සෑම පැයකට වරක්ම ලන්ඩනයේ ස්ත්‍රී දූෂණයක්
පසුගිය 20 වනදා ප්‍රකාශයට පත් කරන ලද පොලිස් දත්ත වලට අනුව ලන්ඩනයේ සෑම පැයකටම වරක් එක් ස්ත්‍රී දූෂණයක් වාර්තාවන බව පැවසේ.
එම දත්ත වලට අනුව 2023 වර්ෂයේ දී ස්ත්‍රී දූෂණ නඩු 8,800 කට ආසන්න ප්‍රමාණයක් හසුරුවා ඇති අතර එය එක් දිනකට 24 ක් පමණ වන සාමාන්‍ය අගයකි.
BBC පුවත් සේවය විසින් තොරතුරු දැනගැනීමේ අයිතිය අනුව ලබාගත් සංඛ්‍යාලේඛන අතර වෙනත් ලිංගික අපරාධ පිළිබඳ තවත් වාර්තා 11,000ක් තිබෙන බවද පැවසේ.
පසුගිය වසර පහ තුළ ස්ත්‍රී දූෂණ 14% කින් පමණ වැඩිවී ඇති අතර 2023 දී ස්ත්‍රී දූෂණ 20,000 කට ආසන්න සංඛ්‍යාවක් දක්වා වැඩි විය. එයින් අදහස් කරන්නේ සාමාන්‍යයෙන් සෑම විනාඩි 26 යි තත්පර තිහකට වරක් ලන්ඩන් පොලිසියට ලිංගික ප්‍රචණ්ඩත්වයක් හෝ ස්ත්‍රී දූෂණයක් වාර්තා වූ බවයි.
ලිංගික ප්‍රචණ්ඩත්වයට එරෙහිව ළමුන් සහ කාන්තාවන් ආරක්ෂා කිරීම සම්බන්ධ පුණ්‍යායතන ප්‍රකාශ කළේ එවැනි සිදුවීම්වල සැබෑ ප්‍රමාණය පොලිසිය වාර්තා කරන ප්‍රමාණයට වඩා බෙහෙවින් වැඩි බවයි.
ලන්ඩන් පදනම් කරගත් ස්ත්‍රී දූෂණ අර්බුද මධ්‍යස්ථානය මෙම සොයාගැනීම් “භයානක” ලෙස හංවඩු ගසා ඇති අතර බීබීසීයට පැවසුවේ “හදිසි වෙනසක් අවශ්‍ය” බවයි.
පුණ්‍යායතනය පවසන්නේ දූෂණයට ලක්වන කාන්තාවන් හය දෙනෙකුගෙන් එක් අයෙකු පමණක් අපරාධය පොලිසියට වාර්තා කරන බවයි. දූෂණයට ලක්වන පිරිමි වින්දිතයන් අතර එම අගය පස් දෙනෙකුගෙන් එක් අයෙකු බවද පැවසේ. එලෙසම වෙනත් ආකාරයේ ලිංගික හිංසනයන් වාර්තා කරන්නේ වින්දිතයන් හතර දෙනෙකුගෙන් එක් අයෙකු පමණි.
2023 වසර තුළ ළමුන් 4,300කට අධික පිරිසක් දූෂණයට හෝ ලිංගික අතවරවලට ගොදුරු වී ඇති බව ලන්ඩන් පොලිස් සංඛ්‍යාලේඛනවලින් හෙළි වී තිබේ.
වයස අවුරුදු 18 ට අඩු අය විසින් අපයෝජනය කිරීමේ තියුණු වැඩිවීමක් තිබෙන බව පැහැදිලි කරමින්, ළමා ආරක්ෂාව සඳහා වන ජාතික පොලිස් ප්‍රධානීන්ගේ කවුන්සිලයේ ප්‍රධානියා වන ඉයන් ක්‍රිච්ලි පෙබරවාරි මාසයේදී කියා සිටියේ සමහර ළමයින් විසින් වෙනත් ළමයින්ට සිදුකරන ලිංගික අතවරවල වැඩිවීමට හේතුව ප්‍රචණ්ඩ කාමුක දර්ශන විසුරුවා හරින “විෂ සහිත” අන්තර්ජාල සංස්කෘතිය විය හැකි බවයි.
