සමාජ ක්‍රියාකාරී ඕෂල හේරත් මහතා සිය ෆේස් බුක් ගිණුමේ සටහනක් තබමින් පැවැති පාර්ලිමේන්තුව විසුරුවා හැර මහ මැතිවරණය කැඳවීම සඳහා නිකුත් කර ඇති ගැසට් පත්‍රය පනතට පටහැනි බව පවසයි. ඒ අනුව ඊට එරෙහිව කිසිවෙකු අධිකරණ ගියහොත් ගැසට් පත්‍රය අවලංගු කර නැවත පැවති පාර්ලිමේන්තුව කැඳවීමට ඉඩක් ඇතැයිද ඔහු පවසා සිටියි.

පසුගිය රජයේ ප්‍රතිපත්තිමය තීරණය මත රාජ්‍යය සතු ව්‍යවසායන් ප්‍රතිව්‍යුහගත කිරීම සම්බන්ධයෙන් වන තීරණය මහ මැතිවරණය අවසන් වන තෙක් නව රජය විසින් අත්හිටුවා ඇති බව වාර්තා වේ. පසුගිය රජය විසින් රාජ්‍ය ව්‍යවසාය ප්‍රතිව්‍යූහ ගත කිරීමේ අංශයක් පිහිටුවනු ලැබු අතර ඒ යටතේ ජ්‍ය ව්‍යාපාර 130ක් ප්‍රතිව්‍යුහගත කිරීමට ලැයිස්තුගත කරනු ලැබීය.

පසුගියදා වත්මන් ශ්‍රී ලංකා නීතිඥ සම්මේලනයේ සභාපති, ජනාධිපති නීතිඥ, අනුර මැදගොඩ මහතා පවසා තිබුණේ යුද අපරාධ පිළිබඳව පරීක්ෂණ සිදු නොකළහොත් දේශපාලන නායකයින්ට පවා ගමන් සීමාකිරීම් පැනවිය හැකි බවයි.

මේ මස අගදී වොෂින්ටනයේ පැවැත්වෙන අන්තර්ජාතික මූල්‍ය අරමුදලේ සහ ලෝක බැංකු කණ්ඩායම් වාර්ෂික රැස්වීම්වලදී අන්තර්ජාතික මූල්‍ය අරමුදල සමඟ ඇමරිකානු ඩොලර් බිලියන 2.9ක ඇපදීමේ වැඩසටහන පිළිබඳ සාකච්ඡා නැවත ආරම්භ කිරීමට ශ්‍රී ලංකාව සූදානම් වේ.

මෙරට පාර්ලිමේන්තුව හා පවත්නා ක්‍රමයේ වෙනසක් සිදුවිය යුතු බවත්, ජනතාව පසුගිය කාලය පුරාවටම මෙරට පාර්ලිමේන්තුව, නායකත්වය සහ ආණ්ඩු වෙනස් කළ ද ජනතා අභිලාශයන් ඉටු නොවූ බවත් දෙවන පරපුර දේශපාලන ව්‍යාපාරයේ නායක උවිඳු විජේවීර මහතා පවසයි.

ලෝක බැංකුව නිකුත් කළ ‘ශ්‍රී ලංකා සංවර්ධන ඇගයුම’ නම් නවතම වාර්තාවේ දක්වා ඇත්තේ ආර්ථික ව්‍යුහයේ සිදුකරන අඛණ්ඩ ප්‍රතිසංස්කරණ (ආර්ථිකයේ ව්‍යුහාත්මක ප්‍රතිසංස්කරණ) මත ශ්‍රී ලංකාවේ ආර්ථික ස්ථායිතාව පවත්වා ගැනීම රඳාපවතින බවයි.

අන්තර්ජාතික සංවර්ධනය සඳහා වූ එක්සත් ජනපද නියෝජිතායතනයේ (USAID) පරිපාලක සමැන්තා පවර් සහ ශ්‍රී ලංකාවේ නව ජනාධිපති අනුර කුමාර දිසානායක අතර ඊයේ මාර්ගගත හමුවක් පවත්වා තිබේ.

දිවයිනට බලපා ඇති වැසි සහිත කාලගුණ තත්වය හේතුවෙන් ගංගා කිහිපයක ජලමට්ටම් ඉහළගොස් ඇතිබව වාරිමාර්ග දෙපාර්තමේන්තුවේ ජල විද්‍යා හා ආපදා කළමනාකරණ ඒකකයේ අධ්‍යක්ෂ වාරිමාර්ග ඉංජිනේරු එස්.පී.සී.සුගීශ්වර මහතා පැවසීය.

එක්සත් ජනපද ආණ්ඩුව ඩොලරය, මුදල් හුවමාරු මාධ්‍යයක් හෝ වටිනාකම් ගබඩාවක් ලෙස සේවය කරනවාට වඩා යුද ආයුධයක් ලෙස භාවිත කන බව සම්මානලාභී ඇමරිකානු ආර්ථික විද්‍යාඥ සහ රාජ්‍ය ප්‍රතිපත්ති විශ්ලේෂක ජෙෆ්රි සැක්ස් පවසයි. සැක්ස් ඊයේ(10) BRICS මුදල් ඇමතිවරුන්ගේ සහ මහ බැංකු අධිපතිවරුන්ගේ රැස්වීමකට වීඩියෝ සබැඳියක් ඔස්සේ කළ සිය දේශනයේදී මෙලෙස ප්‍රකාශ කළේය. මෙම මස අගදී කසාන්හි පැවැත්වෙන BRICS 2024 සමුළුවට පෙර ජාත්‍යන්තර මූල්‍ය හා මූල්‍ය පද්ධතිය වැඩිදියුණු කිරීම පිළිබඳව සාකච්ඡා කිරීමට මුදල් ඇමතිවරුන් සහ මහ බැංකු අධිපතිවරුන් මොස්කව්හිදී මෙලෙස රැස්ව සිටියහ.