අල්ලස් හෝ දූෂණ විමර්ශන කොමිෂන් සභාව මගින් පවත්වනු ලබන විමර්ශනයකට අදාළව ප්‍රකාශයක් ලබාදීම සඳහා මෙම මස 17 වැනිදා කොමිසම හමුවේ පෙනී සිටින ලෙස හිටපු ජනාධිපති ගෝඨාභය රාජපක්ෂ මහතාට නැවත දැනුම් දී තිබේ.

විදුලිබල හා බලශක්ති ඇමති කුමාර ජයකොඩි ඛනිජතෙල් නීතිගත සංස්ථාවම අවුල් ජාලාවක් බවට පත්කර ඇත්තේ හිත මිත්‍රයන් එම ආයතනයට පත්කිරීමට ගොස් ඇති නිසා බවත්, උදාහරණයක් ලෙස මුතුරාජවෙල තෙල් ගබඩා පර්යන්තයේ පාලනය බාර දී ඇත්තේ තමාගේ යහළුවෙක් වුනු විදුලි ඉංජිනේරුවරයෙකුට බවත් පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ මහතා පවසයි.

ඉරානයට එරෙහිව අමෙරිකාව සහ ඊශ්‍රායලය අනීතික යුද්ධයක් දියත්කර ඇති පසුබිමක ඊශ්‍රායලයට සේවය කිරීම අරමුණුකරගෙන පිහිටවූ සංවිධානවල ඒජන්තයන් කණ්ඩායමක් විසින් ලංකාව තුළ විදේශ ප්‍රතිපත්තිය වෙනස් කිරීමේ අරමුණින් මැදිහත් වීමට ක්‍රියාකරමින් සිටින බවට ශ්‍රී ලංකා හරිත සංවිධානයේ සභාපති සංඛ චන්දිම අභයවර්ධන මහතා චෝදනා කරයි.

නිසි නෛතික පදනමකින් තොරව විනය පරීක්ෂණ පවත්වමින් රාජ්‍ය මුදල් අවභාවිත කිරීමට අනුබල දෙන බවට චෝදනා කරමින්, සෞඛ්‍ය අමාත්‍යාංශයේ ලේකම්වරයා ඇතුළු උසස් නිලධාරීන් සිව්දෙනෙකුට එරෙහිව අල්ලස් හෝ දූෂණ විමර්ශන කොමිෂන් සභාව වෙත ලිඛිත පැමිණිල්ලක් ඉදිරිපත් කර තිබේ.

කොලොම්බියාවේ මාර්තු 08 වැනිදා පැවැති පාර්ලිමේන්තුව මැතිවරණයෙන් ජනාධිපති Gustavo Petroගේ "එයතිහාසික වාමාංශික පෙරමුණ" ආසන 25ක්(22%) ලබා ගනිමින් ජයග්‍රහණය කර ඇතැයි වාර්තා වේ. විශේෂයෙන් එරට කොංග්‍රසයේ ප්‍රමුඛ බලවේගයක් ලෙසත්, සෙනට් සභාවේ 22.73% ක් ද දිනා ගැනීමට වාමාංශික පෙරමුණ සමත් වී ඇතැයි වාර්තා වේ.

ලෝක වෙළෙඳපොළේ සීඝ්‍රෙයන් ඉහළ ගිය බොරතෙල් මිල පහළ වැටී ඇති බව විදෙස් මාධ්‍ය වාර්තා කර තිබේ.

'IRIS DENA' නෞකාවේ සිටියදී අමෙරිකානු ප්‍රහාරයෙන් මියගිය නාවිකයින්ගේ මළ සිරුරු කඩිනමින් ඉරානයට රැගෙන යාමට පියවර ගන්නා බව ඉරාන හමුදාව පවසයි.

ඩොලර් 115 ඉක්මවා ඉහළ ගිය බොරතෙල් බැරලයක මිළ මේ වන විට ඩොලර් 85-90 අතර මිලකට පහත වැටී ඇතැයි වයඹ විශ්වවිද්‍යාලයේ ගණාකාධිකරණ පීඨයේ මහාචාර්ය අමින්ද මෙත්සිල පෙරේරා පවසයි.

මෙරටට මෑතකදී ආනයනය කරන ලද මෙට්‍රික් ටොන් 55,000ක ඉන්ධන තොගය දින හතක් වැනි කෙටි කාලයක් තුළ පාරිභෝගිකයන් විසින් ලබාගෙන අවසන් කර ඇති බව වෙළෙඳ අමාත්‍ය වසන්ත සමරසිංහ මහතා පවසයි.