අවිහිංසාවාදයෙන් ප්‍රජාතන්ත්‍රවාදී දේශපාලනයට රට ගොඩගන්නට ඇති හැකියාව, ජනාධිපතිතුමාත් අමාත්‍ය මණ්ඩලයත් ඔප්පු කළා - අගමැති දිනේෂ් කියයි
‘හිංසාවාදය අපේ දේශපාලනයේ නැහැ. අවිහිංසාවාදී දේශපාලන ජයග්‍රහණයකට කැපවෙලා ආණ්ඩුව මේ අභියෝගය භාරගත්තා’ යයි අග්‍රාමාත්‍ය දිනේෂ් ගුණවර්ධන මහතා පවසයි.
අග්‍රාමාත්‍යවරයා මේ බව සඳහන් කළේ ග්‍රාමීය ආර්ථිකය ශක්තිමත් කිරීම සහ සුළු පරිමාණ කුකුළු ගොවිපොළ හිමිකරුවන් නංවාලීම අරමුණු කරගෙන සිදු කරන බිත්තර රැක්කවීමේ යන්ත්‍ර බෙදාදීමේ වැඩසටහන පිළියන්දල , මාවිත්තර දී සහ හෝමාගම විල්ෆ්‍රඩ් සේනානායක ක්‍රීඩාංගනයේදී සිදුකළ අවස්ථාවේදිය.
වසර එකහමාරකට කලින්ආර්ථික අර්බුදය හමුවේ මුළු රටේම ජනතාව බොහොම ධෛර්යවන්තව හිටියා. මෙවැනි අර්බුදයකට රට මුහුණ දුන්නා කියලා අපේ ජීවිත කාලේ අහල නැහැ. අපේ වැඩිහිටියෝ මෙවැනි තත්ත්වයකට මීට කළින් මුහුණ දුන්නේ දෙවෙනි ලෝක යුද්ධ කාලේ කියලයි අපි අහල තියෙන්නේ තියෙන්නේ. එදා අපේ ගොවි ජනතාව එවකට තිබුණු වතු ආහාර නිෂ්පාදනයට එකතු කරලා ආහාර නිෂ්පාදනයෙන් ඒ අර්බුදයට මුහුණ දුන්නා.
දෙවැනි ලෝක සංග්‍රාමයෙන් පස්සේ අපිට කොරියාව ගැන ලොකුවට අහන්න ලැබුණා. දෙවන ලෝක සංග්‍රාමය හමාරවෙලත් කොරියාවට බෝම්බ දැමීම දිගටම සිදු කෙරුණා. කොරියාව උතුරු සහ දකුණ ලෙස බෙදුන රටවල් දෙකක් වුණා. නමුත් කොරියානු ජනතාව ග්‍රාමීය ආහාර නිෂ්පාදනයට මුල් තැන දීලා ඒ රට ආහාරයෙන් සුපෝෂිත කළා පමණක් නොව අතිරික්තයක් නිෂ්පාදනය කරන රටක් බවට පත්වුණා. නව දැනුම එක් කර ගනිමින් කොරියාව දියුණු කාර්මික රටවල් අතරට පැමිණියා. විදේශ විනිමය අතිරික්තයක් තියෙන රටක් බවට කොරියාව තම රට පරිවර්තනය කරගන්නට පුළුවන් වුණ නිසා ජාත්‍යන්තර ආර්ථික අර්බුදවලදී ඊට සාර්ථකව මුහුණ දෙන්න පුළුවන් ශක්තියක් ඔවුන්ට තියෙනවා.
ගමේ ආදායම් පරතරය අඩු කරලා පහළ ආදායම් ලබන සැමදෙනාට හොඳ ආදායම් තත්වයකින් සම්පූර්ණ වෙන්න පුළුවන් වැඩ පිළිවෙලක් දියත් කළ යුතුයි. ඒ වගේම නව පරපුරේ බලාපොරොත්තු ඉටු වන දියුණුවකට තොරතුරු තාක්ෂණය, ඩිජිටල් ක්‍රමය, කාර්මික සංවර්ධනයන් යොමු කරගනිමින් ඒ රට වල දියුණුව ලැබීම පමණක් නොව අතිරික්තය නිසා අපි වගේ රටවල් වලට තවමත් සහයෝගය දෙනවා. තවමත් ණය දෙනවා. තවමත් උදව් උපකාර කරනවා. එහි ප්‍රතිඵලයක් ලෙස අපේ රටට මේ බිත්තර රැක්කවීමේ උපකරණ ලැබුණා. මෙම වැඩපිළිවෙළ ලංකාවේ සෑම මැතිවරණා ආසනයකම රට පුරා ක්‍රියාත්මක කරනවා.
