ශ්‍රී ලංකාවට ලිහිලක් දෙන්න එපා – ගෝලීය ද්‍රවිඩ සංසදය ජිනීවා මානව හිමිකම් කොමිසමින් ඉල්ලලා
ශ්‍රී ලංකාව සම්බන්ධයෙන් හඳුන්වා දී ඇති වගවීමේ ව්‍යාපෘතිය දීර්ඝ කරන ලෙසත් ඉදිරි ක්‍රියාමාර්ග සඳහා අදාළ සියලුම එක්සත් ජාතීන්ගේ ආයතන වෙත වාර්තාව යොමුකරන කරන ලෙසත් ගෝලීය ද්‍රවිඩ සංසදය විසින් එක්සත් ජාතීන්ගෙන් ඉල්ලා ඇත.
ජිනීවා මානව හිමිකම් කවුන්සිලයේ 57 වැනි සැසිවාරයේ දී ‘ශ්‍රී ලංකාවේ මානව හිමිකම් තත්ත්වය’ පිළිබඳ එක්සත් ජාතීන්ගේ මානව හිමිකම් පිළිබඳ මහ කොමසාරිස් වොල්කර් ටර්ක්ගේ මෑත වාර්තාව සහ ඉන් පසු සංවාදය සාදරයෙන් පිළිගනිමින් ගෝලීය ද්‍රවිඩ සංසදයේ ප්‍රකාශක සුරේන් සුරේන්ද්‍රන් ඊයේ (08) ප්‍රකාශය නිකුත් කරමින් සඳහන් කර තිබුණේ වොල්කර් ටර්ක්ගේ වාර්තාව මගින් දැනට සිදුවෙමින් පවතින මානව හිමිකම් උල්ලංඝනය කිරීම් ඉස්මතු කරන අතර ශ්‍රී ලංකාවේ වගවීම සහ ප්‍රතිසන්ධානය ප්‍රවර්ධනය කිරීම සඳහා ජාතික හා අන්තර්ජාතික ක්‍රියාමාර්ග ඉල්ලා සිටින බවයි.
මහ කොමසාරිස් ටර්ක්ගේ වාර්තාව, දෙමළ බහුතරයක් වෙසෙන උතුරු හා නැඟෙනහිර පළාත්වල සිවිල් සමාජ ක්‍රියාකාරීන්ට, මාධ්‍යවේදීන්ට සහ බලහත්කාරයෙන් අතුරුදන් වූවන්ගේ ඥාතීන්ට හිරිහැර කිරීම, ඉඩම් අත්පත් කර ගැනීම් සහ වින්දිතයන් අනුස්මරණ කටයුතුවලට බාධා කිරීම වැනි අත්තනෝමතික පොලිස් ක්‍රියා ඇතුළු මානව හිමිකම් උල්ලංඝනය කිරීම් ඉස්මතු කරයි.
ත්‍රස්තවාදය වැළැක්වීමේ පනත තාවකාලිකව ක්‍රියාත්මක නොකරන බවට ආණ්ඩුවෙන් සහතිකයක් ලබාදී තිබියදී එය අඛණ්ඩව භාවිත කිරීම සම්බන්ධයෙන් වාර්තාවේ සොයාගැනීම් කණගාටුදායක බව ඔහු සඳහන් කර තිබේ.
වාර්තා වන පරිදි, පසුගිය මාස 18 තුළ ත්‍රස්තවාදය වැළැක්වීමේ පනත යටතේ අවම වශයෙන් අත්අඩංගුවට ගැනීම් 46ක් සිදු කර ඇති අතර, තැතිගන්වනසුළු වධහිංසා සිද්ධි 2,845ක්, නීති විරෝධී ඝාතන 21ක් සහ අත්අඩංගුවේ සිටියදී වූ මරණ 26ක් එම කාලය තුළ සිදුව ඇති බව පැවසේ.
මෙම වාර්තාව අතුරුදන් වූවන්ගේ කාර්යාලයේ කාර්ය සාධනය සහ ප්‍රමාණවත් නොවීම පිළිබඳ සාක්ෂියකි.
අතුරුදහන් වූවන් දස දහස් ගණනක් සිටියදී අතුරුදන් වූවන්ගේ කාර්යාලය විසින් තහවුරු කර ඇත්තේ එක් මරණයක් සහ අතුරුදහන්වීම් හතරක් පමණක් වන අතර, එහි සියලු විමර්ශන බලතල භාවිත නොකර, වින්දිතයන් අවහිර කිරීම කෙරෙහි අවධානය යොමු කරමින් වැඩි විස්තර ඉල්ලා සිටීම සම්බන්ධයෙන් විවේචනයට ලක්ව ඇති බව ද සුරේන් සුරේන්ද්‍රන් පවසයි.
සමූහ මිනීවල මහ කොමසාරිස්වරයාගේ අවධානයට ලක් වූ තවත් කරුණක් බවත් පසුගිය දශක කිහිපය තුළ සමූහ මිනීවළවල් කිහිපයක් අහම්බෙන් සොයාගෙන අර්ධ වශයෙන් ගොඩගනු ලැබුවද, කිසිදු අස්ථි කොටස් හඳුනාගෙන ඒවා පවුල් වෙත ආපසු ලබා දී නොමැති බව වාර්තාවේ සඳහන් වන බවත් ඔහු ප්‍රකාශ කරයි.
