භාණ්ඩ වර්ග පහක් සඳහා රජය විසින් අලුතෙන් විශේෂ වෙළඳ භාණ්ඩ බද්දක් පැනවීම සිදු කර නොමැති බව මුදල්, ආර්ථික සංවර්ධන, ප්‍රතිපත්ති සම්පාදක, සැලසුම් සහ සංචාරක අමාත්‍යංශය සඳහන් කරයි.

සිදුකර ඇත්තේ කලින් පැවති බදු අනුපාතයන් දීර්ඝ කෙනෙක් පමණක් බවද එම අමාත්‍යංශය නිවේදනය කර තිබේ.

අදාළ සම්පූර්ණ නිවේදනය මෙසේය.

මාධ්‍ය නිවේදනයයි

රජය විසින් භාණ්ඩ වර්ග 5 ක් සඳහා අළුතින් විශේෂ වෙළඳ භාණ්ඩ බදු පනවා ඇති බවට සිදු කරන අසත්‍ය මාධ්‍ය ප්‍රචාරණයන් පිළිබඳවයි

2007 අංක 48 දරන විශේෂ වෙළඳ භාණ්ඩ බදු ප්‍යාන යටතේ 2024 ඔක්තෝබර් මස 14 දිනැති අංක 2406/02 දරන ගැසට් නිවේදනය මගින් භාණ්ඩ වර්ග 05 ක් සඳහා බදු පනවා ඇති බවට පළවන මාධ්‍ය වාර්ථා සම්බන්ධයෙන් පැහැදිලි කිරීමයි.

2007 අංක 48 දරන විශේෂ වෙළඳ භාණ්ඩ බදු පනතේ 2 වගන්තිය යටතේ පනවනු ලබන බදු පැනවීමේ නියමයන් හි ප්‍රධාන වශයෙන් අදාළ භාණ්ඩ නිශ්චිතව රේගු සංකේතාංක සමග අදාළ බදු අනුපානයන් සමගින් දැක්වීමන් එම නියමය බලාත්මක වන නිශ්චිත කාල පරාසය, අදාළ නියමයේ සඳහන් කිරීමන් ප්‍රධානම නීතිමය අවශ්‍යතාවයන් 03 කි.

එම නීතිමය අවශ්‍යතාවය පදනම් කරගෙන, ආනයනික භාණ්ඩ පහක් (05) සඳහා විශේෂ වෙළඳ භාණ්ඩ බද්ද ක්‍රියාත්මක කර තිබූ 2023 ඔක්තෝබර් මස 14 දිනැති අංක 2353/77 දරන ගැසට් නිවේදනයේ වසරක් වූ වලංගු කාලය 2024 ඔක්තෝබර් මස 13 දිනයෙන් අවසන් වූ බැවින්, එය නැවත 2024 දෙසැම්බර් මස 31 දින දක්වා එලෙසම දීර්ඝ කිරීමට 2024 ඔක්තෝබර් මස 14 දිනැති අංක 2406/02 දරන ගැසට්‌ නිවේදනය මගින් කටයුතු කර ඇත.

එමගින් රජය විසින් අළුතින් බදු පැනවීමක් සිදුකර නොමැති අතර, ආනයනික පරිප්පු සඳහා පැවති සන්නදායි ගත 25 ක් වු බද්ද එලෙසම ක්‍රියාත්මක කර ඇති අතර, දේශීය ධීවර කර්මාන්තය සහ පළතුරු වගාව ආරක්ෂා කිරීමේ පරමාර්ථයෙන් සහ විදේශ විනිමය පිළිබඳ සැලකිල්ලට ගනිමින් අනෙකුත් භාණ්ඩ 04 සඳහා පැවති බදු අනුපාත යටතේම එලෙසම දීර්ඝ කර දැන.

සාමාන්‍යයෙන් මෙම පනත යටතේ ගැසට්‌ නිවේදනයෙන් වසරක කාලයක් සඳහා නිකුත් කලද, මෙම බදු පිළිබඳව විධිමත් ලෙස අධ්‍යනය කිරීම කෙරෙහි අවධානය යොමුකොට 2024.12.31 දින දක්වා පමණක් පවතින බදු ප්‍රමාණය එලෙසම පවත්වා ගැනීමට තීරණය කරන ලදී.