අධිකරණ නියෝග නොතකා යාපනයේදී විරෝධතාවයක් සංවිධානය කිරීමේ වරදට මල්ලාකම් අධිකරණය හමුවේ හෙට (14) පෙනී සිටින ලෙස දෙමළ ජාතික ජනතා පෙරමුණේ නායක ගජේන්ද්‍රකුමාර් පොන්නම්බලම් මන්ත්‍රීවරයාට සීතාසියක් ඇතැයි වාර්තා‌ වේ.

චීනයේ සිනොපෙක් (Sinopec Fuel Oil Lanka) සමාගම විසින් මෙරට සමුද්‍රීය ඉන්ධන ක්ෂේත්‍රය පරිවර්තනය කිරීමේ පියවරක් ලෙස නැව්වලට ඉන්ධන සැපයීම (bunkering) සඳහා ශ්‍රී ලංකා වෙළෙඳපොළට High Sulfur Fuel Oil (HSFO) හඳුන්වාදෙන බව නිවේදනය කර ඇත.

ශ්‍රී ලංකාව ඇතුළු රටවල් නවයක ආණ්ඩු පෙරළන්න යූඑස්ඒඩ් සංවිධානය මුදල් වියදම් කළ බව හෙළිවීම බෙරුවෙන් සහ වංචාවෙන් ජනතාව රවටා බලයගත් පිරිසට ස්භාවධර්ම දඩුවම් දීමක් යැයි ශ්‍රී ලංකා පොදුජන පෙරමුණේ මහ ලේකම්, නීතිඥ සාගර කාරියවසම් මහතා පැවසීය.

USAID ආයතනය සැමවිටම කියුබානු රජය බිඳ වැට්ටවීමේ අරමුණින් ක්‍රියාතමක කර ඇතැයි කියුබානු විදේශ අමාත්‍ය බෲනෝ රොඩ්රිගස් පවසයි.

එස්. බී. දිසානායක මහතා රූපවාහිනී සංවාදයකට එක් වෙමින් 'නෑ කියන්නේම නෑ " කියන එක පසුගිය කාලයේ සමාජ මාධ්‍ය තුළ වයිරල් වූ බවත් එය අද ආණ්ඩුවේ තියරිය බවට පත්කර ගෙන ඇති බවත් අද (12) පොදුජන පෙරමුණෙ මාධ්‍ය හමුවකට එක් වෙමින් සංජීව එදිරිමාන්න මහතා පැවසීය.

ලස්සන ජීවිතයක් සහ ලස්සන ලෝකයක් නිර්මාණය කිරීමට ලෝකයේ සියලු රටවල් එකට එකතු වන ලෙසට තමා ආයාචනා කරන බව ජනාධිපති අනුර කුමාර දිසානායක මහතා පැවසීය. ලෝක රාජ්‍ය සමුළුව ඊයේ (12දා) ආමන්ත්‍රණය කරමින් හෙතෙම මේ බව සඳහන් කළේය.

“ගොවිතැනේ කූඩිත්තෝ සහ අම්බරුවෝ” නමින් සම්මන්ත්‍රණයක් ගොවි ජාතික සමුළුව විසින් අගුණකොළපැලැස්ස, උස්වැව පිහිටි ගැමිදිරිය ශාලාවේදී අද (12) පැවැත්වීමට නියමිතව තිබුණි. එය ආරම්භ කිරීමට පෙර එතැනට කඩා වැදුණු පිරිසක් බලහත්කාරය යොදවා එය කඩාකප්පල් කරනු ලැබීය.

විවිධ හේතූන් මත ශ්‍රී ලංකා වරාය අධිකාරියට ආසන්න වශයෙන් රුපියල් බිලියන 5 ක ආදායමක් අහිමි වී ඇත. අතුරුදන් වූ හෝ සාවද්‍ය වාර්තා හේතුවෙන් බදුකරුවන් සොයාගැනීමට නොහැකි වීම ඇතුළු ගැටළු ඊට හේතුවී ඇතැයි වාර්තා වේ.

අන්තවාදී තර්ජනයන්ට ලක්ව ඇති යාපනය තිස්ස රජ මහා විහාරය ඇතුලු උතුරේ බෞද්ධ උරුමය සම්බන්ධයෙන් පාර්ලිමේන්තුවේ සහ ඉන් පරිභාහිරව ක්‍රියාත්මකවන අන්තවාදින් සම්බන්ධයෙන් ආණ්ඩුව දක්වන නිහඩ පිළිවෙත පිළිබඳ ගැටළුකාරී තත්වයක් මතුව ඇති බව දේශප්‍රේමී දේශප්‍රේමී ජාතික බලවේගයේ නීතිඥ නුවන් බැල්ලන්තුඩාව මහතා පවසයි.