රුසියානු සිවිල් ජනයා ඉලක්ක කර එල්ල කළ ම්ලේච්ඡ ත්‍රස්තවාදී ප්‍රහාරය හෙළාදකිනවා - ජනිපෙ නායක, පා. ම. විමල් වීරවංශ
රුසියානු සිවිල් ජනයා ඉලක්ක කර එල්ල කළ ම්ලේච්ඡ ත්‍රස්තවාදී ප්‍රහාරය හෙළා දකින බව ජානිපෙ නායක, පාර්ලිමේන්තු මන්ත්‍රී විමල් වීරවංශ මහතා පවසයි.
මෙරට රුසියානු තානාපති ලෙවාන් එස්. දගාරියන් මහතා වෙත මෙම සිදුවීම පිළිබඳව සිය ශෝකය පළකර ලිපියක් යොමුකරමින් විමල් වීරවංශ මහතා මේ බව පවසා තිබේ.
අදාළ ලිපිය පහළින්...
ලෙවාන් එස්. දගාරියන් මැතිතුමා,
ගරු ශ්‍රී ලංකාවේ රුසියානු තානාපති,
ශ්‍රී ලංකාවේ රුසියානු තානාපති කාර්යාලය,
404, බෞද්ධාලෝක මාවත,
කොළඹ 07.
ගරු තානාපතිතුමනි,
රුසියානු සිවිල් ජනයා ඉලක්ක කර ත්‍රස්තවාදීන් එල්ල කළ ම්ලේච්ඡ ප්‍රහාරය තරයේ හෙළා දකිමු!
පසුගිය 22 වනදා ක්‍රොකස් සිටි හෝල් (Crocus City Hall) නම් මොස්කව් නගරයෙන් පිටත පිහිටි ප්‍රධානතම විනෝදාස්වාද සංකීර්ණයේ පැවැත්වෙමින් තිබුණු සංගීත සංදර්ශනයක් නරඹමින් සිටි රුසියානු ජනයා වෙත එල්ල කරන ලද ම්ලේච්ඡ ත්‍රස්ත ප්‍රහාරය දැඩි පිළිකුලෙන් යුතුව හෙළා දකිමු.
අධිරාජ්‍යවාදීන් ආර්ථික වශයෙන් අර්බූදයට ලක්වන සියලු අවස්ථාවලදීම ඉන් පියමං කිරීමට ඔවුන් සතුව තිබෙන අවසාන පිළිතුර ම්ලේච්ඡ යුද්ධය බව පළමු සහ දෙවන ලෝක යුද්ධ පමණක් නොව ඉන් පසුව මැදපෙරදිග කලාපය ඇතුළුව ලෝකයේ බොහෝ ප්‍රදේශවල නිර්මාණය කළ යුද ගැටුම්වලින් ද සනාථ කර තිබේ.
එසේ නමුදු වර්තමාන රුසියානු ජනාධිපති ව්ලැදිමීර් පුටින් මැතිතුමා ප්‍රමුඛ වත්මන් රුසියානු ආණ්ඩුව යුක්‍රේන භූමියේ සිට ක්‍රියාත්මක කරනු ලබන සාමූහික බටහිරයන්ගේ යුද්ධය සාර්ථකව මැඩලමින් පවතී. එතැනින් නොනැවතී ජනාධිපති පුටින් මැතිතුමාගේ සමස්ත ආර්ථික, දේශපාලනික සහ යුදමය වැඩපිළිවෙළ, පසුගිය ජනාධිපතිවරණයේදී ප්‍රකාශිත ඡන්දවලින් 87%කට වඩා රුසියානු ජනතාව අනුමත කිරීමම අමෙරිකානු අධිරාජ්‍යවාදීන් ප්‍රමුඛ සාමූහික බටහිරයන් තම පැවැත්ම කෙරෙහි බියෙන් සලිත වී ඇති බව තහවුරු වේ. ඒ අනුව රුසියානු ජනයාගෙන් පළිගැනීම පෙරදැරි කොට ගෙන මෙවැනි ම්ලේච්ඡ ප්‍රහාරවලට තම සහචරයන් මෙහෙයවීමට කටයුතු කර ඇතැයි යන්න අපගේ විශ්වාසයයි.
ලෝක දේශපාලනයේ ඒකධ්‍රැවීය බල කේන්ද්‍රයන් වෙනුවට බහුධ්‍රැවීය බල කේන්ද්‍රයන් පැන නැගීම පැහැදිලිව තිබෙන මේ මොහොතේදී එවැන්නක් මගින් සාමූහික බටහිරට සහ අධිරාජ්‍යවාදී අමෙරිකාවට තම පැවැත්ම පිළිබඳ අනතුර හොඳින්ම දැනී ඇති බව මෙවැනි ම්ලේච්ඡ ප්‍රහාර මගින් තව තවත් සනාථ කරනු ලබයි.
