එක්සත් ජනපදය නිවැරදි දිශාවට පියවර ගන්නා නමුත්, අවහිර කිරීම තවමත් බලාත්මකයි!- කියුබාවේ විදේශ කටයුතු අමාත්‍යාංශය
පසුගියදා වොෂින්ටන් පරිපාලනය ත්‍රස්තවාදයට අනුග්‍රහය දක්වන ලයිස්තුවෙන් කියුබාව ඉවත් කිරීමට පියවර ගෙන තිබුණි. ඒ සම්බන්ධයෙන් මාධ්‍ය නිවේදනයක් නිකුත් කරන කියුබානු විදෙස් අමාත්‍යාංශය පවසන්නේ, වොෂින්ටනයේ ත්‍රස්තවාදයට අනුග්‍රහය දක්වන රාජ්‍යයන්ගේ (SSOT) ලැයිස්තුවෙන් කියුබාව ඉවත් කිරීම සීමිත තීරණයක් බවයි. කෙසේ වුවද එම තීරණය ලෝක ජනයාගේ ඉල්ලීමට අනුව නිවැරදි දිශානතිය ඔස්සේ කටයුතු කිරීම අගය කරන බවද අවධාරණය කර තිබේ.
කියුබානු විදේශ අමාත්‍යාංශයේ මාධ්‍ය ප්‍රකාශයට අනුව, වොෂින්ටනය ගත් තීරණය නොතකා, කියුබාවට එරෙහිව අසාධාරණ සහ සාපරාධී ආර්ථික අවහිරය ධවල මන්දිරය තවමත් පවත්වාගෙන යන අතර එය කියුබානු ජනතාවට දුක් වේදනා ඇති කරනු ලබයි.
කියුබානු විදේශ අමාත්‍යාංශය නිකුත් කළ සම්පූරණ මාධ්‍ය නිවේදනය...
2025 ජනවාරි 14 වන දින, එක්සත් ජනපද රජය පහත තීරණ ප්‍රකාශයට පත් කළේය:
1. ත්‍රස්තවාදයට අනුග්‍රහය දක්වන බවට චෝදනා ලබන රටවල් ලැයිස්තුවෙන් කියුබාව ඉවත් කරනු ලබන්නේය;
2. හෙල්ම්ස්-බර්ටන් පනතේ III වන මාතෘකාව යටතේ ගොනු කළ හැකි නඩු සම්බන්ධයෙන් එක්සත් ජනපද අධිකරණ ක්‍රියාමාර්ග ගැනීම වැළැක්වීම සඳහා ජනාධිපතිගේ අධිකාරිත්වය භාවිතා කරනු ලබන්නේය; සහ
3. එක්සත් ජනපද පුරවැසියන්ට සහ ආයතනවලට මූල්‍ය ගනුදෙනු කිරීමට අවසර නොමැති ආයතන සමූහය තුළ නම් කරන ලද සීමිත කියුබානු ආයතන ලැයිස්තුව ඉවත් කරනු ලබන්නේය. මක් නිසාද අයත් එම තීරණය තුන්වන පාර්ශවයේ රටවලට බලපෑමක් ඇති කර ඇති බව හඳුනාගෙන ඇත.
ප්‍රකාශයට පත්කරන ලද තීරණය සීමිත විෂය පථයක්වට ගොනුවී තිබුණද මෙම තීරණය නිවැරදි දිශාවට යොමු කරන තීරණයක් වන අතර එය කියුබාවේ රජය සහ ජනතාව විසින් කරන ලද තිරසාර හා ස්ථිර ඉල්ලීමට මෙන්ම බොහෝ රජයන්, විශේෂයෙන් ලතින් ඇමරිකාවේ සහ කැරිබියන් කලාපයේ රාජ්‍යන්; විදේශයන්හි පදිංචි කියුබානුවන්; දේශපාලන, ආගමික සහ සමාජ සංවිධාන සහ එක්සත් ජනපදයේ සහ අනෙකුත් රටවල වෙසෙන බොහෝ දේශපාලන චරිත විසින් කරන ලද පුළුල් අවධාරණය සහ නැවත නැවත නැවත කළ අවධාරණය කරමින් කරන ලද ඉල්ලීමට අනුකූල වේ. ඔවුන්ගේ දායකත්වය සහ සංවේදීතාව සඳහා කියුබානු රජය ඔවුන් සැමට සිය කෘතඥතාව පළ කරනු ලබන්නේය.
මෙම තීරණය මගින් කියුබානු ආර්ථිකයට බරපතල ලෙස හානි කරන සහ කියුබානු ජන ජීවිතයේ පැවැත්මට දැඩි බලපෑමක් ඇති කරන නිශ්චිත බලහත්කාර පියවරයන් අවසන් කරනු ලබයි. මෙය කියුබාව සහ එක්සත් ජනපද රජය අතර සිදුවන සියලුම නිල හුවමාරුවලදී සැමවිටම පවතින ගැටලුවක් වන්නේය.
