ඇස්ට්‍රාසෙනිකා එන්නත් මිලදී ගැනීම ගැන නිශ්ශංක සේනාධිපති කියන්නේ අමූලික බොරු - නිශ්ශංක සේනාධිපතිට, චන්න ජයසුමනගෙන් දැඩි පිළිතුරක්
චමුදිත සමරවික්‍රම මහතා, නිශ්ශංක සේනාධිපති මහතා සමග පවත්වන සාකච්ජාවක දී නිශ්ශංක සේනාධිපති මහතා පවසා ඇත්තේ කොවිඩ් වසංගත සමයේ ඇස්ට්‍රාසෙනිකා එන්නත එක් මාත්‍රාවක් ලබා දී ඉතිරි මාත්‍රාව ලබා ගැනීමට නොහැකිව තිබු බවත්, නොමිලේ එම එන්නත ලබා දීමට ඔහු ඉදිරිපත් වූවත් එවකට රජය ඒවා ලබා නොගත් බවත් ය.
එසේ නොමිලේ දුන් දේ ලබා නොගෙන කොමිස් ගැනීමේ අරමුණෙන් ඩොලර් 30 ට ඒවා පසුව මිලදී ගත් බවත් ඔහු සඳහන් කර තිබිණි.
එම ප්‍රකාශයට ප්‍රතිචාර දක්වමින් පාර්ලිමේන්තු මන්ත්‍රී මහාචාර්ය චන්න ජයසුමන මහතා පවසන්නේ ඔහු විසින් කළ එම ප්‍රකාශය අමූලික බොරුවක් බවය.
මේ සම්බන්ධයෙන් වැඩිදුරටත් කරුණු සඳහන් කරන චන්න ජයසුමන මහතා,
"චමුදිත සමරවික්‍රම, නිශ්ශංක සේනාධිපති සමග පවත්වන සාකච්ජාවක වීඩියෝ පටයක් කිහිප දෙනකු මටද යොමු කර තිබිණි. එහි මගේ නමද සදහන් වන බැවින් පහත පැහැදිලි කිරීම සිදු කරමි.
සේනාධිපති මහතා පවසන්නේ කොවිඩ් වසංගත සමයේ ඇස්ට්‍රාසෙනිකා එන්නත එක් මාත්‍රාවක් ලබා දී ඉතිරි මාත්‍රාව ලබා ගැනීමට නොහැකිව තිබු කාල වකවානුවේ නොමිලේ එම එන්නත ලබා දීමට ඔහු ඉදිරිපත් වූ බවත්, එවකට රජය ඒවා ලබා නොගත් බවත් එසේ නොමිලේ දුන් දේ ලබා නොගෙන කොමිස් ගැනීමේ අරමුණෙන් ඩොලර් 30 ට ඒවා පසුව මිලදී ගත් බවත්ය.
මෙය අමුලික බොරුවකි.
සේනාධිපති මහතා සැබවින්ම එම එන්නත නොමිලේ ලබා දීමට ඉදිරිපත් විය. ඒ නිකම්ම නොවේ. ඔහුම පවසන පරිදි ගනුදෙනුවක කොටසක් ලෙසයි. ඒ අනුව ඔහු විදේශ රටක සමාගමක් (තෙවැන් පාර්ශවයක්) ඔස්සේ ඇස්ට්‍රා සෙනිකා එන්නත් ලක්ෂ 10 ක් ලබා ගෙන ඉන් ලක්ෂ 7.5 ක් රජයට ලබා දෙයි. ඉතිරිය ඔහුගේ ව්‍යාපාරික කටයුත්තටය. සේනාධිපතිගේ ව්‍යාපාරික යෝජනාව වූයේ නැව්වල ගමන් ගන්නා නාවිකයන්ට කොවිඩ් එන්නත ලබාදීමයි. එම එන්නත ලබාදෙන මුහුදු සීමාව අයත් රට ඒ සඳහා වගකීම බාරගත යුතුය. එන්නත ලබාගත යුත්තේ සහ ලබාදිය යුත්තේ අදාල රටේ නීති රීති වලට එකඟවයි.