මේ මොහොතේදී රුසියානු ජාතිය දරා සිටින ශෝක භරිත හැඟීම ඔබලා සමඟ අප ද බෙදා හදා ගන්නා බව ප්‍රකාශ කරමින් අධිරාජ්‍යවාදී යුගය අවසන් කිරීමට ජනාධිපති පුටින් මැතිතුමා ගන්නා දැවැන්ත ප්‍රයත්නයට අපගේ ශක්තිය ද පුද කරන බව ප්‍රකාශ කරමු.
ස්තුතියි.
මෙයට විශ්වාසී,
විමල් වීරවංශ(පා. ම.),
නායක,
ජාතික නිදහස් පෙරමුණ,
2024-03-24
සම්බන්ධිත පුවත් | Related News
ප්‍රධාන පුවත්
“මේක අපේ ආණ්ඩුව අපි තමයි විදුලි බල මණ්ඩලයේ පාලකයෝ. ලංවිමය ඇතුලට ජාතික ජනබලවේගයට මුවා වෙලා රිංගා ගෙන ඉන්නා නරි කනෙන් ඇදලා එළියට දානවා.” – ලංකා විදුලි සේවක සංගමයේ ප්‍රධාන ලේකම් රන්ජන් ජයලාල්
අද නොවැම්බර් 26 වැනිදා... මමද අද පොල්තෙල් පහනක් දල්වමි..
තහනම් සංවිධාන සැමරුම් හැර දෙමළ ජනයාට සිය මියගිය නෑයන් සැමරීමට රජයෙන් බාධාවක් නැහැ - කැබිනට් මාධ්‍ය ප්‍රකාශක ඇමති නලින්ද ජයතිස්ස
තහනම් සංවිධාන සැමරුම් හැර දෙමළ ජනයාට සිය මියගිය නෑයන් සැමරීමට රජයෙන් බාධාවක් නැහැ - කැබිනට් මාධ්‍ය ප්‍රකාශක ඇමති නලින්ද ජයතිස්ස
අද අන්තරේ ශිෂ්‍ය නායකයන් හා ඇතැම් විශ්වවිද්‍යාල ආචාර්යවරුන් උපකුලපතිවරයෙකුට එරෙහිව භාවිත කරණ ලෙස ඉල්ල සිටියේ එද ජේ ආර් ගෙනා මර්ධනීය බලතලයි-හිටපු පාර්ලිමේන්තු මන්ත්‍රී ගෙවිඳු කුමාරණතුංග
පෞද්ගලික විශ්ව විද්‍යාලවලට සිසුවන්ට මත් කුඩු බෙදන පෞද්ගලික සිසුන් කණ්ඩායමක් අත් අත්අඩංගුවට
අදානිට එරෙහිව ඇමෙරිකානු අධිකරණයක අධිචෝදනා ගොනු වීමත් සමග ශ්‍රී ලංකාව සහ බංග්ලාදේශය අදානි සමග ගිවිසුම් යළි විමසා බැලීමේ තීරණයක්
සජබ - එජාප එකතුවීමේ සූදානමක්!
රාජ්‍ය සංවර්ධන හා නිර්මාණ නීතිගත සංස්ථාව ඈවර කර සේවකයන්ට වන්දි ගෙවන්න කැබිනට් අනුමැතිය
එක්සත් ජනපද ජාතික ණය ඩොලර් ට්‍රිලියන 36 ඉක්මවමින් නව වාර්තාවක් තබයි.
කියුබානු විප්ලවීය නායක ෆිදෙල් කැස්ත්‍රෝට ශ්‍රී ලංකාවේ දී උපහාර
කැනඩාවේ නේටෝ විරෝධී විරෝධතාකරුවෝ මෝටර් රථ ගිනි තබයි (වීඩියෝ).
රනිල් කාටත් හොරෙන් ඉන්දියාවත් එක්ක අත්සන් කළ එකඟතා ලියවිල්ල අනුරට ක්‍රියාත්මක කරන්න කියයි
මාස් කන්නය අරඹා මාසයක කාලයක් ගතවී ඇතත් ගොවි සහනාධාර මුදල් තවමත් ලැබී නැහැ - ගොවීන්ගෙන් චෝදනා (වීඩියෝ)
උතුර සහ නැගෙනහිර වෙනම රටක්... මම සහාය දෙන්නේ අනුරට - අර්චුනා රාමනාදන් කියයි (වීඩියෝ)
පාර්ලිමේන්තු මන්ත්‍රී අර්චුනා රාමනාදන්ට එරෙහිව පැමිණිල්ලක්... හඬපටයකුත් ලීක් වෙයි