2023 වසරේදී ඉදිරිපත් කරන ලද අයවැය යෝජනා ඉටුකිරීම අන්ත දුර්වල තත්ත්වයක පවතින බවත් අයවැය යෝජනා අධීක්ෂණය සඳහා කාර්යසාධන බළකායක් ස්ථාපිත කරන බව පැවසුවත් එයද මෙතෙක් පිහිටුවා නැති බවත් විපක්ෂ නායක සජිත් ප්‍රේමදාස මහතා පාර්ලිමේන්තුවේදී පැවසීය.

රාජ්‍ය ඇමතිනී ඩයනා ගමගේ මහත්මියගේ පාර්ලිමේන්තු මන්ත්‍රී ධුරය බලරහිත කිරීමේ නියෝගයක් නිකුත් කරන ලෙස ඉල්ලා ගොනුකෙරුණු පෙත්සම නිෂ්ප්‍රභ කරමින් අභියාචනාධිකරණය දුන් තීන්දුවට එරෙහිව ශ්‍රේෂ්ඨාධිකරණය හමුවේ අභියාචනා පෙත්සමක් ගොනුකර තිබේ.

ක්‍රිකට් කණ්ඩායමේ වෛද්‍යවරුන් අතරින් එක් වෛද්‍යවරයෙකු ලබාදී ඇති ඖෂධවල ප්‍රතිඵලයක් ලෙස ශ්‍රී ලංකා කණ්ඩායමේ ක්‍රීඩකයින් විවිධ ආබාධවලට ලක්වී ඇති බව පාර්ලිමේන්තු මන්ත්‍රී දයාසිරි ජයසේකර මහතා කෝප් කමිටුවේදී හෙළි කර තිබේ.

ශ්‍රී ලංකා ක්‍රිකට් තේරීම් කමිටු සභාපති ප්‍රමෝද්‍ය වික්‍රමසිංහ මහතා සිදුකළ හෙළිදරව්ව්වෙන් පසු මෙරට ක්‍රිකට් රසිකයන් ඒ සම්බන්ධයෙන් ප්‍රතිචාර දක්වමන් පවසන්නේ රටේ ක්‍රිකට් තේරීම් මණ්ඩලයේ ප්‍රධානියා ලෙස ඔහු මෙවැනි දේ පැවසීම ලැජ්ජා සහගත බවයි.

රට තුළ මතු වී තිබෙන ආර්ථික අර්බුදයට හිටපු ජනාධිපති ගෝඨාභය රාජපක්ෂ, හිටපු මුදල් අමාත්‍යවරුන් වන මහින්ද රාජපක්ෂ, බැසිල් රාජපක්ෂ ඇතුළු පිරිසක් වගකිව යුතු බවත්, එම පිරිස මූලික මිනිස් අයිතිවාසිකම් උල්ලංඝනය කර ඇති බවත් ශ්‍රේෂ්ඨාධිකරණය තීන්දු කර තිබේ.

මෙවර අය වැය මගින් රාජ්‍ය වැවිලි සංස්ථාව, ඉඩම් ප්‍රතිසංස්කරණ කොමිෂන් සභාව සහ මහවැලි ව්‍යාපාරය ආදී රාජ්‍ය ආයතන සතු ඉඩම් ලක්ෂ 3ක ප්‍රමාණයක් බහුජාතික සමාගම් වෙත විකුණා දැමීමට යෝජනා කර ඇති බව ජාතික ගොවිජන ව්‍යාපාරයේ කැදවුම්කරු කරුණාතිලක හේරත් මහතා පවසයි.

ආනයන සඳහා පනවන තීරුබදු නොවන සෙසු බදු සියල්ල ඉවත් කිරීම මගින් ආනයන ජාවාරම්කරුවන්ගේ ලාභය වැඩිවන බව සහ දේශීය නිෂ්පාදකයා තවදුරටත් කඩා වැටෙන බව ජාතික සංවිධාන කියයි.

ජාත්‍යන්තර ක්‍රිකට් කවුන්සිලය මගින් ශ්‍රී ලංකා ක්‍රිකට් ආයතනයේ සාමාජිකත්වය අත්හිටුවීමේ සිද්ධිය සම්බන්ධයෙන් අවශ්‍ය තීරණ ගැනීමේ බලය විදේශ අමාත්‍ය අලි සබ්රි මහතාගේ ප්‍රධානත්වයෙන් පත්කළ අමාත්‍ය මණ්ඩල අනු කමිටුවට ලබා දී තිබේ.

ආචාර්ය ගුණදාස අමරසේකර ශූරීන්ගේ 95 වැනි ඡන්ම දිනය නිම්තිකොටගෙන සම්පාදනය කරනු ලැබූ උපහාර ලිපි එකතුව එළිදැක්වීම ඉකුත් 12 වැනි දා ඉරිදා සවස 3:00ට පැපිලියාන සුනේත්‍රාදේවි මහා පිරිවෙන් ශ්‍රවණාගාරයේදී පැවැත්විණි.