ඡන්ද විමසීම සඳහා වන අපේක්ෂකයන්ගේ ඇප තැන්පත් මුදල ඉහළ දැමීමට රජය පියවර ගෙන ඇති බව වාර්තා වේ.

ජනාධිපති රනිල් වික්‍රමසිංහ මහතා ලබන ජනාධිපතිවරණයට අලියා ලකුණින් නොව වෙනත් පොදු ලකුණකින් ඉදිරිපත් වන බව පාර්ලිමේන්තු කටයුතු පිළිබඳ ජනාධිපති උපදේශක ආශු මාරසිංහ මහතා ඊයේ (09දා) පැවසීය.

එළඹෙන ජනාධිපතිවරණයේදී ශ්‍රී ලංකා පොදුජන පෙරමුණේ අපේක්ෂකයා සම්බන්ධයෙන් තීන්දුවක් ගැනීම හා ඒ පිළිබඳව ප්‍රකාශ කිරීමේ වගකීම එම පක්ෂ නායක මහින්ද රාජපක්ෂ මහතාට පවරා ඇති බව වාර්තා වේ.

විෂය භාර අමාත්‍යවරයා ලෙස අග්‍රාමාත්‍යවරයා සහ රාජ්‍ය අමාත්‍යවරයා වෘත්තීය සමිති සමග අවස්ථා කිහිපයක දී සාකච්ඡා කර සේවා ව්‍යවස්ථාව ලබාදෙන බවට ග්‍රාම නිලධාරීන්ට පොරොන්දු වූ බවත්, එහෙත් ස්වා ව්‍යවස්ථාව නොදී කාර්යාල දීමනා සහ ලිපිද්‍රව්‍ය දීමනා වැඩි කර එයට පුළුල් ප්‍රචාරයක් ලබාදුන් බවත්, සමස්ත ලංකා නිදහස් ග්‍රාම නිලධාරී සංගමය චෝදනා නගයි.

අධ්‍යාපන අමාත්‍යාංශය නිවේදනයක් නිකුත් කරමින් පවසන්නේ 2024 වර්ෂයේ පළමු පාසල් වාරයේ පළමු වන අදියර හෙට (10) දිනයෙන් අවසන් කෙරෙන බවයි.

ජෙනරාල් ශ්‍රීමත් ජෝන් කොතලාවල ආරක්ෂක විශ්වවිද්‍යාලයේ වෛද්‍ය විද්‍යා උපාධිය සඳහා ගෙවීමේ පදනම මත දේශීය සිසුන් ඇතුළත් කර ගැනීමට කැබිනට් අනුමැතිය හිමිව තිබේ.

‘හිංසාවාදය අපේ දේශපාලනයේ නැහැ. අවිහිංසාවාදී දේශපාලන ජයග්‍රහණයකට කැපවෙලා ආණ්ඩුව මේ අභියෝගය භාරගත්තා’ යයි අග්‍රාමාත්‍ය දිනේෂ් ගුණවර්ධන මහතා පවසයි.

රට අද බරපතළ සමාජ, ආර්ථික, සංස්කෘතික අර්බුදයක සිරවී සිටින මොහොතක විවිධ දේශපාලන පක්ෂ එයට හේතු වූ කරුණු විධාකාරයෙන් දැක්වුවද, මෙය ආරම්භ වූ සැබෑ හේතු කාරණා සොයා නොගෙන ඊට පිළියම් කළ නොහැකි බව ජාතික නිදහස් පෙරමුණේ ජාතික සංවිධායක, පාර්ලිමේන්තු මන්ත්‍රී ජයන්ත සමරවීර මහතා පවසයි.

ජාතික ජන බලවේගය හා සමගි ජන බලවේගය අතර පැවැත්වීමට බලාපොරොත්තු වන විවාද දෙකෙන් එකක්වත් එළඹෙන අලුත් අවුරුද්දට පෙර නොපැවැත්වෙනු ඇති බව වාර්තා වන අතර, සමගි ජන බලවේග පාර්ලිමේන්තු මන්ත්‍රී මුජිබර් රහුමාන් මහතා සඳහන් කළේ තම පක්‍ෂයේ නායක සජිත් ප්‍රේමදාස මහතා ඕනෑම වෙලාවක විවාදයකට සූදානම් නමුත් ජාතික ජන බලවේග නායකයා මෙතෙක් ඒ සදහා දිනයක් වේලාවක් දැනුම් දී නැති බවයි.