නිතර නිතර ලිංගික අපචාර වාර්තා වීම මෙම වැඩිවීමට උත්ප්‍රේරකයක් වී ඇතැයි ද පොලිසිය සහ නිලධාරීන් පවසයි. සංඛ්‍යාලේඛනවලට අනුව මෑත වසරවලදී ලිංගික අපරාධ සඳහා ලබා දෙන දඬුවම්ද සැලකිය යුතු ලෙස ඉහළ ගොස් ඇත. 2018 දී චෝදනා 818 ක් උසාවිය හමුවේ විභාග වූ අතර, ඊළඟ වසරේ එය 800 දක්වා අඩු වූ නමුත්, 2023 දී 1,400 ඉක්මවා ක්‍රමානුකූලව ඉහළ ගියේය.
පසුගිය අගෝස්තු මාසයේදී, එක්සත් රාජධානියේ ස්වදේශ කටයුතු කාර්යාලය පැවසුවේ, චෝදනාවකට තුඩු දුන් ස්ත්‍රී දූෂණ අපරාධ විමර්ශනය කිරීමට සාමාන්‍යයෙන් දින 423ක් පමණ වැයවන වැඩිම කාලයක් ගත වන අපරාධ විමර්ෂණ ක්‍රියාවක් බවයි. මෙය 'පුද්ගලයෙකුට එරෙහි ප්‍රචණ්ඩත්වය' වැරදි සඳහා දින 55 ක් සහ සොරකම් සඳහා දින 28 ක් සමඟ සසඳනු ලැබ තිබේ.
ලන්ඩන් මෙට්‍රොපොලිටන් පොලිස් නිලධාරීන් විසින් කාන්තාවන්ට එරෙහි ප්‍රචණ්ඩත්වය පැතිරවීම පිළිබඳ ඉහළ පෙළේ සිදුවීම් මාලාවකින් පසුව, පොලිසිය කෙරෙහි මහජන විශ්වාසය පළුදු වීම පිළිබඳ ගැටලුව කෙරෙහි වැඩි අවධානයක් යොමු වී තිබේ. එංගලන්තයේ පුද්ගලයන් දස දෙනෙකුගෙන් හතර දෙනෙකු පමණක් තමන් පොලිසිය විශ්වාස කරන බව පවසන අතර, බ්‍රිතාන්‍යයේ අගනුවර පොලිස් නිලධාරීන් අඩුම ලකුණු ලබා ගන්නා බව අප්‍රේල් මාසයේදී කරන ලද සමීක්ෂණයකින් හෙළි විය. මෙට්‍රොපොලිටන් පොලිස් නිලධාරීන් 657 දෙනෙකු පසුගිය වසරේ ලිංගික අපයෝජනය, ගෘහස්ථ අපයෝජනය හෝ මේ දෙකේම එකතුවක් සම්බන්ධයෙන් විමර්ශන වලට භාජනය වී ඇත.
https://www.rt.com/news/604464-rape-reported-london-every-hour/
සම්බන්ධිත පුවත් | Related News
ප්‍රධාන පුවත්
ඥානසාර හිමියන්ගේ චීවරය ඉවත් කිරීමට එරෙහි පෙත්සම් විභාගයට විශේෂ ත්‍රිපුද්ගල විනිසුරු මඩුල්ලක්.. - කුරුන්දි ඇතුළු පුරාවිද්‍යා නඩු විභාගය ලබන වසරේ මාර්තු 24 ට
කන්නන්ගර මහතා නොසිටියා නම් අද ශ්‍රී ලංකාවේ අධ්‍යාපනය සිංහල නොවෙයි.. භාෂාවත් සිංහල නොවෙයි.. - ස්වභාෂා අධ්‍යාපනයට සිදුවූ දේ මහාචාර්ය පූජ්‍ය ඉඳුරාගාරේ ධම්මරතන හිමි හෙළිකරති..
