හිටපු පාර්ලිමේන්තු මන්ත්‍රී විමල් වීරවංශ මහතාගේ සහෝදරයෙකු වන සරත් වීරවංශ මහතා පොලිස් මූල්‍ය අපරාධ විමර්ශන කොට්ඨාසය මගින් අත්අඩංගුවට ගෙන තිබේ.

ඉරාන ඉස්ලාමීය විප්ලවවාදී ආරක්ෂක බලකාය නිකුත් කළ නිවේදනයකට අනුව එක්සත් ජනපදය විසින් සටන් විරාමයෙන් පසුව ආරම්භ කරන ලද ආක්‍රමණයට පළිගැනීමක් ලෙස ඊයේ (14 ) බහරේනයේ සහ කුවේටයේ එක්සත් ජනපද හමුදා පහසුකම්වලට එරෙහිවNasr-2මෙහෙයුමේ තුන්වන රැල්ල දියත් කළ බවයි.

මුදල් වංචාවක් සම්බන්ධයෙන් හිටපු අමාත්‍ය එස්.බී.දිසානායක ගේ සහෝදරයා වන හිටපු පළාත් සභා මන්ත්‍රී ජයලත් බණ්ඩාර දිසානායක අත්අඩංගුවට ගෙන තිබේ.

වයස අවුරුදු 16 සහ 17 අතර යෞවනයන් සඳහා රාත්‍රී කාලයේ සමාජ මාධ්‍ය භාවිතය සීමා කරන නව නීතියක් හඳුන්වා දීමට එක්සත් රාජධානියේ රජය තීරණය කර තිබේ.

මීගමුව බන්ධනාගාරයේ ගැටුම සිදුවන අවස්ථාවේ එහි ප්‍රධාන දොර කවුළුවෙන් වෙඩි තැබුවේ යැයි කියන බන්ධනාගර නියාමකවරයා මහනුවර ප්‍රදේශයේ බන්ධනාගාරයක් වෙත තාවකාලිකව ස්ථාන මාරු කර තිබේ.

මධ්‍යම පළාත් ආණ්ඩුකාර මහාචාර්ය සරත් අබේකෝන් මහතා එම ධූරයෙන් ඉල්ලා අස්වීමේ ලිපිය ජනාධිපති අනුර කුමාර දිසානායක මහතා වෙත යොමු කර තිබේ.

ජනතා විමුක්ති පෙරමුණේ නිර්මාතෘ දිවංගත රෝහණ විජේවීර මහතාගේ 83 වන ජන්ම දිනය යෙදී තිබුණු ඊයේ (ජූලි 14) දින ඔහුගේ පුත් උවිඳු විජේවීර මහතා විසින් රූපවාහිනී නාලිකාවක සංවාදයකට එක්වෙමින් සඳහන් කර සිටියේ, තමාගේ පියා වන රෝහණ විජේවීරයන් අද වන විට ජීවතුන් අතර සිටියේ නම් ඔහුගේ වයස අවුරුදු 83ක් වන බවයි.

ශ්‍රී ලංකාවේ යුරෝපා සංගම් (EU) නියෝජිත පිරිස විසින් රුසියාවට එරෙහිව එල්ල කරන චෝදනා සාවද්‍ය සහ නොමඟ යවන සුළු ඒවා බව පවසමින් ශ්‍රී ලංකාවේ රුසියානු තානාපති කාර්යාලය දැඩි විරෝධය පළ කර තිබේ. රුසියාව ගෝලීය වශයෙන් විශ්වාසවන්ත සහකරුවෙකු නොවන බව පෙන්වීමට යුරෝපා සංගමය උත්සාහ කරමින් සිටින බවට රුසියානු තානාපති කාර්යාලය චෝදනා කරයි.

දැනට ක්‍රියාත්මකවන වේගවත් සංවර්ධන ව්‍යාපෘති හේතුවෙන් රට තුළ ඉදිකිරීම් ක්ෂේත්‍රයේ වෘත්තිකයින්ගේ දැඩි හිඟයක් මතුව ඇති බව නියෝජ්‍ය අමාත්‍ය ටී. බී. සරත් පවසයි.