ඉරානයට එරෙහිව ඇමරිකා එක්සත් ජනපදය සහ ඊශ්‍රායලය විසින් සිදු කරන ලද "නීති විරෝධී සහ ප්‍රකෝපකිරීමකින් තොරව කළ ආක්‍රමණයක්" මෙන්ම එහි ප්‍රතිඵලයක් ලෙස ඇති වූ ජාත්‍යන්තර අර්බුදය තවදුරටත් උත්සන්න වෙමින් සහ තීව්‍ර වෙමින් පැවතීම රුසියානු විදේශ අමාත්‍යාංශය හෙලා දක ඇතැයි වාර්තාවේ.

වත්මන් දේශපාලන ක්ෂේත්‍රයේ ප්‍රබලයින්ගේ වත්කම් හා සිදුවී ඇතැයි පැවසෙන අක්‍රමිකතා සම්බන්ධයෙන් පාර්ලිමේන්තු මන්ත්‍රී චාමර සම්පත් දසනායක මහතා ජන හමුවකදී අදහස් පල කලේය.

මෙම මාසය අවසන් වන විට තමනට නියමිත සේවා ස්ථානවලට වාර්තා නොකරන වෛද්‍යවරුන්ගේ වැටුප් අත්හිටුවීමට තීරණය කර ඇති බව රජය පවසයි.

පවතින බලශක්ති අර්බුදය හමුවේ මෙතෙක් රජය විදුලි කප්පාදුවක් සිදුකර නොමැති බවත් විටින් විට සිදුවන විසන්ධි වීම් විදුලිය බිඳවැටීම් බවත් බලශක්ති අමාත්‍ය කුමාර ජයකොඩි මහතා පැවසීය.

මහජනතාව වෙනුවෙන් විශේෂයෙන් සකස් කරන ලද සහන පැකේජයක් ජනාධිපති අනුර කුමාර දිසානායක මහතා විසින් අද (07) පාර්ලිමේන්තුවට ඉදිරිපත් කරනු ලබන බව සභානායක බිමල් රත්නායක මහතා සභාවට දැනුම් දුන්නේය.

චීන මහජන සමූහාණ්ඩුව කියුබාව සඳහා නව වටයක ආධාර අනුමත කළ අතර එයට විදුලි උපකරණ සහ අනෙකුත් හදිසි අවශ්‍යතා මිලදී ගැනීම සඳහා ඩොලර් මිලියන 80 ක හදිසි මූල්‍ය ආධාර මෙන්ම සහල් ටොන් 60,000 ක පරිත්‍යාගයක් ද ඇතුළත් බව හවානා හි චීන තානාපති හුවා ෂින් අඟහරුවාදා කියුබානු ජනාධිපති මිගෙල් ඩියාස්-කැනල් බර්මුඩෙස් සමඟ පැවති සාකච්ඡාවකදී පැවසුවේය.

විපක්ෂ නායකවරයා පාස්කු ප්‍රහාරය සාධාරණයක් ඉටුවී නැති බව තැන තැන ගොස් පැවසුවද පාස්කු ප්‍රහාරය සිදුවූ සමයේ පල්ලිවල කඩා තබා ගෙන සිටියදී පොලිසිය විසින් අත්අඩංගුවට ගත් පුද්ගලයන් විපක්ෂ නායකවරයාගේ නගර සභා ලැයිස්තුවේ සිටින බව අරගලයේ නියමුවෝ සංවිධානයේ කැඳවුම්කරු ප්‍රදීප් චාල්ස් පවසයි.

ආණ්ඩුවේ කෙනෙකුට වත්කමක් තිබුනොත් ඒක සමාජ ප්‍රාග්ධනයක් විපක්ෂයේ සහ රාජ්‍ය සේවයේ අයට තිබුනොත් ඒක හොරකමක් යැයි ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ මහතා පවසයි.

ත්‍රස්තවාදය වැළැක්වීමේ පනත යටතේ අපරාධ පරීක්ෂණ දෙපාර්තමේන්තුව තමන්ව අත්අඩංගුවට ගෙන රඳවා ගැනීම අභියෝගයට ලක් කරමින් රාජ්‍ය බුද්ධි සේවයේ හිටපු ප්‍රධානී විශ්‍රාමික මේජර් ජෙනරාල් සුරේෂ් සලේ මහතා සිය නීතිඥවරු මාර්ගයෙන් අභියාචනාධිකරණයට රිට් පෙත්සමක් ගොනුකර තිබේ.