ඉතිහාසයේ ප්‍රථම වතාවට ප්‍රකාශිත අධ්‍යාපන සුදුසුකම් ඔප්පු කරන ලෙස ඉල්ලා බල කිරීම මත රටේ කතානායකවරයාට ඉල්ලා අස්වීමට සිදුවීම පිළිබඳව පළවන විවිධ මතවාද වලට ලංකා ලීඩර් ඉඩ ලබා දී ඇත. මේ දේශහිතෛෂී ජාතික ව්‍යාපාරයේ ලේකම් වෛද්‍ය වසන්ත බණ්ඩාර මහතා දැක්වූ අදහස් ඔහුගේ වචනයෙන් '' මෙතන පැතිකඩ කීපයකින් බැලිය යුතු තත්ත්වයක් තියෙනවා. පළමුවෙන්ම මේ ආණ්ඩුව බලයට ඒමට පෙර පැවති ආණ්ඩු විසින් නිර්මාණය කළ අර්බුද දැන් වර්ධනය වෙමින් පවතින තත්ත්වයක් තුළ විපක්ෂ බලවේග ඊට සාපේක්ෂව ආණ්ඩුවේ විසඳුම් මොනවාද යන සංවාදය ඉහළට ගැනීම වෙනුවට කතානායකවරයාගේ අධ්‍යාපන සුදුසුකම් පිළිබඳ ප්‍රශ්නය මහා ජාතික ප්‍රශ්නයක් බවට පත් කලා. ඒ මගින් යම් ප්‍රතිශතයකට ඔවුන් වගකිවයුතු අර්බුද සහ අභියෝග පිළිබඳ සංවාදය යටපත් කිරීමට සහ ඊට ඔවුන් සතුව පිළිතුරු නොමැති බව සැඟවීමට ඔවුන් උත්සාහ කරනවා. අනෙක් පැත්තෙන් කතානායකතුමාට විරුද්ධව ඊනියා සුදුසුකම් ප්‍රශ්නය පළමුවෙන්ම මතු කරන්නේ සහ සමාජ මාධ්‍ය ජාල වල ප්‍රචාරය කිරීමට මුල් වන්නේ ඓතිහාසිකව ප්‍රබල ජ.වි.පෙ විරෝධීන ලෙස කටයුතු කළ සහ පසුව ජාතික ජනබලවේගයට රිංගා ගත් නිර්මාල් දේව සිරිලා සහ මහින්ද දේශප්‍රිය වැනි අයයි. කථානායක තනතුර ජවිපෙ අතීත උරුමය මත ශක්තිමත්ව දෙපා තබාගෙන සිටින පුද්ගලයෙකු විසින් දැරීම ඔහුන්ගේ අනාගත සැලසුම් වලට අවුලක් ලෙස සැලකීම පුදුමයට කාරණයක් නොවේ. මම පුද්ගලිකව ඉතා ගරු කරන පුද්ගලයෙකු වන කතානායකවරයා ජවිපෙ දේශපාලනය තුළ අවංකව කැපවීමෙන් යුක්තව තම වගකීම් ඉටුකළ අයකු ලෙස කැපී පෙනෙන පුද්ගලයෙක්. ඒ නිසාම ජාතික ජන බලවේගයේ යම් පිරිස් වලට ඔහු ඉවත් කර ගැනීමේ උවමනාවක් ඇතිවිය හැකියි. කතානායකවරයෙකුට ආචාර්ය උපාධියක් තිබිය යුතු යැයි ලෝකයේ කිසිදු රටක සම්මතයක් හෝ සුදුසුකම් පැනවීමක් සිදු කර නැහැ. එතුමා හොර සහතිකයක් ඉදිරිපත් කර නැහැ. නැති වූ සහතිකය නැවත ලබා ගන්න කාලයක් යනවා නම් එම කාලය ඔහුට ලබා නොදී දිගින් දිගටම බලපෑම් කිරීම දුෂ්ට ක්‍රියාවක් වගේම එතුමාගේ ඉල්ලා අස්වීමත් වැරදි පූර්වාදර්ශයක් බවයි අපගේ කියවා ගැනීම. අවසාන වශයෙන් ජාතික ජන බලවේගය විසින් දේශපාලන නායකත්වය සඳහා ආචාර්ය උපාධිය හෝ මහාචාර්ය තනතුරු අවශ්‍ය බවට ව්‍යාජ මතයක් ජනගත කළා. ඒ මගින් රට වෙනුවෙන් තම අධ්‍යාපනය (සහතික සඳහා වන අධ්‍යාපනය) කැපකළ එහෙත් දැනුම සහ අත්දැකීම් පවා පුුද්ගලයින්ගේ භූමිකාව අවතක්සේරු කළා.

