‍යාපනයේ පිහිටි ඓතිහාසික තිස්ස විහාරස්ථානය ඉවත් කරන ලෙස බල කරමින් ඒ ඉදිරිපිට විරෝධතාවයක් පවත්වා ඇති බව වාර්තා වේ.

පාර්ලිමේන්තුවට ඉදිරිපත් කළ ආර්ථික පරිවර්තනය පිළිබඳ පනත් කෙටුම්පතට එරෙහිව ශ්‍රේෂ්ඨාධිකරණයේ නඩු පැවරීමට ජාතික ජන බලවේගය පක්ෂය තීරණය කර ඇති බව වාර්තා වේ.

පාර්ලිමේන්තුවට ඉදිරිපත් කර ඇති රාජ්‍ය මූල්‍ය කළමාණාකරණ පනත හා ආර්ථික පරිවර්තන පනත යන පනත් දෙක සම්මත වුවහොත් එයින් සිදුවන විනාශකාරී බලපෑම නැවත ගොඩගත නොහැකි විනාශකාරී බලපෑමක් බව ජ්‍යෙෂ්ඨ නීතිඥ කල්‍යානන්ද තිරාණගම මහතා පවසයි.

ශ්‍රී ලංකාවේ මිනිරන් පතල් අත්පත් කර ගැනීම සඳහා ඉන්දියාව ශ්‍රී ලංකාව සමඟ සාකච්ඡා කරමින් සිටින බව ප්‍රෙස් ට්‍රස්ට් ඔෆ් ඉන්දියා(Press Trust of India) වාර්තා කර තිබේ.

අයහපත් කාලගුණ තත්ත්වය හමුවේ ගත වූ පැය 72 ඇතුළත විදුලිය විසන්ධි වීම් ලක්ෂ තුනක් වාර්තා වී ඇතැයි විදුලි බල මණ්ඩලය පවසයි. මෙම කාලය තුළ විදුලි බිඳ වැටීම් තිස් හයදාස් නවසීයක් සම්බන්ධව විදුලි මණ්ඩලයට පැමිණිලි ලැබී ඇති බව වාර්තා වේ.

ඩයනා ගමගේ මන්ත්‍රීවරිය පත් කරන්න අත්සන් කලේත්, මේ පාර්ලිමේන්තුවට එව්වේත්, මැතිවරණ කොමසාරිස්ට නිර්දේශ කලේත් සමගි ජනබලවේගයමයි. ඊට පස්සේ සමගි ජනබලවේගය ඇතිකරගත්තු දේශපාලන පලහිලව්වක් ප්‍රතිඵලයක් විදියට එතුමියට මන්ත්‍රී කම නැතිවෙන්න ඇති හැබැයි ඒ පලහිලව්ව නොවෙන්න ඇය සහ සමගි ජනබලවේගය අතර මේ වගේ ප්‍රශ්නයක් ඇති වෙන්නේ නැති බව ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතා පවසයි.

රට පවතින තත්ත්වය හමුවේ ජනාධිපතිවරණයක් පැවැත්වීමට වඩා වත්මන් ජනාධිපති රනිල් වික්‍රමසිංහ මහතාට තව වසර පහක කාලයක් ජනාධිපතිධුරයේ කටයුතු කිරීමට ජනමත විචාරණයක් පැවැත්වීම වඩාත් යෝග්‍ය යැයි එක්සත් ජාතික පක්ෂ මහ ලේකම් පාලිත රංගෙ බණ්ඩාර මහතා (22දා) පැවසීය.

‍ඉරාන ජනාධිපති ඊබ්‍රාහිම් රයිසි මහතාගේ මරණයට ඇමරිකාව වගකිව යුතු බව ඉරානයේ හිටපු විදේශ අමාත්‍යවරයෙකු වන ජාවාඩ් සරීෆ් විශේෂ ප්‍රකාශයක් නිකුත් කරමින් සදහන් කර ඇත.

විද්‍යාව සහ තාක්ෂණය සමග වේගයෙන් ඉදිරියට යන ලෝකයට මුහුණදීමට සිදුවන ගැටලු සඳහා ථෙරවාද බුදු දහම තුළ විසඳුම් පවතින බව ජනාධිපති රනිල් වික්‍රමසිංහ මහතා පැවසීය.