"අපේ දේ බලාගන්න අපට පුළුවන්" යැයි පසුගියදා ජාත්‍යන්තරය හමුවේ පාරම්බෑ ජනාධිපති රනිල් වික්‍රමසිංහ මහතා එසේ කරන්නේ අපේ මිල්කෝ සමාගම ඉන්දියාවේ අමූල් සමාගමට විකුණා දමා දැයි ජාතික ගොවි ව්‍යාපාරය ප්‍රශ්න කර සිටියි.

මුලතිව් මහේස්ත්‍රාත් අධිකරණයේ විනිසුරු ආර්. සර්වනරාජා ඉල්ලා අස්වීමට කුරුන්දි විහාරය සම්බන්ධ නඩුවත්, භික්ෂූන් වහන්සේ නමක් හා පාර්ලිමේන්තු මන්ත්‍රීවරයකු සම්බන්ධ බවට සමාජ මාධ්‍යයේ වාර්ථා පළ වූ බවත්, ඇතැම් නීතිඥවරු ඇතුළු අධිකරණ ක්ෂේත්‍රයට සම්බන්ධ නිලධාරින් මෙම සිදුවීම දඩමීමා කරගනිමින් රාජ්‍ය අපහසුතාවට පත්කිරීමට උත්සාහ දරන බවත් ජාතික උරුමය සුරැකීමේ මධ්‍යස්ථානය පවසයි.

ගාසා තීරයේ දී ඊශ්‍රායලයට එල්ල වූ හමාස් ගුවන් ප්‍රහාරවලින් අවම වශයෙන් පලස්තීනුවන් 232ක් පමණ මිය ගොස් ඇති බව වාර්තා වේ.

පවත්නා අයහපත් කාලගුණික තත්ත්වය හේතුවෙන් ගාල්ල සහ මාතර දිස්ත්‍රික්කවල සියලුම පාසල් දින දෙකක් වසා තැබීමට තීරණය කර තිබේ.

ඉදිරියේ දී රාජ්‍ය සේවයේ අත්‍යවශ්‍යම ක්ෂේත්‍රවලට හැර වෙනත් රාජ්‍ය ක්ෂේත්‍රයේ කිසිදු රැකියාවක් සඳහා නව බඳවා ගැනීම් සිදු නොවනු ඇති බව අමාත්‍ය රමේෂ් පතිරණ මහතා පවසයි.

මාතර ග්‍රිඩ් විදුලි උපපොළ අවට ප්‍රදේශයේ ජල මට්ටම තවදුරටත් ඉහළ ගියහොත් ආරක්‍ෂක පියවරක් ලෙස මාතර ග්‍රිඩ් උපපොළෙන් විදුලිය විසන්ධි කරන බව ලංකා විදුලි බල මණ්ඩලය දන්වා ඇතැයි විදුලි බල හා බලශක්ති අමාත්‍ය කංචන විජේසේකර පවසයි.

2022 වසරේ චීනයෙන් අමෙරිකානු ඩොලර් බිලියන 1.5ක ණය මුදලක් ලැබීමට නියමිතව තිබියදී රට බංකොලොත් බවට ප්‍රකාශ කර ණය ගෙවීම පැහැරහැරීම කුමන්ත්‍රණයක් බව හිටපු මහ බැංකු අධිපති අජිත් නිවාඩ් කබ්රාල් මහතා පවසයි.

ඉන්දික තොටවත්ත මහතා පරිගණක අපරාධ අංශයට ගෙන්වාගත් ආකාරය පිළිබඳව කම්පාවන බවත්, ඇස් දෙකම නොපෙනෙන, විශිෂ්ට දාර්ශනික චින්තනයක් සමාජගත කරන ඔහු වැනි පුද්ගලයකු අපහසුතාවට පත්කිරීම නොසුදුසු බවත් පාතේගම ඥානිස්සර හිමියෝ පවසති.

කාලගුණවිද්‍යා දෙපාර්තමේන්තුව විසින් ඉදිරි පැය 24 තුළ බස්නාහිර දකුණ සහ සබරගමුව යන පළාත් සදහා මිලිමීටර් 100 ය ඉක්ම වු වර්ෂාපතනයක් ලැබේ යැයි කාලගුණවිද්‍යා දෙපාර්තමේන්තුව විසින් නිවේදනය කර ඇත.