කුමන ආකාරයේ "ඓතිහාසික පරස්පරයක්" හෝ අමුතු "තායිවාන නිදහස" පිළිබඳ ආඛ්‍යානය ලායි චිං-ටේ ඉදිරිපත් කළත්, ඔහුට තායිවාන සමුද්‍ර සන්ධියේ දෙපසම එකම චීනයකට අයත් බවත් තායිවාන සමවැසියා තුළ වන මව්බිම පිළිබඳ හැඟීම වෙනස් කළ නොහැකි බවත් තායිවාන කටයුතු කාර්යාලයේ ප්‍රකාශිකාවක වන ෂු ෆෙන්ග්ලියන් ඊයේ(08) ප්‍රකාශ කළාය.

2009 වර්ෂයේ මැයි මාසයේදී යුද්ධය සාර්ථක ලෙස අවසන් කිරීමට ශ්‍රී ලංකාවෙන් වගවීම ඉල්ලා සිටින අය රට තුළ ත්‍රස්තවාදයේ මූලාරම්භය ගැන නිහඬව සිටින බව ගෝලීය ශ්‍රී ලංකා සංසදය පැවසයි. ඊනියා ශ්‍රී ලංකා වගවීමේ ව්‍යාපෘතිය (Sri Lanka Accountability Project -SLAP) සම්බන්ධයෙන් ඉදිරි ක්‍රියාමාර්ග ගන්නා ලෙස ඉල්ලා ගෝලීය ද්‍රවිඩ සංසදය (GTF) විසින් නිකුත් කරන ලද නවතම ප්‍රකාශය, ඉන්දියානු හමුදාව විසින් 1987 ජූලි මස සිට 1990 මාර්තු මස දක්වා සිදු කරන ලද ඝාතන, විනාශයන් සහ අතුරුදහන් කිරීම් මෙන්ම එල්.ටී.ටී.ඊ. ඇතුළු ත්‍රස්තවාදී කණ්ඩායම් දුසිම් භාගයකට අධික සංඛ්‍යාවකින් තිස් අවුරුදු යුධ සමයේදී සිදු කරන ලද ඝාතන, විනාශයන් සහ අතුරුදහන් කිරීම් ඉතා පහසුවෙන් අමතක කර ඇතැයී ගෝලීය ශ්‍රී ලාංකික සංසදය වැඩිදුරටත් අවධාරණය කරයි.

රුසියානු භූමියේ ඇතුලාන්තය ඉලක්ක කර මිසයිල් ප්‍රහාර එල්ල කිරීමට බටහිරින් සැපයෙන දිගු දුර මිසයිල භාවිතා කිරීමට යුක්රේනයට අවසර ලැබුණහොත් මොස්කව් ජනාධිපති ව්ලැඩිමීර් පුටින් විසින් මේ වන විට ගෙනහැර දක්වන ලද “අනපේක්ෂිත සැලැස්ම” ක්‍රියාත්මක කරනු ඇතැයි විදේශ අමාත්‍ය සර්ජි ලැව්රොව් අනතුරු ඇඟවූ බව රුසියානු මාධ්‍ය පවසයි. මේ සම්බන්ධයෙන් මීට පෙර අදහස් දැක්වූ රුසියානු ජනාධිපති ව්ලැඩිමීර් පුටින් පවසා සිටියේ එවැනි ඕනෑම ප්‍රහාරයක් ආයුධ ලබා දුන් රටවල සෘජු ප්‍රහාරයක් ලෙස මොස්කව් පරිපාලනය සලකන බවයි.

IMFනියෝජිතයින් සමග පසුගියදා පැවැත්වුයේ සංකල්පමය සාකච්ඡාවක් පමණක් බවත් ව්‍යුහාත්මක වෙනස්වීමක් සම්බන්ධයෙන් සාකච්ඡා කර තීන්දු තීරණ නොගත් බවත් කැබිනට් ප්‍රකාශක අමාත්‍ය විජිත හේරත් මහතා පවසයි.‍

ඉන්දු-ලංකා ගිවිසුම කාලයේ සිටම බෙදුම්වාදී බලවේග වෙනුවෙන් පෙනීසිටි රාජ්‍ය නොවන සංවිධාන ප්‍රබලයකු වූ ජෙහාන් පෙරේරා නමැත්තා ජනප්‍රිය පුවත්පතකට ලිපියක් සපයමින් සඳහන් කරන්නේ ජවිපෙ වෙනස් වීම ඔවුන්ගේ ජයග්‍රහණයකට හේතුවූ බවත්, එම වෙනස තමා අගය කරන බවත් ය.

ලංකාව තුළ හොරකම, වංචාව මුල් බැසගෙන ඇත්තේ දේශපාලනඥයන් පමණක් නොව ජාලයක් ලෙසින් බවත්, එම ජාලයට දේශපාලන අනුග්‍රහය සපයන්නේ දේශපාලනඥයන් බවත් පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ මහතා පවසයි.

පාර්ලිමේන්තු මැතිවරණයට තරග කරන ප්‍රධාන දේශපාලන පක්ෂ හා සන්ධාන නාම යෝජනා භාරදීම අද (9දා) සිට ආරම්භ කරයි.

ශ්‍රී ලංකාවේ නව රජය, ඉන්දීය අදානි සමූහ ව්‍යාපාරය සමඟ සුලං බලශක්ති ගිවිසුම නැවත සමාලෝචනය කරන බව ප්‍රකාශ කර ඇති අතර, එය විදේශයන්හි තම ව්‍යාපාර ව්‍යාප්ත කිරීමට උත්සාහ කරන අදානි සමූහ ව්‍යාපාරයට නව බාධාවක් එල්ල කර ඇති බවත් වාර්තා වේ.

එක්සත් ජාතීන්ගේ මානව හිමිකම් කවුන්සිලයේ වත්මන් සැසියේ දී යෝජිත යෝජනා කෙටුම්පත ශ්‍රී ලංකාව තරයේ ප්‍රතික්ෂේප කරන බව හා යාන්ත්‍රණයේ බලතල දීර්ඝ කරන කිසිඳු යෝජනාවකට එකඟ නොවීමට කැබිනට් අනුමැතිය හිමිවූ බවත් කැබිනට් මාධ්‍ය ප්‍රකාශක අමාත්‍ය විජිත හේරත් මහතා පවසයි.