මෙරට සිටින ඊශ්‍රායල ජාතිකයින්යින්ට ප්‍රහාරයක් එල්ල කිරීමට සිටින බවට සැකපිට පුද්ගලයින් දෙදෙනෙකු ත්‍රස්ත විමර්ශන ඒකකය විසින් මේ වන විට අත්අඩංගුවට ගෙන තිබේ.

වර්තමාන රජය තනතුරුවලට නිලධාරීන් පත් කිරීම බොහෝ දෙනාගේ කලකිරීමට හේතු වී ඇති බව ජන අරගල සංන්ධානයේ පොළොන්නරුව දිස්ත්‍රික් කණ්ඩායම් නායක ඉන්ද්‍රානන්ද ද සිල්වා මහතා පවසයි.

ඉදිරි මහ මැතිවරණය සඳහා වන්නි දිස්ත්‍රික්කය භාරදීමෙන් අනතුරු ප්‍රතික්ෂේප කළ ප්‍රජාතන්ත්‍රවාදී ජාතික සන්ධානයේ නාම යෝජනා පත්‍රය තේරීම්භාර නිලධාරීවරයා විසින් භාරගත යුතුව තිබූ බවට ඊයේ දින අධිකරණය විසින් පෙන්වාදීමට අනුකූලව කටයුතු කරන ලෙස ශ්‍රේෂ්ඨාධිකරණය අද(23) මැතිවරණ කොමිසමට නියෝග කළේය.

අද (23) දින අමෙරිකානු තානාපති කාර්යාලය නිකුත්කළ නිවේදනයේ දැක්වුණු ආරුගම්බේ ප්‍රදේශයට ප්‍රහාරයක් එල්ල කිරීමට තිබූ සැලසුම සම්බන්ධයෙන් ශ්‍රී ලංකාවේ ආරක්ෂක අංශ පූර්ණ දැනුවත්වීමකින් සිට ඇති බව වාර්තා වෙයි.

රාජ්‍ය සේවක වැටුප් වැඩි කිරීමට තමා ගත් නීත්‍යානුකූල කැබිනට් තීරණය වහා ක්‍රියාත්මක කළ යුතු බව හිටපු ජනාධිපති රනිල් වික්‍රමසිංහ මහතා පවසයි.

පිවිතුරු හෙළ උරුමය අද කොළඹ පැවැත්වූ මාධ්‍ය හමුවකට එක් වෙමින් හිටපු පාර්ලිමේන්තු මන්ත්‍රී උදය ගම්මන්පිල මහතා පරශන කළේ පාස්කු ප්‍රහාරය සම්බන්ධ විමර්ශන කමිටුවේ වාර්තාව තමන් පිළි නොගන්නා බවට ඇමති විජිත හේරත් මහතා පවසන්නේ එහි සභාපති විනිසුරු වරියට විශමාචාර චෝදනා එල්ල වූ බව පවසමින් නම් ඇය විනිසුරුවරියක ලෙස ලබාදුන් නඩු තීන්දු ප්‍රතික්ෂේප කරන්නේදැයි කියායි.

රට මුහුණදෙන බරපතළ ආර්ථික, දේශපාලනික සහ සමාජීය අර්බුද පිළිබඳව මැතිවරණ වේදිකාවේ ප්‍රතිපත්තිමය බෙදීමක් නොමැති වීම පෙන්වා දෙමින් ජාතික සංවිධාන එකමුතුවෙන් සියලු දේශපාලන පක්ෂ වෙත ලිපියක් යොමුකර තිබේ.

රුසියාවේ ටැටර්ස්ථාන් පළාතේ කසාන් නගරයේ දී රුසියානු ජනාධිපති ව්ලැදිමිර් පුටින්ගේ ප්‍රධානත්වයෙන් බ්‍රික්ස් රාජ්‍ය නායක සමුළුව ඊයේ(22) ඇරැඹිණි.

ගෝඨාභය රාජපක්ෂ මහතා විසින් පාස්කු ප්‍රහාරයේ වින්දිතයන්ට දීර්ඝ කාලීනව යුක්තිය ඉටුකිරීම සඳහා ඉදිරිපත් කළ බව කියන යෝජනා 57 අඩංගු අමාත්‍ය මණ්ඩල පත්‍රිකාව ප්‍රසිද්ධ කරන ලෙස සහ ඒ පිළිබඳව ආණ්ඩුව සහ කාදිනල්තුමා කියන්නේ කුමක් දැයි ලංකා ලීඩර් පාඨකයෝ ප්‍රශ්න කරති.