සේනාධිපති මහතා හැරෙන්නට තවත් පාර්ශව 14 ක් ඇස්ට්‍රා සෙනිකා එන්නත් ලබා දීමට මෙවැනි යෝජනා ඉදිරිපත් කළේය. අනෙක් අයගේ යෝජනාවල සදහන් වුයේ විවිධ රටවල තෙවැනි පාර්ශව ඔස්සේ ඇස්ට්‍රා සෙනිකා එන්නත් ලබා දිය හැකි බවයි. ඒ උදෙසා මිල ගණන්ද ඉදිරිපත් කර තිබිණි. මෙසේ එන්නත් ලබාදීමට ඉදිරිපත් වූ බොහෝ පාර්ශ්ව එම එන්නත් ලබා දෙනවා යැයි පැවසුවේ ඩුබායි හෝ නැගෙනහිර යුරෝපයේ සමාගම් හරහාය.
අප මේ සම්බන්ධයෙන් ඇස්ට්‍රාසෙනිකා මව් සමාගමෙන් විමසීමක් කළෙමු. ඔවුන් ප්‍රකාශ කළේ තුන්වෙනි පාර්ශවයක් හරහා ලබා ලබාගන්නා එන්නත්වලට කිසිදු වගකීමක් ලබාදිය නොහැකි බවයි. එපමණක් නොව එවැනි තෙවැනි පාර්ශවවලින් එන්නත් ලබා ගතහොත් මව් සමාගමෙන් එන්නත් ලබාදීම ගැන යළි සලකා බැලීමට සිදුවන බවද අපට දැනුම් දෙන ලදි.
මේ යෝජනා ගැන තීරණයක් ගැනීමට අපි ජනාධිපතිතුමන් සමග විශේෂ සාකච්ජාවක් පැවැත්වීමු.
ජනාධිපතිතුමන්ගේ අදහස වූයේ රටේ ජනතාව උගසට තබන කිසිදු ව්‍යාපාරික කටයුත්තකට ඉඩ නොදිය යුතු බවයි.
ඒ වන විටත් විවිධ ආයතන ව්‍යාජ එන්නත් ලොව පුරා බෙදා හැර ඇති බව තොරතුරු ලැබෙමින් පැවතිණි. මේ නිසා ශ්රී ලංකාවට කවර හෝ කොවිඩ් එන්නත් ලබාගත යුත්තේ මව් සමාගමින් හෝ ලෝක සෞඛ්‍ය සංවිධානයේ කොවැක්ස් වැඩ පිළිවෙළ හරහා පමණක් බවට ජනාධිපතිවරයා ද ඇතුළුව අපි තීරණය කළෙමු.
එදා අප ගත් නිවැරදි තීරණය නිසා කිසිදු ව්‍යාජ කොවිඩ් එන්නතක් අපේ රටේ ජනතාවට ලබා නොදුන් බවට සහතිකය අදට ද ලබා දිය හැකිය.
සේනාධිපතිගේ තුප්පහි ප්‍රකාශය එන්නේ ඊට පසුවයි. සේනාධිපති පවසන්නේ ඔහු නොමිලේ ලබාදීමට සූදානම් වූ ඇස්ට්‍රාසෙනිකා එන්නත් ලබා නොගෙන අප පසුව ඩොලර් 30කට එම එන්නත් ලබාගත් බවයි. ඉන් කොමිස් ලබාගත් බවයි.
මේ අමූලික බොරුවකි.
අපට අවශ්‍ය වූ දෙවන මාත්‍රා ප්‍රමාණය ලබා දුන්නේ ලෝක සෞඛ්‍ය සංවිධානයේ කොවැක්ස් වැඩපිළිවෙල හරහා ජපාන රජයේ පරිත්‍යාගයක් ලෙසයි.
කිසිදු අවස්ථාවක දෙවැනි මාත්‍රාව ලබාදීමට ඇස්ට්‍රාසෙනිකා එන්නත් මිලදී ගැනීමක් සිදු කළේ නැත. දෙවැනි මාත්‍රාව ලබාදුන්නේ ලෝක සෞඛ්‍ය සංවිධානය නිර්දේශය කළ කාලය තුළයි. දෙවැනි මාත්‍රාව ලබාදීම ප්‍රමාද වීම හේතුවෙන් මියගිය කෙනෙක් ගැන ද අපගේ දැනුවත්වීමක් නැත."
සම්බන්ධිත පුවත් | Related News
ප්‍රධාන පුවත්
දේශීය ඖෂධ කර්මාන්තය බිඳවැටෙන අවදානමක් - ඇමති නලින්දගේ හැසිරීම ගැන සංගම් තුනකින් විරෝධය..
