරාගේ ඉලක්කය තවමත් එලෙසින්ම ක්‍රියාත්මකයි - මහාචාර්ය පූජ්‍ය මැදගොඩ අභයතිස්ස හිමි
මහාචාර්ය හිනිදුම සුනිල් සෙනෙවි නිර්මාණ කොල්ලකරුවන්ගේ ලැයිස්තුවේ?
රුසියාවේ නව න්‍යෂ්ටික මූලධර්මයෙහි වන ප්‍රධාන කරුණු
ආණ්ඩුවට ලැබුණු ජනවරමට එරෙහිව ක්‍රියා කරන්නේ නෑ... ජනවරම ආරක්ෂා කරමින් ජනතාවගේ අපේක්ෂා වෙනුවෙන් පෙනීසිටිනවා - ජාතික නිදහස් පෙරමුණෙන් නිවේදයක්
රටට එරෙහි බලවේගවල කුමන්ත්‍රණ පිළිබඳ නිරන්තරයෙන් අවධානය යොමුකළ යුතුයි... සතුරාගේ ඉලක්කය තවමත් එලෙසින්ම ක්‍රියාත්මකයි - මහාචාර්ය පූජ්‍ය මැදගොඩ අභයතිස්ස හිමි
බෙදුම්වාදීන් විසින් මිලට ගත් හිමාලයා භික්ෂූන් ජනපති අනුරට උගුල අටවයි
නාඩු සහල් මෙට්‍රික් ටොන් 65,000ක් ඉන්දියාවෙන් ගෙන්වයි
ජර්මනියෙන් චීනයට තර්ජන