2017 සිට කියුබාවට පනවා ඇති සම්බාධක තවදුරටත් ශක්තිමත් කිරීම සඳහා බලාත්මක කරන ලද ආර්ථික අවහිර කිරීම සහ දස දහස් ගණනක බලහත්කාර පියවරයන්ගෙන් විශාල කොටසක් තවමත් ක්‍රියාත්මක වන බව අවධාරණය කළ යුතුය.එම බාධක මගින් කියුබානු භූමියෙන් සම්පුර්ණයෙන්ම පිටතදී ඇති කරන බලපෑම සහ ජාත්‍යන්තර නීතිය සහ සියලුම කියුබානුවන්ගේ මානව හිමිකම් උල්ලංඝනය කරමින් පවතින බව පෙන්වා දීම වැදගත් කොට සලකමු.
පහත දැක්වෙන්නේ ඉන් උදාහරණ කිහිපයක් පමණි: කියුබාවට ආනයනය කිරීමට නීත්‍යානුකූලව හිමිකම් ඇති ඉන්ධන සැපයුම් නීති විරෝධී හා ආක්‍රමණශීලී ලෙස පීඩා කිරීම දිගටම පවතී. කියුබාව අනෙකුත් රටවල් සමඟ අත්සන් කර ඇති නීත්‍යානුකූල ජාත්‍යන්තර වෛද්‍ය සහයෝගීතා ගිවිසුම් කුරිරු හා විකාර සහගත ලෙස පීඩා කිරීම පවත්වාගෙන යනු ලබන අතර, එමඟින් මිලියන සංඛ්‍යාත පුද්ගලයින්ට සෞඛ්‍ය සේවා අහිමි කිරීමට සහ කියුබාවේ මහජන සෞඛ්‍ය පද්ධතියේ හැකියාව සීමා කිරීමට තර්ජනය කරයි. කියුබාවේ හෝ කියුබාවට සම්බන්ධ විය හැකි ඕනෑම රටකට අයත් ජාතිකයෙකුගේ ජාත්‍යන්තර මූල්‍ය ගනුදෙනු තහනම් කිරීම් වලට මෙන්ම පළිගැනීම් වලට යටත් වේ. කියුබානු වරායන් ස්පර්ශ කරන වෙළඳ නාවුක යාත්‍රා තවදුරටත් තර්ජනවලට ලක්වේ.
ඊට අමතරව, එක්සත් ජනපද පුරවැසියන්ට, සමාගම්වලට හෝ එක්සත් ජනපද සංස්ථා වල අනුබද්ධිත සමාගම්වලට කියුබාව හෝ කියුබානු ආයතන සමඟ වෙළඳාම් කිරීමට අවසර ඇත්තේ ඉතා සීමිත සහ නියාමනය කරන ලද ව්‍යතිරේක සහිතවය. කියුබාව සමඟ වෙළඳාම් කිරීමට හෝ කියුබාවේ ආයෝජනය කිරීමට අදහස් කරන ඕනෑම රටක ජාතිකයෙකුට එරෙහිව හිරිහැර කිරීම, බිය ගැන්වීම සහ තර්ජනය කිරීම එක්සත් ජනපදයේ නිල ප්‍රතිපත්තියේ කොටසක් ලෙස දිගටම පවතී. කියුබාව එක්සත් ජනපද රජය විසින් ඔවුන්ගේ පුරවැසියන් සඳහා තහනම් කරන ලද ගමනාන්තයක් ලෙස දිගටම පවතී.
කියුබාවට එරෙහි ආර්ථික යුද්ධය තවමත් ක්‍රියාත්මක වන අතර එය කියුබානු ආර්ථිකයේ සංවර්ධනයට සහ ප්‍රකෘතිමත් වීමට ප්‍රධාන බාධාවක් වන අතර සංවර්ධනය වෙනුවෙන් කියුබානු ජනගහනය ඉහළ මිනිස් පිරිවැයක් දරනු ලබයි. එලෙසම කියුබානුවන්ට සංක්‍රමණය සඳහා වන දිරිගැන්වීම දිගටම පවතී.
