ඉරානය, ගල්ෆ් රාජ්‍යයන්, එක්සත් ජනපදය සහ ඊශ්‍රායලය අතර පවතින සියළුම ප්‍රධාන ගැටළු එකවර විසඳීම සඳහා සමබර හා බලාත්මක කළ හැකි එක්සත් ජාතීන්ගේ ආරක්ෂක මණ්ඩල යෝජනාවලි රාමුවක් ඉදිරිපත් කිරීම සම්බන්ධයෙන් ජාත්‍යන්තර ප්‍රතිපත්ති විශ්ලේෂක ආචාර්ය ජගත් චන්ද්‍රවංශ මහතා අදහස් දක්වා තිබේ.

ඇමරිකානු ප්‍රහාරයක් එල්ල වුවහොත් කියුබාව ආරක්ෂා කිරීම සඳහා සමස්ත කියුබානු ජනතාවම බලමුලු ගන්වනු ඇති බව කියුබානු ජනාධිපති මිගෙල් ඩයස්-කැනෙල් රුසියානු මාධ්‍ය ආයතනයක් වන RT වෙත පවසා තිබේ.

හෝමූස් සමුද්‍ර සන්ධිය අද (18) සිට යළිත් වසා තැබීමට පියවරගත් බව ඉරානයේ ඉස්ලාමීය විප්ලවවාදී ආරක්ෂක බළකා (IRGC) මූලස්ථානය පවසයි.

පසුගිය කාලසීමාව තුළ මෙරටට ඉන්ධන ආනයනය කිරීමේදී රුපියල් බිලියන 17.715 ක් හෙවත් ඇමෙරිකානු ඩොලර් මිලියන 56.27 ක දැවැන්ත මූල්‍ය අක්‍රමිකතාවක් සිදුව ඇති බවට චෝදනා කරමින් අල්ලස් හෝ දූෂණ චෝදනා විමර්ශන කොමිසම වෙත විශේෂ පැමිණිල්ලක් ඉදිරිපත් වී තිබේ.

බලශක්ති අමාත්‍ය කුමාර ජයකොඩි සහ බලශක්ති අමාත්‍යංශ ලේකම් මහාචාර්ය උදයංග හේමපාල සිය ධුරවලින් ඉල්ලා අස්වී තිබේ.

ඊශ්‍රායලය විසින් ලෙබනනයේ සටන් විරාමයක් ප්‍රකාශයට පත් කිරීම ඉරානය සාදරයෙන් පිළිගත් අතර, දකුණු ලෙබනනයේ අල්ලා ගත් ප්‍රදේශවලින් ඊශ්‍රායල පාලනය සම්පූර්ණයෙන්ම ඉවත් කර ගැනීම, සියලුම සිරකරුවන් නිදහස් කිරීම සහ අවතැන් වූ පුද්ගලයින් ඔවුන්ගේ නිවෙස්වලට ආපසු යැවීමේ අවශ්‍යතාවය අවධාරණය කළේය.

පසුගිය ආණ්ඩු සමයේ ගෙන ආ නව නීති අනුව වත්කම් බැරකම් ප්‍රකාශය ප්‍රසිද්ධ ලේඛනයක් බවත් අල්ලස් හෝ දූෂණ විමර්ශන කොමිසම එය සිය වෙබ් අඩවිය ඔස්සේ අන්තර්ජාලයට එකතු කරන බවත් හිටපු පාර්ලිමේන්තු මන්ත්‍රී සංජීව එදිරිමාන්න පවසයි.

ඉන්දියන් සාගරය කේන්ද්‍ර කරගනිමින් ශ්‍රී ලංකාවට හිමිවීමට තිබූ ඩොලර් බිලියන 120කට වඩා අධික වටිනාකමකින් යුත් සාගර සම්පත් අයිතිය සම්බන්ධයෙන් මේ වන විට අර්බුදයක් නිර්මාණය වී තිබේ.

කොංග්‍රස් මණ්ඩලයේ අනුමැතියකින් තොරව සහ ජාත්‍යන්තර නීතිය උල්ලංඝනය කරමින් ට්‍රම්ප් පරිපාලනය විසින් ආරම්භ කරන ලද මේ වන විට ගෙවා ඇති ගල්ෆ් කලාපයේ දින 40 ක යුද්ධය, නවීන ඇමරිකානු ඉතිහාසයේ සිදු වූ දරුණුතම මිලිටරි සහ රාජ්‍ය තාන්ත්‍රික අසාර්ථකත්වයන්ගෙන් එකක් ලෙස සනිටුහන් වේ.