මේ වසරේ සැප්තුම්බර් මස 28 හෝ ඔක්තෝබර් මස 5 වැනිදා අනිවාර්යෙන්ම ජනාධිපතිවරණය පැවැත්විය යුතු බවත්, ජනාධිපති රනිල් වික්‍රමසිංහ මහතා අනිවාර්යෙන්ම මේ ජනාධිපතිවරණය පවත්වන බවත් ජාතික ජනබලෙව්ගෙය් නායක අනුර කුමාර දිසානායක මහතා පවසයි.

21 වතාවක් විවිධ ජාතීන් විසින් ආක්‍රමණ දියත්කර අල්ලා ගැනීමට උත්සාහ දැරූ මවුබිම 22 වැනි වතාවට එට්කා ගිවිසුම හරහා ඉන්දියාව විසින් තම ආධිපත්‍යයට නතුකර ගැනීමට සූදානම් බව බවත්, මෙම ගිවිසුම මගින් වෙන කවරදාකටත් වඩා රට බරපතළ අනතුරකට ලක්ව ඇති බවත් පෙන්වා දෙමින් දෙවන පරපුර සංවිධානය දේශපාලන පක්ෂ නායකයන් දැනුවත් කිරීම සඳහා නිවේදනයක් නිකුත්කර තිබේ.

ළමා අපචාර ප්‍රචලිත කිරීම සඳහා අධිකරණ අමාත්‍ය විජේදාස රාජපක්ෂ විසින් ඉදිරිපත් කළ පනත ජාතික සංවිධානවල විරෝධය නිසා මතුවූ ප්‍රබල සමාජ විරෝධය තුළ හකුලා ගැනීමට සිදුවුවද ඔහු විසින් ඉදිරිපත් කළ නිදහසට කරුණු ඉතා බොලඳ සහ වගකීම් විරහිත බවට සමාජයෙන් චෝදනා එල්ල වේ.

තම සේවකයින්ගේ වැටුප් වැඩිකිරීම හේතුවෙන් ඇති වූ අර්බුදකාරී තත්ත්වය හමුවේ තමා මහ බැංකු අධිපති ධුරයෙන් ඉවත් නොවන බව ආචාර්ය නන්දලාල් වීරසිංහ මහතා පවසයි.

කොටුව මහෙස්ත්‍රාත් තිළිණ ගමගේ මහතාව ඝාතනය කිරීමේ උත්සාහයක් සම්බන්ධයෙන් කඩිනම් විමර්ශනයක් සිදුකරන ලෙස මහජන ආරක්ෂක අමාත්‍ය ටිරාන් අලස් මහතා විසින් පොලිස්පති දේශබන්දු තෙන්නකෝන් මහතාට උපදෙස් දී ඇති බව වාර්තා වේ.

ක්‍රොකස් සිටි හෝල් ප්‍රහාරය සිදු කළේ කවුරුන්ද යන්න රුසියාව දන්නා නමුත් නියෝගය ලබා දුන්නේ කවුරුන්ද යන්න පිළිබඳව දැන් විමර්ශනය කරමින් සිටින බව ජනාධිපති ව්ලැඩිමීර් පුටින් ඊයේ (25) ප්‍රකාශ කළේ යුක්රේනය වැරදිකරුවෙකු විය හැකි බව පෙන්වා දෙමිනි.

අධිකරණ කාර්යාලයේ තිබූ නඩු ගොනුවක ලේඛනයක් බලහත්කාරයෙන් උදුරාගෙන එය සපා කා එය විනාශ කළේ යැයි චෝදනා ලබා සිටින කැකිරාව ප්‍රදේශයේ නීතිඥවරියකට නඩු විභාගය අවසන් වන තෙක් නීතිඥ වෘත්තීයේ නිරත වීම තහනම් කරමින් ශ්‍රේෂ්ඨාධිකරණය විසින් නියෝගයක් නිකුත් කර තිබේ.

ශ්‍රී ලංකාවේ පවතින නීති රාමුවට අනුව වයස අවුරුදු 18ට අඩු ඕනෑම අයෙකු සැලකෙන්නේ දරුවෙකු ලෙසයි.

වෛද්‍ය අධ්‍යාපනය පෞද්ගලීකරණය කිරීමට රජය ගන්නා උත්සාහය වහාම හකුලා ගන්නා ලෙස බලකරමින් කරාපිටිය වෛද්‍ය පීඨ සිසුහු අද(26) විරෝධතාවක නිරත විය.