රජයේ සේවකයන්ගේ වැටුප් වැඩි කිරීමට මුදල් නැතැයි කියන ජනාධිපතිවරයා රාජ්‍ය සේවයේම එක් කණ්ඩායමකට දිමනාවක් ලබාදීමෙන් රාජ්‍ය සේවයේ ගැටුම් ඇති කරමින් සිටින බව ජාතික ජන බලවේගයේ ජාතික විධායක සභික හිටපු පාර්ලිමේන්තු මන්ත‍්‍රී වසන්ත සමරසිංහ මහතා පවසයි.

යහපාලන රජය 2015 -2019 කාලයේ දී රටේ ඒකීයභාවය වෙනුවෙනුවෙන් කැපවූ රණවිරුවන් පාවාදීම සඳහා මෙන්ම, රටේ ඒකීයභාවය සහ ජාත්‍යන්තර ස්වාධිපත්‍ය බිඳදැමීමට කටයුතු කරද්දී ගෝලීය ශ්‍රී ලාංකික සංසදය එයට එරෙහිව නැගීසිටි බවත්, 2015 සිට මෙරට රණවිරුවන්ට විරුද්ධව ජිනීවාහිදී පැනනැගුන ප්‍රශ්නවලට වැඩි මැදිහත්වීමක් කිරීමට ගෝලීය ශ්‍රී ලාංකික සංසදය කැපවූ බවත් ගෝලීය ශ්‍රී ලාංකික සංසදයේ ශ්‍රී ලංකාවේ නිත්‍ය නියෝජිත, දේශප්‍රේමී ජාතික පෙරමුණේ මධ්‍යම මණ්ඩල සභික නීතිඥ නුවන් බැල්ලන්තුඩාව මහතා පවසයි.

රාජපක්ෂ - රනිල් දූෂිත හවුල විසින් මෙරට මැතිවරණ සිතියම හැකිළීමට දැඩි උත්සාහයක් දරන බවත්, එයට කිසි ලෙසකින්වත් ඉඩ තැබිය යුතු නැති බවත් දෙවන පරපුර දේශපාලන ව්‍යාපාරයේ නායක උවිඳු විජේවීර මහතා පවසයි.

විදේශ අධිකරණයකදී දෙන ලබන තීන්දු මෙරට ක්‍රියාත්මක කිරීම පිළිබඳව ජනාධිපති රනිල් වික්‍රමසිංහ මහතා නව පනතක් ගෙනවිත් ඇති බවත්, 2015 දී ද රනිල් - මෛත්‍රී යහපාලන ආණ්ඩුව විසින් ජිනීවාවලදී ඇතිකර ගත් එකඟතා අනුව මෙරට රණවිරුවන්ට විදේශවල අඩන්තේට්ටම් වලට යටත් වීමට සිදුවූ බවත් ගෝලීය ශ්‍රී ලාංකික සංසදයේ විධායක ලේකම් යසස් ධර්මදාස මහතා පවසයි.

ශ්‍රී ලංකා ආගමන සහ විගමන දෙපාර්තමේන්තුව සහ ආයතන සමූහය අතර මාර්ගගත ආකාරයෙන් වීසා සහ විදෙස් ගමන් බලපත්‍ර අයදුම් කිරීමේ සේවා බැහැරින් ලබාගැනීම පිළිබඳ මුදල් කාරක සභාවේ වාර්තාව අද (12) පාර්ලිමේන්තුවට ඉදිරිපත් කරමින් එම කාරක සභාවේ සභාපති ආචාර්ය හර්ෂ ද සිල්වා මහතා පැවසුවේ අභියෝග රැසක් මැද මෙම වාර්තාව ඉදිරිපත් කරන බවයි.

උමතු දේශපාලන විද්‍යාඥ එම්මානුවෙල් මැක්‍රොන්ගේ කුඩා අත්හදාබැලීමක් ඔහුගේ මුහුණ ඉදිරියේදීම පුපුරා ගියේය. මැක්‍රොන්ගේ රසායනාගාර සහකරු ප්‍රංශ වාමාංශික නායකයාගේ ඉල්ලීම්වලට අනුකූල වීමට මැක්‍රොන් අපොහොසත් වන්නේ නම් ඉල්ලා අස්වන ලෙස දැනටමත් දන්වා යවා ඇත. මැක්‍රොන් දැන් සිටින්නේ ඔහු විසින්ම නිර්මානය කරගත් ප්‍රාණ ඇපකරු තත්වයකය.

ආණ්ඩුක්‍රම ව්‍යවස්ථාවේ 19 වන සංශෝධනය විධිමත් ආකාරයෙන් සම්මත වී නොමැති නිසා එය ජනමතවිචාරණයකට යොමු කර ඉන් අනුමැතිය ලබාගන්නා තුරු ඉදිරි ජනාධිපතිවරණයක් පැවැත්වීම තුළින් ආණ්ඩුක්‍රම ව්‍යවස්ථාව උල්ලංඝනය වන බවට තීන්දුවක් ලබා දෙන ලෙස ඉල්ලා ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනු කර තිබේ.

ජනතා සහභාගිත්වයෙන් සකස්වන මැතිවරණ ප්‍රකාශනයක් ඉතිහාසයේ පළමු වතාවට ‘සර්වජන බලය’ විසින් ඉදිරිපත් කරන බව ‘සර්වජන බලය’ විධායක සභික, පිවිතුරු හෙළ උරුමය නායක නීතිඥ උදය ගම්මන්පිල මහතා පවසයි.

මීළඟ ජනාධිපතිවරණය පැවැත්විය යුතු නිසි කාලය සම්බන්ධයෙන් අද (11දා) විවාදයක් පැවැත්වීමට පාර්ලිමේන්තු කටයුතු පිළිබඳ කාරක සභාවේදී තීරණය වී ඇත.