විද්‍යා පීඨ සිසුන් බඳවා ගැනීම අවුලෙන් අවුලට... සිසුන් විශාල පිරිසකට අසාධාරණයක් වෙලා
2023 වසරේ උසස් පෙළ මත සිසුන් රජයේ විද්‍යාපීඨවලට ශික්ෂණලාභීන් ලෙස බදවා ගැනීම 2021/22 වසරේ ශික්ෂණලාභීන් බදවා ගත් කොම්පියුටර් ජිල්මාට් ක්‍රමයටම සිදු කිරීමට විද්‍යාපීඨ ප්‍රධාන කොමසාරිස් සැරසෙන බවට අනාවරණය වන බව විද්‍යා පීඨ ආචාර්ය සංගමය පවසයි.
එම සංගමය පවසන්නේ සුදුසුකම් සහිත සිසුන්ට අවස්ථාව නොලැබී අඩු සුදුසුකම් සහිත සිසුන් රාශියක් බලධාරින්ගේ සහ නිලධාරීන්ගේ පිහිටෙන් විද්‍යාපීඨවලට ඇතුලත්ව ඇති බවයි.
මේ පිළිබඳ වැඩිදුරටත් අදහස් දක්වන විද්‍යා පීඨ ආචාර්ය සංගමය,
2021/2022 වසරේ රජයේ විද්‍යා පීඨවලට ශික්ෂණලාභීන් බදවා ගැනීමේදී පෞද්ගලික පරිගණක ආයතනයක් හරහා සිදු කර හිටපු අධ්‍යාපන අමාත්‍යවරයාගෙන් ලකුණු දමා ගැනීමට විද්‍යාපීඨ ප්‍රධාන කොමසාරිස් ක්‍රියා කිරීම නිසා සුදුසුකම් සහිත සිසුන්ට අවස්ථාව නොලැබෙද්දී අඩු සුදුසුකම් සහිත සිසුන් රාශියක් බලධාරින්ගේ සහ නිලධාරීන්ගේ පිහිටෙන් විද්‍යාපීඨවලට ඇතුලත්ව ඇත.
එය සාධක සහිතව අනාවරණය වූ කරුණකි.Z අගය පහළ වතු සේවක පදනමෙන් චිත්‍ර කලාව පාඨමාලාව ඉල්ලූ සිසුවියක අමාත්‍යාංශයේ නිලධාරීන්ගේ මැදිහත් වීමෙන් ශ්‍රීපාද පීඨයේ ප්‍රාථමික පාඨමාලාවට තෝරාගෙන ඇත්තේ විද්‍යාතන මණ්ඩ පත්‍රිකාවක් අනුමත කරවාගෙනය. මෙය සුදුසුකම් අඩු සිසුන් විද්‍යාපීඨ සදහා බදවා ගැනීමේ මැජික් යෂ්ථියක් ලෙස ප්‍රධාන කොමසාරිස් භාවිත කරන බව පෙනේ.
එසේම පළමු වටයෙන් සියනෑ විද්‍යාපීඨය සදහා විද්‍යා පාඨමාලාවකට ධන Z අගයකින් සුදුසුකම් ලබන විට අමාත්‍යාංශය විසින් එවනු ලැබූ බදවා ගැනීමට නිර්දේශ කර තිබූ ලැයිස්තුවේ ඍන Z අගයක් සහිත සිසුවියක් ද සිට ඇත.
අමාත්‍යාංශයේ ප්‍රධාන කොමසාරිස්ගේ නියෝගය අනුව එම සිසුවිය බදවා ගෙන ඇති අතර එම පාඨමාලාවට තේරීමට මෙම සිසුවියට වඩා Z අගය වැඩී අපේක්ෂකයන් 12 දෙනෙකු පසුව ඉදිරිපත් වී ඇත. අමාත්‍යාංශය විසින් සිදූ වූ වංචාව වසා ගැනීමට මේ සිසුන්12දෙනා ද විද්‍යාපීඨට බදවා ගැනීම සදහා ද මණ්ඩල පත්‍රිකාවක් ඉදිරිපත් කර අනුමත කරගෙන ඇති බව දැන ගන්නට ඇත.
මේ වන විට පස්දුන්රට විද්‍යාපීඨයේ ඉංග්‍රීසි පාඨමාලාවට සිසුන් බදවා ගැනීමට සම්මුඛ පරික්ෂණ වට තුනකට වඩා පවත්වා ඇත. සාමාන්‍යයෙන් මේ ලැයිස්තුවල පළමු වටයට කැදවීම ලැබෙන්නේ උසස් පෙළ ඉංග්‍රීසි විෂය සහිතව සමත් වූ සිසුන් සහ ඉංග්‍රීසි සාහිත්‍යය (O/L) සමත්වූ සිසුන් ය. නමුත් මෙවර පළමූ වටයට එවැනි සිසුන් අඩු වශයෙන් කැදවා තිබු අතර මේ වන විට පවත්වන අවසන් වටයේ සම්මුඛ පරික්ෂණවල කැදවන සිසුන් අතර ඉහල සුදුසුකම් සහිත සිසුන් සිටින බව නිරික්ෂණය වේ. පළමුව සුදුසුකම් අඩු අපේක්ෂකයන් විද්‍යාපීඨ සදහා රිංගවීම සිදුකර සැබෑ සුදුසුකම් සහිත සිසුන් මේ පිළිබඳ විමසමින් අමාත්‍යාංශයට පැමිනෙන විට ඉන් බේරීමට දරණ වෑයමක් ලෙස මෙය හැදින්විය හැක.
