රාජ්‍ය බුද්ධි සේවයේ හිටපු අධ්‍යක්ෂ සුරේෂ් සලේ ත්‍රස්තවාදය වැළැක්වීමේ පනත යටතේ අත්අඩංගුවට ගෙන රඳවා ගැනීම අභියෝගයට ලක් කරමින් ගොනු කර ඇති පෙත්සමට මැදිහත් වී කරුණු දක්වීම සඳහා ඉදිරිපත් කළ අතරමැදි පෙත්සම නිෂ්ප්‍රභ කරන ලෙස නීතිපතිවරයා අද (අගෝ: 04) අභියාචනාධිකරණයෙන් ඉල්ලා සිටියේ ය.

හිටපු පාර්ලිමේන්තු මන්ත්‍රීවරුන් වන උදය ගම්මන්පිල, විමල් වීරවංශ, සහ අසංක නවරත්න, පාර්ලිමේන්තු මන්ත්‍රී දිලිත් ජයවීර, සුගීෂ්වර බණ්ඩාර, මහින්ද පතිරණ යන පිරිස විසින් අධිකරණයට අපහාස වන අයුරින් මාධ්‍ය වෙත කරන ලද ප්‍රකාශ සම්බන්ධයෙන් අභියාචනාධිකරණයට දැනුම් දීමට තීරණය කරන බව කොළඹ කොටුව මහේස්ත්‍රාත් පසන් අමරසේන මහතා දැනුම් දෙන ලදී.

පසුගිය සති කිහිපය තුළ තමන්ට එරෙහිව එල්ල වී ඇති පදනම් විරහිත පුද්ගලික ප්‍රහාර සහ අසත්‍ය චෝදනා සම්පූර්ණයෙන්ම ප්‍රතික්ෂේප කරන බව ජනාධිපති නීතිඥ රජීව් අමරසූරිය සමාජ මාධ්‍ය සටහනක් තබමින් ප්‍රකාශ කරයි.

මැති ඇමැතිවරුන්ගේ වත්කම් හා බැරකම් ප්‍රකාශ පිළිබඳව මාධ්‍ය ඔස්සේ සාකච්ඡා කිරීම වැළැක්වීම සඳහා ආණ්ඩුව විසින් නව නීති සම්පාදනය කරමින් පවතින බව වරුණ රාජපක්ෂ මහතා පවසයි.

ජනාධිපති ජ්‍යේෂ්ඨ උපදේශක කාර්යාලයට සේවකයන් 4ක් බඳවාගෙන ඔවුන්, පුද්ගලික වැඩවලට යොදාගැනීමේ චෝදනාවකට අදාළව අත්අඩංගුවට ගෙන අධිකරණය ඉදිරිපත් කළ හිටපු අමාත්‍ය අකිල විරාජ් කාරියවසම් මහතා මේ මස 18වැනිදා දක්වා රක්ෂිත බන්ධනාගාර ගතකර තිබේ.

මහ භාණ්ඩාගාරයේ ඩොලර් මිලියන 2.5ක් තුන්වන පාර්ශවයක් අතට පත්වීම සම්බන්ධයෙන් පාර්ලිමේන්තුවේදී අදහස් දක්වමින් අමාත්‍ය වසන්ත සමරසිංහ මහතා පවසන්නේ මෙය අපේ රටට පමණක් වූ දෙයක් නොවන බවත් ලෝකයේ මෙවැනි සිදුවීම් බොහෝ ප්‍රමාණයක් සිදුවන බවත්ය.

ශ්‍රී ලංකාවේ වසරකට ආසන්න වශයෙන් හෙක්ටයාර ලක්ෂ 13ක් පමණ වගාකර මේ වන විට වාර්ෂික නිෂ්පාදනය මෙට්ට්‍රික් ටොන් මිලියන පහක් පමණ වී අස්වැන්නක් ලැබෙන බවත්, මෙයින් 70% පමණ ලැබෙන්නේ මහා වාරි ජලාශ යටතේ සහ මහවැලි කලාප වල වගාකරන කුඹුරු ඉඩම්වලින් බවත් කෘෂිකර්ම ඇමති කේ.ඩී. ලාල් කාන්ත මහතා පවසයි.

හිටපු අමාත්‍ය අකිල විරාජ් කාරියවසම් මහතා අත්අඩංගුවට ගෙන තිබේ.

නව ප්‍රභූ පන්තියේ වත්කම් හෙළිදරව් වීම වැළැක්වීම සඳහා රජය විසින් නව පනතක් ගෙන ඒමට සූදානම් වන බවට සමාජ මාධ්‍ය ඔස්සේ තොරතුරු අනාවරණය කරයි.