පාර්ලිමේන්තු මන්ත්‍රී හේෂා විතානගේ මහතා ඊයේ(17) පාර්ලිමේන්තුවේදී පැවසුවේ කෝප් කමිටුවේ නිලධාරිනියකට එහි හිටපු සභාපතිවරයකු ලිංගික හිංසන කර ඇති බවයි.

ශ්‍රී ලංකා මහ බැංකුවේ පාලක මණ්ඩලයේ සාමාජික ජනාධිපති නීතිඥ සංජීව ජයවර්ධන මහතා එම සාමාජිකත්වයෙන් ඉල්ලා අස්වී ඇතැයි ‘දිවයින' පුවත්පත වාර්තා කරයි.

දේශප්‍රේමී භික්ෂු පෙරමුණ, රුහුණු රට භික්ෂු පෙරමුණ හා චින්තන පර්ෂදයේ සංවිධායකත්වයෙන් ආචාර්ය ගුණදාස අමරසේකරයන්ට උපහාර පිණිස පවත්වනු ලැබූ උත්සවය අද(17) කොළඹ බණ්ඩාරනායක ජාත්‍යන්තර සම්මන්ත්‍රණ ශාලා පරිශ්‍රයේ 'ලෝටස්' ශාලාවේ දී උත්සවාකාරයෙන් පැවැත්විණි.

දයාසිරි ජයසේකර මහතා විසින් ඉදිරිපත් කළ ඉල්ලීමක් බස්නාහිර පළාත් සිවිල් අභියාචනා මහාධිකරණය විසින් අද (17) ප්‍රතික්ෂේප කළේය.

විපක්ෂ නායක සජිත් ප්‍රේමදාස මහතා සඳහන් කරන්නේ ජනාධිපති මාධ්‍ය අංශයේ වැඩ කළ කිහිප දෙනෙක් රටින් පලාගොස් ඇති බවයි.

කථානායක මහින්ද යාපා අබේවර්ධන මහතා පවසන්නේ නැවත දැනුම්දෙන තුරු කෝප් කමිටු රැස්වීම් අත්හිටවූ බවය.

දේවගැති ජෙරම් ප්‍රනාන්දු විදේශගතව සිට මෙරටට පැමිණෙන අවස්ථාවේදී ගුවන්තොටුපොළේදී ඔහුව අත්අඩංගුවට නොගන්නා ලෙස දක්වමින් අභියාචනාධිකරණය විසින් අපරාධ පරීක්ෂණ දෙපාර්තමේන්තුවට නියෝගයක් නිකුත් කර තිබේ.

ආචාර්ය ගුණදාස අමරසේකර ශූරීන් වැනි දේශහිතෛෂී මහා පඬිවරයකුගේ උපන්දිනය වෙනුවෙන් සුබපැතුම් එක්කිරීමට ලැබීම පිළිබඳව බෙහෙවින්ම සතුටුවන බවත්, සිංහල බසට සිංහල සාහිත්‍යයට එතුමා කළ විශිෂ්ඨ සේවය කියා නිමකළ නොහැකි බවත් මහා සිංහලයේ කාශ්‍යප හිමියෝ පවසති.

සාධාරණ සමාජයක් සඳහා වන ජාතික ව්‍යාපාරය පවසන්නේ රජය බදු සහන ලබාදීමට ක්‍රියා කළ යුත්තේ ජනතාවට මිස අයුතු ලෙස මුදල් උපයන ව්‍යාපාරිකයන්ට නොවන බවයි.