දැඩි බෞද්ධ විරෝධය මැද ශාක්‍යයන්ට අයත්ව තිබූ බෞද්ධ ධාතු හොංකොංවලදී වෙන්දෙසි කිරීමේ සූදානමක්..
ජවිපෙ අත්හැරපු ඉන්දියන් විරෝධී සටන විජේවීරගේ පුතා අතට ගනී.. (වීඩියෝ)
අනුර - මෝදි ගිවිසුම්වලින් රටේ ආරක්ෂාවට දැඩි තර්ජනයක් එල්ලවිය හැකියි - වෛද්‍ය අනුලා විජේසුන්දර (වීඩියෝ)
අනුර - මෝදි අත්සන් කළ ගිවිසුම් රටේ ව්‍යවස්ථාවට සහ ජාත්‍යන්තර සම්මුතීන්ට පටහැනියි... ජනාධිපති ලේකම් වගකීම් පැහැරහැරියා - වෛද්‍ය වසන්ත බණ්ඩාරගෙන් චෝදනා (වීඩියෝ)
අනුර සමග හොර ගිවිසුම් අත්සන් කිරීමට විරෝධය දක්වා ජාතික සංවිධාන විසින් ඉන්දීය මහාකොමරිස් කාර්යාලයට මහජන පෙත්සම භාර දුන් අවස්ථාව (වීඩියෝ)
ආණ්ඩුව ඉන්දියාව සමග ගිවිසුම් අත්සන් කර ඇත්තේ රටේ ස්වාධීනත්වයට, නීතියට සහ ආණ්ඩුක්‍රම ව්‍යවස්ථාවට පටහැනි ලෙසයි - නීතිඥ මධුමාලි අල්විස් (වීඩියෝ)
ඉන්දියාව සමග ආණ්ඩුව අත්සන් කළ ගිවිසුම් නීති විරෝධීයි.. ඒ ගිවිසුම්වලින් රටේ ස්වෛරීත්වය පාවා දීලා - ආචාර්ය ගුණදාස අමරසේකර (වීඩියෝ)
ඉන්දියාවත් එක්ක ගැසූ හොර ගිවිසුම් ගැන කරුණු කියන්න ජනපති ලේකම් කාර්යාලයට ගිය ජාතික සංවිධාන නියෝජිතයන්ට කුඩම්මාගේ සැලකිලි..
අනුර සමග හොර ගිවිසුම් අත්සන් කිරීමට විරෝධය දක්වා ජාතික සංවිධාන විසින් ඉන්දීය මහාකොමරිස් කාර්යාලයට පෙත්සමක් භාරදෙයි..
ඉන්දියාව අසල්වාසී රාජ්‍යයක් මිස ලොකු අයියා නොවෙයි.. ඉන්දියාවේ උපකාර පිටුපස සැඟවුණු යටි අරමුණු වටහාගත යුතුයි - මහාචාර්ය පූජ්‍ය ඉඳුරාගාරේ ධම්මරතන හිමි (වීඩියෝ)
ගිවිසුම් 7ක් මගින් ලංකාව යටත් කර ඉන්දියානු ව්‍යාප්තවාදයේ ගොදුරක් බවට පත් කිරීමේ ඉන්දියානු මෙහෙයුම මේ මොහොතේ නිවැරදිව හඳුනාගත යුතුයි - මහාචාර්ය පූජ්‍ය මැදගොඩ අභයතිස්ස හිමි (වීඩියෝ)
ඉන්දියාව සමග අත්සන් කළ ගිවිසුම් ක්‍රියාත්මක වීමේදී රටට විශාල වන්දියක් ගෙවීමට සිදුවේවි... අනුර වටේ ඉන්න පාර වරද්දන උපදේශකයන්ගේ කෙරුවාව මෙන්න (වීඩියෝ)
ලෝක කම්කරු දිනය අදයි..
රට අනතුරේ හෙලමින් ඉන්දීය අගමැති මෝදි, ජනපති අනුරගේ අත අඹරා අත්සන් කළ ගිවිසුම්වලට විරෝධය පළ කරමින් ජාත්‍යන්තර පෙත්සමක් අත්සන් තබති.. (ඡායාරූප)
රට අනතුරේ හෙලමින් ඉන්දීය අගමැති මෝදි, ජනපති අනුරගේ අත අඹරා අත්සන් කළ ගිවිසුම් 7ට විරෝධය පළ කරමින් ජාත්‍යන්තර පෙත්සමක් අත්සන් තැබීම අද..