ඉන්දියානු හින්දු පූජකවරයකු විසින් මෙරට ක්‍රියාත්මක කිරීම සඳහා සැලසුම් කර ඇති ‘රාම ට්‍රේල්’ ව්‍යාපෘතිය සම්බන්ධයෙන් වහාම අවධානය යොමු කර ඒ පිළිබඳව ගත යුතු නිසි පියවර ගන්නා ලෙස ඉල්ලමින් ආචාර්ය ඕමල්පේ සෝභිත හිමියන්, මහනායක හිමිවරුන් වෙත ලිපියක් යොමු කර ඇත.

වෛද්‍යවරුන්ට ලබාදුන් ‘ඩැට්’ දීමනාව (රු. 35,000) තමන්ටද ලබාදී ආර්ථික යුක්තිය ඉටු කරන ලෙස ඉල්ලමින් හෙට (09දා) සිට යළි පළාත් මට්ටමින් සියලු රෝහල් සහ සෞඛ්‍ය ආයතනවල වැඩ වර්ජන ආරම්භ කිරීමට සෞඛ්‍ය වෘත්තීය සමිති සන්ධානය තීරණය කර ඇති බව වාර්තා වේ.

ශ්‍රී ලංකා නිදහස් පක්ෂයේ වැඩබලන සභාපතිවරයා වශයෙන් කටයුතු කිරීම වළක්වාලමින් තමන් වෙත කොළඹ දිසා අධිකරණය විසින් ඉකුත්දා නිකුත් කළ වාරණ නියෝගය ක්‍රියාත්මකවීම අත්හිටුවන අතුරු තහනම් නියෝගයක් නිකුත් කරන ලෙස ඉල්ලා විජයදාස රාජපක්ෂ මහතා විසින් අභියාචනාධිකරණය වෙත ගොනුකර තිබූ පෙත්සම විභාගයට නොගෙන නිෂ්ප්‍රභා කිරීමට ඊයේ නියෝග කළේය.

විස්සයි විස්ස ලෝක කුසල් තරගාවලියට සහභාගි වන ශ්‍රී ලංකා කණ්ඩායමේ නිල අනුග්‍රහයකයා ලෙස ඉන්දීය ප්‍රමුඛ කිරි නිෂ්පාදන සමාගම වන අමුල් පත් කර ඇති බව වාර්තා වේ.

2024 දෙසැම්බර් 15 දක්වා පරාටේ නීතිය තාවකාලිකව අත්හිටුවීම සඳහා වන බැංකු මගින් ප්‍රදානය කරන ලද ණය අය කරගැනීමේ විශේෂ විධිවිධාන සංශෝධන පනත් කෙටුම්පත අද (07) සංශෝධන රහිතව පාර්ලිමේන්තුවේදි සම්මත කෙරුණි.

ගුවන්තොටුපොළට පැමිණීමේ දී වීසා නිකුත් කිරීමේ බලය ඉන්දියානු සම්භවයක් සහිත පෞද්ගලික සමාගමකට පැවරීම නිසා වීසා ගාස්තු ඉහළ යෑම මගින් සංචාරක කර්මාන්තයට පහර වදින බව පවසමින් සංචාරක කටයුතු අමාත්‍ය හරීන් ප්‍රනාන්දු මහතා තම ඉල්ලා අස්වීමේ ලිපිය ජනාධිපතිවරයාට යොමුකළ බවට ලිපියක් අන්තර්ජාලයේ සංසරණය වේ.

රනිල් වික්‍රමසිංහ මහතා සහ ආර්යාව සමග රාත්‍රී භෝජන සංග්‍රහයකට සහභාගිවීමෙන් පසුව අන්තර්ජාලයේ අදහස් දක්වමින් එරික් සොල්හයිම් මහතා සඳහන් කරන්නේ ජනපති රනිල් වැඩේ ගොඩදාන බවය.

අදානි ග්‍රීන් එනර්ජි සමාගම විසින් මන්නාරම සහ පුනරින් ප්‍රදේශවල ස්ථාපනය කෙරෙන සුළං විදුලි බලාගාරවලින් ජනනය කෙරෙන විදුලිය මිලදී ගැනීම සඳහා වූ ටෙන්ඩරයට කැබිනට් මණ්ඩලය අනුමැතිය ලබාදී තිබේ.

අමෙරිකානු සෙනට් සභිකයින් කිහිප දෙනෙකු මහජන විරෝධතා පිළිබඳව තම ගෝලීය භූ දේශපාලන න්‍යයපත්‍රයට අනුව විග්‍රහ කරන ආකාරය ලංකා ලීඩර් පාඨකයකු විසින් අප වෙත එවා ඇත.