ත්‍රිකුණාමලය ප්‍රදේශය ජාත්‍යන්තර මට්ටමේ බලශක්ති කේන්ද්‍රස්ථානයක් ලෙස සංවර්ධනය කිරීමේ අරමුණින් එහි පිහිටි තෙල් ටැංකි 29ක් දිගුකාලීන බදු පදනම මත ආයෝජකයන් වෙත ලබා දීමට රජය තීරණය කර තිබේ.

නේපාලයේ ඇති වූ ගංවතුරෙන් අතුරුදන් වූ සංඛ්‍යාව 579ක් දක්වා ඉහළ ගොස් ඇති බව විදෙස් මාධ්‍ය වාර්තා කර තිබේ.

ටිබෙට්-නේපාල දේශසීමා අතර 50,000 ක පිරිසක් සිටින ගම්මානයක සිදුවූ හදිසි නායයෑමකින් සහ ගංවතුරකින් දැනට අට දෙනෙකු මියගොස් ඇති බව නේපාල මාධ්‍ය වාර්තා කරයි.

මහනුවර ඇසළ පෙරහර මංගල්‍යයේ හෙට (27) පැවැත්වෙන අවසන් රන්දෝලි මහ පෙරහර වෙනුවෙන් පොලිසිය විශේෂ ආරක්ෂක වැඩපිළිවෙළක් සහ රථවාහන සැලැස්මක් ක්‍රියාත්මක කර තිබේ.

රාජකාරී වේලාවන් තුළ සමාජ මාධ්‍ය භාවිතය සහ දුම්රිය මෙහෙයුම් කටයුතුවල සංවේදී තොරතුරු සමාජගත වීම වැළැක්වීම සම්බන්ධයෙන් දුම්රිය දෙපාර්තමේන්තුව විශේෂ චක්‍රලේඛයක් නිකුත් කර තිබේ.

බුදුදහමට අනතුරක් කිරීමට නොහැකි නමුත් වර්තමානයේ සැබෑ තර්ජනය එල්ල වී ඇත්තේ සිංහල බෞද්ධ සංස්කෘතියට බව කොළඹ විශ්වවිද්‍යාලයේ මහාචාර්ය ලලිත්සිරි ගුණරුවන් මහතා පවසයි.

රාජ්‍ය බුද්ධි සේවයේ හිටපු අධ්‍යක්ෂ, විශ්‍රාමික මේජර් ජෙනරල් සුරේෂ් සලේ මහතාගේ රැඳවුම් නියෝගය දීර්ඝ කරවීමේ අරමුණෙන් විමර්ශකයින් ඇතුළු පාර්ශ්ව අසත්‍ය කරුණු ඉදිරිපත්කර ඇතැයි දේශප්‍රේමි ජාතික ව්‍යාපාරය පවසයි.

රජය විසින් ඉදිරිපත් කර ඇති නව දූෂණ විරෝධී සංශෝධන පනත් කෙටුම්පත හේතුවෙන් ජනතාවගේ තොරතුරු දැනගැනීමේ සහ ඒවා භාවිත කිරීමේ අයිතියට දැඩි බාධා එල්ල වන බව පවසමින්, නිදහස් හා සාධාරණ මැතිවරණයක් සඳහා වූ ජනතා ක්‍රියාකාරීත්වය (පැෆරල් සංවිධානය) ජනාධිපති අනුර කුමාර දිසානායක මහතා වෙත ලිපියක් යොමු කර තිබේ.

චීන මහජන සමූහාණ්ඩුවේ තානාපති Wei Huaxiang මහතා ජනාධිපති අනුර කුමාර දිසානායක මහතා වෙත ඊයේ (25) දින සිය අක්තපත්‍ර භාර දී තිබුණි.