රාජපක්ෂලා පාර්ලිමේන්තු ගේන්න මැතිවරණයක් තියනවද?.. ණය ප්‍රතිව්‍යුහගත කරනවද? - තීන්දුවක් ගන්නැයි පාඨලී ජනපතිට කියයි
ජනාධිපති රනිල් වික්‍රමසිංහ මහතා මේ මොහොතේ තීරණය කළ යුත්තේ රාජපක්ෂලා පස් දෙනෙකු පාර්ලිමේන්තු ගෙන එම සඳහා මැතිවරණයක් පවත්වනවාද නැතොත් ජූනි මාසයේ ණය ප්‍රතිව්‍යුහගත කර රට ස්ථාවර කරනවාද යන්න බව එක්සත් ජනරජ පෙරමුණේ නායක පාර්ලිමේන්තු මන්ත්‍රී පාඨලී චම්පික රණවක මහතා පවසයි.
ඒ මහතා මේ බව පවසා සිටියේ ගම්පහ පැවති ජන හමුවකට සහභාගී වෙමිනි.
එමෙන්ම තවදුරටත් පන්සල් වලට ගොස් නයි පෙන්නන වංචාවන් කර ගෞරවනීය බුද්ධ ශාසනය විකුණාගෙන කෑමෙන් වැලකි සිටින ලෙසත් මේ මොහොතේ පන්සල් වල පවතින දානය ලැබීමේ ගැටලු, විදුලිය ලබාගැනීමේ ගැටලු පිළිබඳව සොයා බැලිය යුතු බවත් චම්පික රණවක මහතා අවධාරණය කරයි. මහින්ද රාජපක්ෂ මහතා මේ මොහොතේ තව තවත් දේශපාලන සෙල්ලම් නොකර විශ්‍රාම යා යුතුයි. නැවත බල ලෝබයෙන් සිදුකරන වංචා සහගත ක්‍රියාවන් වලින් සිදුවන්නේ අහිංසක ශ්‍රී ලංකා පොදුජන පෙරමුණේ පාක්ෂිකයන් නැවත වතාවක් අපහසුතාවයට පත්වීම බව රණවක මහතා පවසයි.
මේ පිළිබඳව පාඨලී චම්පික රණවක මහතා වැඩිදුරටත් දැක්වූ අදහස්;
“මම ශ්‍රී ලංකා පොදුජන පෙරමුණේ ඉන්න සියලු දෙනාගෙන්ම ඉල්ලා හිටිනවා බැසිල්ගේ ලණු විතරක් කන්න එපා. ඔය හදන්නේ වෙන මොකවත් නෙමෙයි. තමන්ගේ පස්දෙනාව පාර්ලිමේන්තු යවලා ඊළඟ ඡන්දෙන් පස්සේ ඔබලාට හොඳ ගුටිබැට පූජාවක් රටේ ජනතාවගෙන් ලබාදෙන්න.
රට බංකොලොත් කිරීමට වගකීම වගකිවයුතු මහින්ද රාජපක්ෂ, ගෝඨාභය රාජපක්ෂ, බැසිල් රාජපක්ෂලා ඉන්න කිසිම දේශපාලනයකට එකතු වෙන්න එපා. බැසිල් මහත්තයාට කියන්න තියෙන්නේ, රාජපක්ෂ පවුල පහුගිය දශක දෙකේ රට නැටෙව්වා දැන් ඇති. ඒ නටවපු යුගය දැන් ඉවරයි.
ජනාධිපතිතුමාට අපි කියන්නේ, ඔබතුමා රටට පොරොන්දුවක් දුන්නා, ජූනි මාසේ වෙනකොට රටේ විදේශ ණය ප්‍රතිව්‍යුහගත කරලා, රට ස්ථාවර කරනවයි කියලා. ඒ පොරොන්දුව ඉටු කරන්න. රාජපක්ෂවරු පස්දෙනෙක් පාර්ලිමේන්තුවට ගේන විදියේ වැඩ නම් ඔබතුමා කරන්නේ ඔබතුමා මෙච්චර කාලයක් මේ කරගෙන ආව වැඩ වලත් එවැනි වංචනික තත්වයක් තියෙනවයි කියලා විශ්වාස කරන්න අපට සිද්ධ වෙනවා. ඊට පස්සේ ජනාධිපතිවරණය පවත්වන්න.හැබැයි බැසිල්ලගේ න්‍යාය පත්‍ර වලට රට ගෙනියන්න ඉඩ දෙන්න බෑ.
මේගොල්ලෝ එදා 2020 මොකද කිව්වේ? මට බලය දෙන්න, තුනෙන් දෙක දෙන්න රට හදන්න. දැන් පොත් ලියලා කියනවා තුනෙන් දෙක ගත්ත එක සාපයක් වුනාලු. තමන්ට බලය තියෙනකොට එක විදිහකුයි, තමන්ට බලය නැතිවෙනකොට තව විදියකුයි. බැසිල්ගේ විදේශීය පුරවැසිකම වෙනුවෙන් රටේ ව්‍යවස්ථාව වෙනස් කරපු රටක්නේ මේක.