ඉහත දැක්වූයේ නිදර්ශන කිහිපයක් පමණි. මේ පිළිබඳ විධිමත් විමර්ශනයක් කරන්නේ නම් තවත් තොරතුරු ලබා දිය හැක.
මේ ආකාරයට 2021/22 බදවා ගැනීම අනාගෙන ඇති වාතාවරණයක කඩිමුඩියේ 2023 උසස් පෙළ සිසුන් ද කොම්පියුටර් ජිල්මාට් ක්‍රමයට ගෙන සුදුසුකම් සහිත සිසුන්ගේ අනාගතය අදුරු කිරීමට ඉඩ නොදෙන ලෙස බලධාරින්ගෙන් ඉල්ලා සිටිමි.
එසේම 2021/22 කණ්ඩායම බදවා ගැනීමේදී අමාත්‍යාංශය විසින් ඉදිරිපත් කළ පළමු වටයේ ලැයිස්තුව තුළ සුදුසුකම් අඩූ සිසුන් ගණනාවක් සිටි බව හෙලි වී ඇත.
මේ වන විට විද්‍යාතන මණ්ඩල පත්‍රිකා යොමු කරන්නේ මේ වැරදි වසා ගැනීමටය අමාත්‍යාංශය තුළ මෙවැනි අවිධිමත් සහ වංචා සහගත ක්‍රියාවන් සම්බන්ධයෙන් ප්‍රධාන කොමසාරිස් සමග කටයුතු කරන්නේ නියෝජ්‍ය අධ්‍යක්ෂවරයෙකි. මෙම වංචා සහගත බදවා ගැනීම පිළිබඳ සත්‍ය අනාවරණය කර ගැනීමට නම් විද්‍යාපීඨ වෙත එවූ පළමු ලැයිස්තුව සහ පසුව අවස්ථා ගණනාවකදී එවූ ලැයිස්තු සංසන්දනය කර බැලීම සෑහේ. මෙම පරික්ෂණට ජාතික විගණන කාර්යාලය හරහා සිදු කිරීමෙන් නිවැරදි සත්‍ය අනාවරණය කර ගත හැකි වේ.
- විද්‍යා පීඨ ආචාර්ය සංගමය
සම්බන්ධිත පුවත් | Related News
ප්‍රධාන පුවත්
කාශ්මීරයේ සංචාරකයින්ට එල්ල වූ ප්‍රහාරයෙන් පසු ඉන්දියාව ඉහළම පාකිස්තාන රාජ්‍ය තාන්ත්‍රිකයා කැඳවයි
එක්සත් ජනපදය පැනවූ අන්‍යෝන්‍ය තීරුබදු සංශෝධනය කිරීමට කරන සාකච්ඡා සම්බන්ධයෙන් අනුර කුමාරගේ ආණ්ඩුව බොරු කියනවාද? රනිල් ප්‍රශ්න කරයි
යුරෝප සංගමය තාක්ෂණික පරීක්ෂණ මත පිහිටා ඇපල් සහ මෙටා සමාගම් වලට දඩ නියම කරයි.
ඩෑන් ප්‍රියසාද් ඝාතනයේ ප්‍රධාන සැකකරු අත්අඩංගුවට ගත් බව පොලීසිය කියයි
දළදා ප්‍රදර්ශනයට සහභාගි වීමට යොදවා තිබූ විශේෂ දුම්රිය සේවය අවලංගු කළා - දුම්රිය දෙපාර්තමේන්තුව පවසයි
ශ්‍රී ලංකාවේ ආර්ථිකය ගැන ලෝක බැංකුව කියන කතාව
දෙමළ ජන සංහාර අධ්‍යාපන සති පනතට එරෙහිව අප විසින් එල්ල කරන ලද නීතිමය අභියෝගය කැනේඩියානු ශ්‍රේෂ්ඨාධිකරණය ප්‍රතික්ෂේප කිරීම සම්බන්ධයෙන් ශ්‍රී ලංකා කැනේඩියානු ක්‍රියාකාරී සන්ධානය සහ බ්‍රැම්ප්ටන් සංගමයේ ඒකාබද්ධ ප්‍රකාශය
ජනාධිපතිගේ ප්‍රකාශ ගැන කොමිසමේ මතය රටට කියන්න’: පොහොට්ටුවෙන් මැතිවරණ කොමිසමට ලිපියක්
කාදිනල් තුමාගේ සියලු චෝදනා ප්‍රතික්ෂේප කරමින් ගෝටාගෙන් කාදිනල් තුමාට ප්‍රති ප්‍රහාර
සමාජ මාධ්‍ය හුළංගමුවගේ හුළං බස්සයි. ජනාධිපති උපදේශකම අභියෝගයට ලක් කරයි
පාස්කු ඉරිදා ප්‍රහාරයේ මහ මොළකරු සහරාන් හෂීම් බව FBI විශේෂ නියෝජිතයා තහවුරු කරයි
ඉස්ලාම් අන්තවාදයට උඩ ගෙඩි දෙන අය, අද කාදිනල් උන්නාන්සේට ‘උම්මා‘ දීම ගැන අප පුදුම වන්නේ නැහැ - ජාතික සංවිධාන කියයි
ෆ්‍රැන්සිස් පාප් වහන්සේ ස්වර්ගස්ථ වේ
පාස්කු ප්‍රහාරය ගැන මුජිබර්ගෙන් ආන්දෝලනාත්මක අනාවරණයක් (වීඩියෝ)
ලංකාවට පැමිණ ආයෝජන කරන්න... ජනාධිපති දෙමළ ඩයස්පෝරාවෙන් ඉල්ලයි...
සිරි දළදා වන්දනාව සිව්වන දිනටත් අද ඇරඹේ