පේරාදෙණිය විශ්වවිද්‍යාලයේ මානව ශාස්ත්‍ර සහ සමාජ විද්‍යා පශ්චාත් උපාධි අංශයේ අධ්‍යක්ෂ සහ ආර්ථික විද්‍යාව පිළිබඳ මහාචාර්ය වසන්ත අතුකෝරල මහතා පවසන්නේ වර්තමානය වනවිට ස්ථාවර තැන්පතු සඳහා බැංකු පොලී අනුපාතිකය 7% හෝ 8% දක්වා පහළ යෑම හේතුවෙන් මෙරට වැඩිහිටි ප්‍රජාව දැඩි අපහසුතාවට පත්ව ඇති බවයි.

අධ්‍යාපන සුදුසුකම් සම්බන්ධයෙන් නියෝජ්‍ය කතානායක රිස්වි සාලි සාලි මහතා ද වග උත්තරකරුවෙකු බව පැවසේ.

රංවලගේ ඉල්ලා අස්වීම සිදු වූයේ විරුද්ධ පක්ෂය විශ්වාසභංග යෝජනාවක් ගෙන ඒමට හදිස්සි වූ නිසා බව පැහැදිලිය. 17 වැනිදා ප්‍රකාශයක් කරන බවට කියා තිබියදී අද(14) හදිසියේ ඉල්ලා අස්වීම අස්වාභාවිකය. නමුත් මෙම සිදුවීමෙන් අපට ඉතා වැදගත් කරුණු කිහිපයක් කියවා ගත හැකිය.

සෞඛ්‍ය හා ජනමාධ්‍ය අමාත්‍ය කැබිනට් ප්‍රකාශක නලින්ද ජයතිස්ස මහතා පවසන්නේ අශෝක රන්වල මහතා කථානායක ධුරයෙන් ඉල්ලා අස්වුනත් ඔහුගේ අධ්‍යාපන සුදුසුකම් දින කිහිපයක් ඇතුළත ඉදිරිපත් කරනු ඇති බවයි.

දැනට මෙරටට ආනයනය කර ඇති මෙට්‍රික් ටොන් 2400ක් පමණ වන සහල් ප්‍රමානයෙන් කිලෝ ග්‍රෑම් 75,000ක් පමණ මිනිස් පරිභෝජනයට නුසුදුසු සහල් යැයිසෞඛ්‍ය අංශ විසින් හෙලි කරගෙන ඇතැයි පුවත් වාර්තා පවසයි.

වසර කිහිපයක් තිස්සේ පැවැති අවිනිශ්චිතභාවයෙන් පිරුණු කාලපරිච්ඡේදයකින් පසුව, නේපාලය සහ චීනය, බීජිං ඉදිරිපත් කරන අනෙකුත් ලෝකය සමඟ සම්බන්ධ කරන නව වෙළඳ මාර්ග සංවර්ධනය කිරීමේ මහා සැලැස්ම වන තීරය සහ මාර්ග මුලපිරීම (BRI) ව්‍යාපෘතිය යටතේ සහයෝගීතාව පිළිබඳ "රාමු සැකිල්ල" පිළිබඳ ගිවිසුමක් අත්සන් කිරීමට කටයුතු කර ඇත. නේපාල අගමැති කේපී ෂර්මා ඔලි මේ මස මුලදී කළ බීජිං සංචාරය අතරතුරදී මෙලෙස අත්සන් තැබීමේ කටයුතු සම්පූර්ණ කර ඇත.

හෙට(15) සිට ලබන 17 දක්වා ජනාධිපති කුමාර දිසානායක මහතා ඉන්දියාවේ සංචාරයක නිරත වීමට නියමිත බව විදේශ කටයුතු අමාත්‍යංශය පවසයි. ඉන්දීය ජනාධිපතිවරයාගේ ආරාධනයක් මත මෙම සංචාරය සැලසුම් කර ඇති බවද විදේශ කටයුතු අමාත්‍යංශය පවසයි.

පසුගිය 12 වනදා රුසියානු රජයේ ප්‍රදානයක් ලෙස ලැබෙන පොටෑසියම් ක්ලෝරයිඩ් මෙට්‍රික් ටොන් 55,000 ක් භාරදීමේ උත්සවය කොළඹ වරාය භූමියේදී පැවැත්විණි. මෙම පොහොර තොගය 2022 වසරේ මුල් භාගයේ දි ශ්‍රී ලංකාවට ලැබීමට නියමිතව තිබුණද බටහිර රටවල් වෙතින් රුසියාවට පැනවූ නීතිවිරෝධී සහ අනවශ්‍ය සම්බාධක හේතුවෙන් ලැට්වියාවේ රීගා වරායේ සිරවී තිබුණි. ශ්‍රී ලංකාව්ට ප්‍රදානය කිරීමට නියමිතව තිබූ පොහොර තොගයට අමතරව වෙනත් පොහොර අව්ශ්‍යතාවය තිබෙන දිළිඳු රටවලට යැවීමට තිබූ පොහොර මෙට්‍රික් ටොන් 260,000කට අධික ප්‍රමාණයක් ද ලැටිවියාවේ රිගා වරායේ සිරවී තිබුණි.