රුසියාවට එල්ල වූ ම්ලේච්ඡ ත්‍රස්තවාදී ප්‍රහාරයෙන් මියගිය සහ තුවාල ලැබූවන් පිළිබඳව ශෝකය පළ කරමින් මහජන යුතුකම් කේන්ද්‍රයෙන් ශෝක පණිවිඩයක්

Mar 25, 2024 at 03:52 PM

|

Lanka Leader

රුසියාවේ සිදුවූ ම්ලේච්ඡ ත්‍රස්තවාදී ප්‍රහාරයෙන් මියගිය සහ තුවාල ලැබූවන් වෙනුවෙන් ශ්‍රී ලංකාවේ මහජනතාවගේ ශෝකය ප්‍රකාශ කිරීම සඳහා මහජන යුතුකම් කේන්ද්‍රය මගින් නිවේදනයක් නිකුත්කර තිබේ.

අදාළ නිවේදනය පහළින්...

ගරු වැලමිඩර් පුටින්
ජනාධිපති තුමා 
රුසියාව 

රුසියාවේ සිදුවූ ම්ලේච්ඡ ත්‍රස්තවාදී ප්‍රහාරයෙන් මියගිය සහ තුවාල ලැබූවන් වෙනුවෙන් ශ්‍රී ලංකාවේ මහජනතාවගේ ශෝකය ප්‍රකාශ කිරීම 

ගරු ජනාධිපතිතුමනි, 

රුසියාව අස්ථාවර කිරීම සඳහා නිරායුධ අහිංසක සිවිල් වැසියන් එල්ල කරමින්  සිදුකළ ම්ලේච්ඡ  ත්‍රස්තවාදී ප්‍රහාරය  ඉතා පිළිකුල් සහගතව ශ්‍රී ලංකාවේ සාධාරණ යුක්තිගරුක පුරවැසියන් වශයෙන් අප දැඩි ලෙස හෙළා දකිමු. 

දශක තුනකට අධික කාලයක් තිස්සේ රුදුරු ත්‍රස්තවාදයට මුහුණ දුන් ජනතාවක් වශයෙන්  ගෝලීය ත්‍රස්තවාදයේ අරමුණු පැහැදිලිව හඳුනාගෙන සිටිමු. 

එබැවින් පිළිකුල් සහගත ත්‍රස්තවාදී ප්‍රහාරයේදී මියගිය සියලු දෙනාට ඔවුන් අදහන ආගම අනුව  මෝක්ෂ සුවය ප්‍රාර්ථනා කරමු , එසේම තුවාල ලැබූ සියලු දෙනාට ඉක්මන් සුවය ප්‍රාර්ථනා කරමු. 

එසේම රුසියාවේ ඒකීයභාවය සුරැකිය යුතු යැයි සිතන සාමය අගයන සමස්ත ශ්‍රී ලංකාවාසී මහ ජනතාවගේ ශෝකය  සමස්ත රුසියානු ජනතාවටත් ඔබතුමාටත් ප්‍රකාශ කිරීමට මෙය අවස්ථාවක් කර ගනිමු. 

රුසියාව  අස්ථාවර කිරීම සඳහා ලෝක ත්‍රස්තවාදය විසින් ගනු ලැබෙන ක්‍රියාමාර්ග විනිවිද දැකීමටත් ඒවා පරාජය කිරීමටත්  ඔබගේ නායකත්වයෙන් යුතු රුසියාවට හැකිවේවායි වැඩිදුරටත් ප්‍රාර්ථනා කරමු.

වසන්ත අල්විස් 
කැඳවුම්කරු 
මහජන යුතුකම් කේන්ද්‍රය