වොෂින්ටන් හි 'වොෂින්ටන් හිල්ටන්' හෝටලයේ පැවැත්වෙමින් තිබූ ධවල මන්දිර වාර්තාකරුවන්ගේ සංගමයේ වාර්ෂික රාත්‍රී භෝජන සංග්‍රහය අතරතුර වෙඩි හඬක් යැයි සැක කළ හැකි ප්‍රබල ශබ්ද කිහිපයක් ඇසීමත් සමඟ ඇමරිකානු ජනාධිපති ඩොනල්ඩ් ට්‍රම්ප් සහ බිරිඳ මෙලනියා ට්‍රම්ප් වහාම එම ස්ථානයෙන් ඉවත් කිරීමට රහස් ඔත්තු සේවා නිලධාරීන් පියවර ගෙන ඇති බව විදෙස් මාධ්‍ය වාර්තා කරයි.

පාකිස්ථානයේදී ඉරාන සහ අමෙරිකානු සාකච්ඡාකරුවන් අතර හමුවක් පැවැත්වීමට කිසිදු සැලසුමක් නොමැති බව ඉරාන විදේශ අමාත්‍යාංශ ප්‍රකාශක ඉස්මයිල් බගායි (Esmaeil Baghaei) X පණිවිඩයක් නිකුත් කරමින් ප්‍රකාශ කර තිබේ.

තමිල්නාඩු ප්‍රාන්ත මැතිවරණයේදී වාර්තාගත ඡන්දදායකයින් සංඛ්‍යාවක් ඡන්දය ප්‍රකාශ කර ඇති බව වාර්තා වේ.

ඊශ්‍රායලය සහ ලෙබනනය අතර දැනට ක්‍රියාත්මක සටන් විරාමය තවත් සති තුනකින් දීර්ඝ කිරීමට දෙපාර්ශවයම එකඟ වූ බව අමෙරිකානු ජනාධිපති ඩොනල්ඩ් ට්‍රම්ප් ප්‍රකාශ කර ඇත.

චීනයේ විදුලි වාහන (EV) නිෂ්පාදකයෙකු වන Xpeng සමාගම සිය "පියාඹන" මෝටර් රථ නිෂ්පාදනය ලබන වසරේදී ආරම්භ කිරීමට අපේක්ෂා කරන බව එම සමාගමේ සභාපති බ්‍රයන් ගු (Brian Gu) රොයිටර් පුවත් සේවයට පවසා ඇත.

ට්‍රම්ප් පරිපාලනයේ නාවික හමුදා ලේකම් ජෝන් ෆෙලන් සිය ධූරයෙන් ඉල්ලා අස්වන බව පෙන්ටගනය නිවේදනය කර ඇත.

අමෙරිකා එක්සත් ජනපදය සහ ඊශ්‍රායලය විසින් සිදුකරනු ලබන "නිර්ලජ්ජිත සටන් විරාම උල්ලංඝනය කිරීම්" හේතුවෙන් හෝමුස් සමුද්‍ර සන්ධිය විවෘත කිරීමට "නොහැකි" බව ඉරානය සඳහන් කර තිබේ.

ඉරානය සමග පැවැත්වීමට නියමිත සාම සාකච්ඡා සඳහා නායකත්වය ලබා දීමට අමෙරිකානු උප ජනාධිපති ජේ.ඩී. වෑන්ස් (JD Vance) ඉස්ලාමාබාද් නුවර බලා යාමට නියමිතව තිබූ සංචාරය අවලංගු කර ඇති බව ධවල මන්දිර නිලධාරියෙක් ප්‍රකාශ කර ඇති බව CNN පුවත් සේවය සඳහන් කරයි.

තායිවාන ජනාධිපති ලායි චිං-ටේ මහතා එස්වාටිනි( පැරණි ස්වාසිලන්තය ) වෙත සැලසුම් කළ සංචාරය කල් දමා ඇති බවට පලවන වාර්තා සම්බන්ධයෙන් චීන විදේශ අමාත්‍යාංශය අදහස් දක්වා තිබේ. කෙසේ වුවද ලායි චිං-ටේ මහතා එස්වාටිනි වෙත සංචාරය නොකිරීමට ගත් තීරණය බීජිං පරිපාලනය එල්ල කළ රාජ්‍යතාන්ත්‍රික පීඩනය හේතුවෙන් ගත් බවට කරන ප්‍රකාශ ප්‍රතික්ෂේප කරනු ලැබීය.