මේ පිළිබඳව මහ කොමසාරිස්වරයා විසින් අන්තර්ජාතික ප්‍රමිතීන්ට අනුකූලව ගොඩගැනීම් සිදුකිරීමට ප්‍රමාණවත් මූල්‍ය, මානව සහ තාක්ෂණික සම්පත් වෙන් කිරීමට නිර්දේශ කරන අතර අන්තර්ජාතික සහාය ලබා ගැනීමට රජය දිරිමත් කර ඇති බව ද සුරේන් පවසා තිබේ.
අභිනවයෙන් තේරී පත් වූ ජනාධිපති අනුර කුමාර දිසානායකට ගෝලීය ද්‍රවිඩ සංසදය සුබ පැතුම් එක් කර ඇති අතර, ඔහුගේ පරිපාලනය යහපාලනය පෝෂණය කිරීම, දූෂණයට එරෙහිව සටන් කිරීම සහ දණ්ඩමුක්තිය අවසන් කරනු ඇතැයි යන සුභවාදී බලාපොරොත්තුවෙන් සිටින බව සඳහන් කර ඇත.
ගෝලීය ද්‍රවිඩ සංසදය නව රජයෙන් ඉල්ලා සිටින්නේ එක්සත් ජාතීන්ගේ පද්ධතිය, අන්තර්ජාතික ප්‍රජාව සහ ශ්‍රී ලංකාවේ සියලුම ප්‍රජාවන් සමඟ සමීපව කටයුතු කරන ලෙසයි.
මෙම සංක්‍රාන්තිය සඳහා දායක වීමට ගෝලීය ද්‍රවිඩ සංසදය සිය කාර්යභාරය ඉටු කරන බව ද ප්‍රකාශ කර තිබේ.
- ceylonwire
සම්බන්ධිත පුවත් | Related News
ප්‍රධාන පුවත්
කාශ්මීරයේ සංචාරකයින්ට එල්ල වූ ප්‍රහාරයෙන් පසු ඉන්දියාව ඉහළම පාකිස්තාන රාජ්‍ය තාන්ත්‍රිකයා කැඳවයි
එක්සත් ජනපදය පැනවූ අන්‍යෝන්‍ය තීරුබදු සංශෝධනය කිරීමට කරන සාකච්ඡා සම්බන්ධයෙන් අනුර කුමාරගේ ආණ්ඩුව බොරු කියනවාද? රනිල් ප්‍රශ්න කරයි
යුරෝප සංගමය තාක්ෂණික පරීක්ෂණ මත පිහිටා ඇපල් සහ මෙටා සමාගම් වලට දඩ නියම කරයි.
ඩෑන් ප්‍රියසාද් ඝාතනයේ ප්‍රධාන සැකකරු අත්අඩංගුවට ගත් බව පොලීසිය කියයි
දළදා ප්‍රදර්ශනයට සහභාගි වීමට යොදවා තිබූ විශේෂ දුම්රිය සේවය අවලංගු කළා - දුම්රිය දෙපාර්තමේන්තුව පවසයි
ශ්‍රී ලංකාවේ ආර්ථිකය ගැන ලෝක බැංකුව කියන කතාව
දෙමළ ජන සංහාර අධ්‍යාපන සති පනතට එරෙහිව අප විසින් එල්ල කරන ලද නීතිමය අභියෝගය කැනේඩියානු ශ්‍රේෂ්ඨාධිකරණය ප්‍රතික්ෂේප කිරීම සම්බන්ධයෙන් ශ්‍රී ලංකා කැනේඩියානු ක්‍රියාකාරී සන්ධානය සහ බ්‍රැම්ප්ටන් සංගමයේ ඒකාබද්ධ ප්‍රකාශය
ජනාධිපතිගේ ප්‍රකාශ ගැන කොමිසමේ මතය රටට කියන්න’: පොහොට්ටුවෙන් මැතිවරණ කොමිසමට ලිපියක්
කාදිනල් තුමාගේ සියලු චෝදනා ප්‍රතික්ෂේප කරමින් ගෝටාගෙන් කාදිනල් තුමාට ප්‍රති ප්‍රහාර
සමාජ මාධ්‍ය හුළංගමුවගේ හුළං බස්සයි. ජනාධිපති උපදේශකම අභියෝගයට ලක් කරයි
පාස්කු ඉරිදා ප්‍රහාරයේ මහ මොළකරු සහරාන් හෂීම් බව FBI විශේෂ නියෝජිතයා තහවුරු කරයි
ඉස්ලාම් අන්තවාදයට උඩ ගෙඩි දෙන අය, අද කාදිනල් උන්නාන්සේට ‘උම්මා‘ දීම ගැන අප පුදුම වන්නේ නැහැ - ජාතික සංවිධාන කියයි
ෆ්‍රැන්සිස් පාප් වහන්සේ ස්වර්ගස්ථ වේ
පාස්කු ප්‍රහාරය ගැන මුජිබර්ගෙන් ආන්දෝලනාත්මක අනාවරණයක් (වීඩියෝ)
ලංකාවට පැමිණ ආයෝජන කරන්න... ජනාධිපති දෙමළ ඩයස්පෝරාවෙන් ඉල්ලයි...
සිරි දළදා වන්දනාව සිව්වන දිනටත් අද ඇරඹේ