අප මුහුණ දුන් ආර්ථික අර්බුදයේදී දේශපාලන මතභේද බලන්නෙ නැතුව පළමු වරට අපේ රටේ ජනතාව ආරක්ෂා කරගෙන රට ඉදිරියට ගොඩනගන්නට අවශ්‍ය යි කියන කාරණාවට අප සියලු දෙනා අත්වැල් බැඳ ගත යුතුයි. හිංසාවාදය අපේ දේශපාලනයේ නැහැ. අවිහිංසාවාදී දේශපාලනය ජයග්‍රහණය කිරීමෙන් පමණයි මනුෂ්‍ය සමාජයට නිසංසල තත්ත්වයකින් ජීවත් වෙන්නට හැකියාව ලැබෙන දියුණුවකට පරිවර්තනය වෙන්න පුළුවන් වන්නේ. ඊට කැප වෙලා තමයි ආණ්ඩුව මේ අභියෝගය භාරගත්තේ. විවිධ තර්ජන ගර්ජන ඔස්සේ ඒ බව ඔප්පු කරලා රජයේ සේවකයන්ට යළි උනන්දුව ඇති කරලා රටේ අවිහිංසාවාදය පදනම් කරගෙන ප්‍රජාතන්ත්‍රවාදී දේශපාලනයට රට ගොඩගන්නට හැකියාව රනිල් වික්‍රමසිංහ ජනාධිපතිතුමාත් අමාත්‍ය මණ්ඩලයත් එක්ව කටයුතු කරලා ඔප්පු කළා.
ඒක කරන්න බැහැ කියලා බොහෝ අය විවිධ කෝණයන්ගෙන් ප්‍රචාරය කළා. නමුත් ඒ ප්‍රචාරයන් හැම දෙයක්ම අසාර්ථකයි. මේ වෙනකොට අපි ආර්ථික ස්ථාවර භාවය වගේම රටේ නීතියේ ස්ථාවරභාවය ඇතිකර තිබෙනවා. එදා සුමානයක් හිංසාවාදය ජයගත්ත කාල පරිච්ඡේදය මාස ගණන් යන්න ඉඩ දුන්නනම් ඒ හිංසාවේ පරිමාණයන් කොහොම වෙයිද? ලෝක ප්‍රජාව සමග යළි සාකච්ඡා මාර්ගයෙන් අපේ ගනුදෙනු බේරාගෙන සංවර්ධනයට තවදුරටත් අලුත් ආයෝජනයන් එක්කර දෙන්න පුළුවන් මාර්ග විවෘත කරගෙන රට ඉදිරියට ගමන් කරනවා.
අග්‍රාමාත්‍ය මාධ්‍ය අංශය
සම්බන්ධිත පුවත් | Related News
ප්‍රධාන පුවත්
මාලිමාවේ ඡන්ද පදනම කඩා වැටීම ලෝක වාර්තාවක්.. තව අවුරුද්දකින් ඡන්ද පදනම පරණ පුරුදු 3%ට වැටෙනවා - උදය ගම්මන්පිල
පළාත් සභා මැතිවරණයත් හැකි ඉක්මනින් කැඳවන්න යයි..
ඉන්දියාව සමඟ අත්සන් කළ ගිවිසුම්වලට එරෙහිව පෙත්සමක්..
කෙහෙලිය මැයි 20 දක්වා රිමාන්ඩ්
සර්වඥ ධාතුන් වහන්සේලා අළෙවි කළ නොහැකියි... වෙසක් සතියේ ධාතු වෙන්දෙසිය වහා නවත්වන්න. ඉන්දියාවට බාර දෙන්න.
මෙතෙක් ප්‍රකාශිත ප්‍රතිඵල මෙන්න
විවෘත වරෙන්තු පිට සිටි, හිටපු රාජ්‍ය ඇමති ප්‍රසන්න අධිකරණයට භාරවෙයි
ඉන්දීය ජෙට් යානා දෙකකට සහ ඩ්‍රෝන යානයකට ප්‍රහාර එල්ල කළා - පාකිස්ථාන හමුදා මාධ්‍ය ප්‍රකාශක කියයි
පළාත් පාලන ආයතන ඡන්ද විමසීම ඇරඹෙයි
දේශීය ඖෂධ කර්මාන්තය බිඳවැටෙන අවදානමක් - ඇමති නලින්දගේ හැසිරීම ගැන සංගම් තුනකින් විරෝධය..
දැඩි බෞද්ධ විරෝධය මැද ශාක්‍යයන්ට අයත්ව තිබූ බෞද්ධ ධාතු හොංකොංවලදී වෙන්දෙසි කිරීමේ සූදානමක්..
ජවිපෙ අත්හැරපු ඉන්දියන් විරෝධී සටන විජේවීරගේ පුතා අතට ගනී.. (වීඩියෝ)
අනුර - මෝදි ගිවිසුම්වලින් රටේ ආරක්ෂාවට දැඩි තර්ජනයක් එල්ලවිය හැකියි - වෛද්‍ය අනුලා විජේසුන්දර (වීඩියෝ)
අනුර - මෝදි අත්සන් කළ ගිවිසුම් රටේ ව්‍යවස්ථාවට සහ ජාත්‍යන්තර සම්මුතීන්ට පටහැනියි... ජනාධිපති ලේකම් වගකීම් පැහැරහැරියා - වෛද්‍ය වසන්ත බණ්ඩාරගෙන් චෝදනා (වීඩියෝ)
අනුර සමග හොර ගිවිසුම් අත්සන් කිරීමට විරෝධය දක්වා ජාතික සංවිධාන විසින් ඉන්දීය මහාකොමරිස් කාර්යාලයට මහජන පෙත්සම භාර දුන් අවස්ථාව (වීඩියෝ)
ආණ්ඩුව ඉන්දියාව සමග ගිවිසුම් අත්සන් කර ඇත්තේ රටේ ස්වාධීනත්වයට, නීතියට සහ ආණ්ඩුක්‍රම ව්‍යවස්ථාවට පටහැනි ලෙසයි - නීතිඥ මධුමාලි අල්විස් (වීඩියෝ)