යුරෝපයේ මහා පරිමාණ සංක්‍රමණය: අනාගතයේ දැඩි ජනගහන අර්බුදයක්.. ස්වදේශික ජනතාව සුළුතරයක් වීමේ අවදානමක්..
මහ බැංකු මොනිටරින් බෝර්ඩ් එකේ මූල්‍ය සමාගම්වල පිල්ලි; සුජාතභාවය ගැන සැකයක්..
කතානායක ජගත් වික්‍රමරත්නට එරෙහි දෝෂාභියෝගයේ චෝදනා 50 එළියට.. ජනාධිපතිගේ රැකවරණයත් අහිමි වෙයි?
ප්‍රංශය ගිනිතියන ගැටවුන්ගේ අරගලය සහ ගෝලීය අර්බුදය.. - උවිඳු විජේවීරගෙන් අනාවරණයක්..
ඥානසාර හිමියන්ගේ චීවරය ඉවත් කිරීමේ සිද්ධිය සහ කුරුන්දි ඇතුළු පුරාවිද්‍යා ස්ථාන සම්බන්ධ පෙත්සම් අද අභියාචනාධිකරණයේදී විභාගයට..
කළු ජූලියෙන් පමණක් ඉතිහාසය අවසන් කළ නොහැකියි.. - ලයනල් බෝපගේ සහ අතුල සුමතිපාල විපක්ෂ නායකවරයාට ලියති..
අගමැතිතුමිය ජාත්‍යන්තරයෙන් පැවරූ වැඩේ වේගයෙන් කරගෙන යනවා.. ඥානසාර හාමුදුරුවෝ හිතළුවක් කළා නෙමේ.. මේවට අවශ්‍ය කස මීට කලින් හැඩවුණා.. - සඳුන් බණ්ඩාර බෝදරගම
2010 වසරෙන් පසු පළමු වරට ලෝක දරිද්‍රතාව ඉහළට! චීනය වේගයෙන් දරිද්‍රතාවය පහළ දැමූ රටයි! – එක්සත් ජාතීන්ගේ සංවිධානය
ආර්ථික අර්බුදයෙන් ගොඩ එනවා වෙනුවට ආණ්ඩුව රට වැරදි දිශාවකටයි ගෙන යන්නේ.. මේ ගමනේ අවසානය රටේ ඒකීයභාවයට තර්ජනයක්.. - විමල් වීරවංශ
ඇමරිකානු අභ්‍යන්තර දේශපාලනයේ බලපෑමෙන් රුසියානු-ඇමරිකානු සබඳතාවල නව හැරවුමක්.. කියෙව් පාලනය සහ යුරෝපය දැඩි කම්පනයක..
ආණ්ඩුක්‍රම ව්‍යවස්ථාවේ පළමු පරිච්ඡේදය රට.. දෙවන පරිච්ඡේදය ආගම නොව බුද්ධාගමයි.. - මහාචාර්ය පූජ්‍ය ඉඳුරාගාරේ ධම්මරතන හිමි
මේ රටේ බෞද්ධයාගේ ඉවසීම පරීක්ෂා කරන්න යන්න එපා.. බොර්න් අගේන් කල්ලියකට අවශ්‍ය විදිහටයි අද මේ රට නටවන්නේ.. - විමල් වීරවංශ
අඛණ්ඩ ඉන්ධන සැපයුමකට රජයෙන් පැහැදිලි සැලසුමක් නෑ.. - පෞද්ගලික ඉන්ධන සමාගම් පවසයි..
තවත් IMF වැඩසටහනකට යන්න රජය සූදානම්.. මේ දිනවල එය සාකච්ඡා කරනවා.. - ජනපති