එක්සත් ජනපදය විසින් අද ප්‍රකාශයට පත් කරන ලද තීරණය, කුරිරු සහ අසාධාරණ ප්‍රතිපත්තියක සමහර අංග ඉතා සීමිත ආකාරයකින් නිවැරදි කරනු ලබයි. මෙය වත්මනෙහි හඳුන්වා දෙන නිවැරදි කිරීමකි. නමුත් නිසි ලෙස ක්‍රියා කිරීමට සැබෑ අභිප්‍රායක් තිබුනේ නම් මෙම නිවැරදි කිරීම කියුබානු ජනසමාජය අක්‍රිය වීම සාධාරණීකරණය කිරීමට ගොතන ලද කඩතුරාවකට මුවා වී ඉදිරිපත් කරන හේතු වලින් තොරව වසර ගණනාවකට පෙර ක්‍රියාත්මක විය යුතුව තිබිණි. සත්‍යය හඳුනා ගැනීම, ත්‍රස්තවාදයට අනුග්‍රහය දක්වන බවට නම් කිරීම සඳහා හේතු නොමැති වීම සහ ත්‍රස්තවාදයට එරෙහිව සටන් කිරීමේදී අපේ රටේ ආදර්ශමත් ක්‍රියාකාරිත්වය එක්සත් ජනපද රජයේ ආයතන කිහිපයක් පවා පිළිගෙන ඇති නිසාම අත්තනෝමතික ත්‍රස්තවාදයට අනුග්‍රහය දක්වන රාජ්‍යයන්ගේ ලැයිස්තුවට කියුබාව ඇතුලත් කිරීම ඉවත් කිරීමට තරම් ප්‍රමාණවත් විය යුතුව තිබුණි.
අතීතයේ දී සිදු වූවාක් මෙන්, අද දින අනුගමනය කර ඇති පියවර අනාගතයේදී එම රටේ රජයට ආපසු හැරවිය හැකි බවත්, එය කියුබාව කෙරෙහි එක්සත් ජනපදයේ හැසිරීමේ නීත්‍යානුකූලභාවය, ආචාර ධර්ම, අනුකූලතාව සහ තර්කානුකූලභාවය නොමැතිකමේ ප්‍රකාශනයක් බව ප්‍රසිද්ධ කරුණකි.
අද දින අනුගමනය කර ඇති පියවර අනාගතයේදී ආපසු හැරවීම සඳහා, එක්සත් ජනපද දේශපාලනඥයන් සාමාන්‍යයෙන් අවංක සාධාරණ කාරණයක් සොයා ගැනීමට කාලය ගන්නේ නැත. මක් නිසාද යත් එක්සත් ජනපදයේ එවකට නියෝජ්‍ය සහකාර ලේකම් ලෙස්ටර් මැලොරි විසින් 1960 දී කියුබාව සම්බන්ධයෙන් ඉදිරිපත් කරන ලද ආර්ථික වටලෑම, දුක්ඛිතභාවය, කුසගින්න සහ මංමුලා සහගත බව මගින් කියුබානුවන් දණගැස්වීමේ ඔහුගේ ප්‍රකාශිත සිද්ධාන්තය ක්‍රියාත්මක වන තාක් කල් අමෙරිකාවට කියුබාව වටලෑමට සාධාරණ කාලයක් සොයා ගැනීමට කාලය අවශ්‍ය නැත. කියුබාවේ ස්වයං නිර්ණ අයිතිය හඳුනා ගැනීමට හෝ පිළිගැනීමට එම රජයට නොහැකි වන තාක් කල් මෙන්ම කියුබාවට එරෙහි එහි ජන සංහාරක සහ නීති විරෝධී ආර්ථික හුස්ම හිරකිරීමේ ප්‍රතිපත්තිය නිසා ඇති වූ ජාත්‍යන්තර හුදකලාව නිසා ඇති වූ දේශපාලන පිරිවැය ගෙවීමට සූදානම්ව සිටින තාක් කල්, ඔවුන් සාධාරණ කාරණා සොයා ගැනීමට කාලය ගන්නේ නැත.
කියුබාව අමෙරිකානු ආර්ථික යුධ ප්‍රතිපත්තියට, විදේශ මැදිහත්වීම් වැඩසටහන්වලට සහ සෑම වසරකම එක්සත් ජනපද ෆෙඩරල් අයවැයෙන් ඩොලර් මිලියන ගණනක මුදල් යෙදවීමෙන් අරමුදල් සපයා ජනගත කරන වැරදි තොරතුරු සහ අපකීර්තිමත් මෙහෙයුම්වලට මුහුණ දී ඒවා ආපසු හැරවීමට කටයුතු කරනු ඇත.
කෙතරම් වෙනස්කම් තිබියදීත්, දෙරටේ අභ්‍යන්තර කටයුතුවලට මැදිහත් නොවීම සහ සංවාදය මත පදනම්ව, එම රට සමඟ ගෞරවනීය සම්බන්ධතාවයන් වර්ධනය කර ගැනීමට ද කියුබාව දිගටම කටයුතු කරනු ඇත.
සම්බන්ධිත පුවත් | Related News
ප්‍රධාන පුවත්
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..