දැන් ඔය සමහර ඈයෝ පොත් ලියනවා ඇමරිකන් කුමන්ත්‍රණය ගැන. ඇමරිකාවේ පුරවැසියෙක් රටේ ජනාධිපති කරන්න කඩේ ගිය අය, ඇමරිකාවේ පුරවැසියෙක්ව රටේ මුදල් ඇමති කරන්න ව්‍යවස්ථාව වෙනස් කරන්න අත උස්සපු අය ඇමරිකන් කුමන්ත්‍රණ ගැන කියනවා.
මේ රටේ ඉදිරි ගමන ගැන කැක්කුමක් තියෙන වංචා දූෂණ වලට හසු නොවිච්ච සෑම කෙනාටම අපි කියනවා මේ රට ගලවා ගැනීමේ පෙරමුණකට එකතු වෙමු. එකතු වෙලා මේ රට වෙනස් කරමු කියලා. ඒකට ඕනම කැපවීමක් කරන්න එක්සත් ජනරජ පෙරමුණ සූදානම්.”
මෙම ජන හමුවට එක්සත් ජනරජ පෙරමුණේ සභාපති විශේෂඥ වෛද්‍ය ය අජිත් අමරසිංහ, ජාතික සංවිධායක, වරලත් ඉංජිනේරු සුමේධ රත්නායක සහ ගම්පහ සම්බන්ධීකරණය සිදුකරන අමිල ප්‍රියන්ත යන මහත්වරුද සහභාගි වූහ.
ලෙෂාන් විදානගමාච්චි
මාධ්‍ය ලේකම්
සම්බන්ධිත පුවත් | Related News
ප්‍රධාන පුවත්
නඩු යන්නත් බැරි, තොරතුරු හෙළිකරන්නත් බැරි අනුර - මෝදි හොර ගිවිසුම් ගැන දුමින්ද නාගමුවගෙන් භයානක හෙළිදරව්වක් (වීඩියෝ)
නාසිවාදී පැසිස්ට්වාදය ලොවෙන් තුරන්කර දැමීමට ජීවිත පරිත්‍යාගයෙන් කැපවුන ‘මැයි 9 විරුවන්ට’ විමල් නිහඬ උපහාර පුදකරයි..
යුක්රේනය වහාම සටන් විරාමයකට සූදානම් - සෙලෙන්ස්කි
මාස 6 ක් තුළ ආණ්ඩුව ලබපු දරුණු පරාජය ලෝක වාර්තාවක් - විමල් කියයි (වීඩියෝ)
1945දි ගොඩ නැංවූ අත්තිවාරම් බටහිරයන් කඩා දමමින් සිටී.
මාලිමාවේ ඡන්ද පදනම කඩා වැටීම ලෝක වාර්තාවක්.. තව අවුරුද්දකින් ඡන්ද පදනම පරණ පුරුදු 3%ට වැටෙනවා - උදය ගම්මන්පිල
පළාත් සභා මැතිවරණයත් හැකි ඉක්මනින් කැඳවන්න යයි..
ඉන්දියාව සමඟ අත්සන් කළ ගිවිසුම්වලට එරෙහිව පෙත්සමක්..
කෙහෙලිය මැයි 20 දක්වා රිමාන්ඩ්
සර්වඥ ධාතුන් වහන්සේලා අළෙවි කළ නොහැකියි... වෙසක් සතියේ ධාතු වෙන්දෙසිය වහා නවත්වන්න. ඉන්දියාවට බාර දෙන්න.
මෙතෙක් ප්‍රකාශිත ප්‍රතිඵල මෙන්න
විවෘත වරෙන්තු පිට සිටි, හිටපු රාජ්‍ය ඇමති ප්‍රසන්න අධිකරණයට භාරවෙයි
ඉන්දීය ජෙට් යානා දෙකකට සහ ඩ්‍රෝන යානයකට ප්‍රහාර එල්ල කළා - පාකිස්ථාන හමුදා මාධ්‍ය ප්‍රකාශක කියයි
පළාත් පාලන ආයතන ඡන්ද විමසීම ඇරඹෙයි
දේශීය ඖෂධ කර්මාන්තය බිඳවැටෙන අවදානමක් - ඇමති නලින්දගේ හැසිරීම ගැන සංගම් තුනකින් විරෝධය..
දැඩි බෞද්ධ විරෝධය මැද ශාක්‍යයන්ට අයත්ව තිබූ බෞද්ධ ධාතු හොංකොංවලදී වෙන්දෙසි කිරීමේ සූදානමක්..